მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
Agence France-Presse - ბიძინა ივანიშვილი პრეზიდენტ სააკაშვილს "პროფესიონალ მატყუარასა" და "მამაძაღლს" უწოდებს
05:12 / 14-09-2012
ქართველი მილიარდერი, ოპოზიციონერი ლიდერი ბიძინა ივანიშვილი პრეზიდენტ მიხეილ სააკაშვილს "პროფესიონალ მატყუარასა" და "მამაძაღლს" უწოდებს, - ამის შესახებ ბიძინა ივანიშვილის მიერ "ფრანს პრესისთვის" მიცემული ინტერვიუს ინგლისურენოვან ვერსიაშია საუბარი.
როგორც ბიძინა ივანიშვილი ინტერვიუში ამბობს, მისმა მთავარმა ოპონენტმა სააკაშვილმა საქართველო, რომელსაც დასავლეთის მხარდაჭერა აქვს, გადააქცია ისეთ ავტორიტარულ სახელმწიფოდ, როგორიც ქვეყნის მტერი რუსეთია. "ფაქტობრივად, აქ არის ავტორიტარული მმართველობა. ნუთუ აქ არსებული სიტუაცია უკეთესია, ვიდრე რუსეთში ან ბელორუსში?!", - აღნიშნავს ივანიშვილი.
ამასთან, "ქართული ოცნების" ლიდერი დარწმუნებულია, რომ მისი კოალიცია ოქტომბრის არჩევნებზე სააკაშვილის მმართველობას დაამარცხებს. მისივე თქმით, ის მზად არის დაიწყოს მასობრივი გამოსვლები იმ შემთხვევაში, თუ არჩევნებზე სერიოზულ დარღვევებს აღმოაჩენენ. "ჩვენ შეგვიძლია ქუჩაში მილიონი ადამიანი გამოვიყვანოთ. ვიმოქმედებთ კანონის ფარგლებში, მშვიდობიანად და არ დავუშვებთ კონფრონტაციას", - აცხადებს ივანიშვილი.
როგორც "ფრანს პრესი" წერს, ივანიშვილი სააკაშვილს რუსეთთან ომის პროვოცირებაში ადანაშაულებს. "მე არ მინდა გავაკრიტიკო პუტინი, რადგან არ მინდა დავემსგავსო სააკაშვილს და ვაკრიტიკო დიდი ქვეყანა. ჩვენ გვექნება საუბარი რუსეთთან და მოვახდენთ ურთიერთობის ნორმალიზებას და არ მინდა ამის ხელშეშლა. როგორ უნდა ვაკრიტიკო პუტინი, როდესაც გვყავს სააკაშვილი", - განაცხადა ბიძინა ივანიშვილმა.
მისივე თქმით, ის სააკაშვილს ეხმარებოდა 2003 წლის "ვარდების რევოლუციის" შემდეგ, თუმცა, 2007 წლის 7 ნოემბერს ანტისამთავრობო დემონსტრაციის ძალადობრივი გზით დარბევის გამო დახმარება შეწყვიტა. "ძალიან გავბრაზდი ამის გამო. მე ყოველ წუთში ვურეკავდი მას. ის მამაძაღლია, რადგან მომატყუა, თითქოს ჩემი რჩევის გათვალისწინებით გადადგა, თუმცა, სინამდვილეში ამერიკის ზეწოლის გამო გააკეთა ეს", - აღნიშნა ივანიშვილმა.
"ქართული ოცნების" ლიდერის თქმით, სააკაშვილი აშენებს მისი ფულით, უგემოვნოდ და საკუთარ თავს აღმაშენებელს უწოდებს. "ის პროფესიონალი მატყუარაა", - ამბობს ივანიშვილი.
რაც შეეხება მის პოლიტიკურ გეგმებს, ბიძინა ივანიშვილის განცხადებით, მას არ გააჩნია გრძელვადიანი პოლიტიკური ამბიციები და პრემიერ-მინისტრად დანიშვნიდან ორი წლის შემდეგ პოლიტიკიდან წავა, მთავრობას კი საკუთარ გუნდს ჩააბარებს.
რაც შეეხება "ფრანს პრესისთვის" მიცემული ინტერვიუს ფრანგულენოვან ვერსიას, მასში არ არის ნახსენები სააკაშვილთან მიმართებაში ნათქვამი სიტყვა "მამაძაღლი".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
