ქართული საფინანსო სექტორისადმი ინვესტორთა ინტერესი იკლებს

ქართული საფინანსო სექტორისადმი ინვესტორთა ინტერესი იკლებს. ამის შესახებ "საქსტატი" იუწყება. ოფიციალური სტატისტიკით, ერთი წლის განმავლობაში პირდაპირი უცხოური ინვესტიციების მოცულობა 30%-ით შემცირდა და 2012 წლის მეორე კვარტალში 18,6 მლნ აშშ დოლარი შეადგინა. ეს იმ დროს, როდესაც სტატისტიკის მიხედვით, აღნიშნული მაჩვენებელი 2011 წლის პირველ კვარტალში - 26,7 მლნ აშშ დოლარი იყო.

როგორც "საქსტატში" აცხადებენ, უცხოელ ინვესტორთა აქტივობა 2012 წლის პირველ კვარტალში მნიშვნელოვნად შესამჩნევი იყო. თუმცა მეორე კვარტალში სიტუაცია საპირისპიროდ შეიცვალა.

რაც შეეხება მიმდინარე წლის ორივე კვარტლის შედეგებს, ოფიციალური სტატისტიკით, 2012 წლის I კვარტალში საქართველოში 269 მლნ აშშ დოლარის უცხოური კაპიტალი შემოვიდა, 2012 წლის II კვარტალში კი მხოლოდ - 219 მლნ აშშ დოლარი. 

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9