მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლევან ვეფხვაძე - არჩევნების შედეგებთან დაკავშირებით საერთაშორისო ორგანიზაციების შეფასებებს უნდა ვენდოთ
04:13 / 12-09-2012
"ქრისტიან-დემოკრატების" ერთ-ერთი ლიდერის, ლევან ვეფხვაძის განცხადებით, პოლიტიკური ძალები არჩევნების შედეგებთან დაკავშირებით საერთაშორისო ორგანიზაციების შეფასებებს უნდა ენდონ.
"შეიძლება ჩვენ არჩევნების შედეგებით უკმაყოფილო ვიყოთ, თუკი მასში დავმარცხდებით ან პირიქით, ზედმეტად კმაყოფილი, თუკი გავიმარჯვებთ, მაგრამ საბოლოოდ, საერთაშორისო ორგანიზაციების შეფასებებს უნდა ვენდოთ. ამიტომაც მათთან კომუნიკაცია, ასევე მათთვის ინფორმაციის მიწოდება მნიშვნელოვანია", - განუცხადა ვეფხვაძემ ჟურნალისტებს ევროსაბჭოს საპარლამენტო ასამბლეის სადამკვირვებლო დელეგაციის წევრებთან შეხვედრამდე.
მისივე განმარტებით, მსგავსი ტიპის შეხვედრები მნიშვნელოვანია, რადგან იმ დარღვევების პრევენციას წარმოადგენს, რომელიც საარჩევნო კამპანიას შესაძლოა თან ახლდეს.
"ეს არის გარკვეულწილად ხელისუფლების გაფრთხილება, რომ მსგავსი ქმედებების შემთხვევაში საერთაშორისო თანამეგობრობის რეაქცია იქნება მკაფიო", - განმარტა ვეფხვაძემ და დასძინა, რომ დელეგაციის წევრებთან შეხვედრაზე არსებულ პოლარიზებასა და საარჩევნო კამპანიის პროცესში დაფიქსირებულ ხარვეზებზე ისაუბრებს.
ამასთან, "ქრისტიან-დემოკრატების" წარმომადგენლის აზრით, თუ წინა არჩევნებში მონოპოლიური გარემო არსებობდა და ერთი სუბიექტი ფლობდა ყველანაირ რესურსს, მათ შორის ფინანსურს, ახლა ე.წ. ოლიგოპოლიაა შექმნილი, როცა ორი ძლიერი სუბიექტი ცდილობს მთელი პოლიტიკური სივრცის, მათ შორის მედიისა და არასამთავრობო ორგანიზაციების გადანაწილებას.
"ისინი ცდილობენ, რომ ამის შედეგად შექმნან განწყობა, რომ არჩევანი არსებობს მხოლოდ თეთრსა და შავს შორის. მიგვაჩნია, რომ ასეთი ტიპის არჩევანი არ იქნება სრულყოფილი და საზოგადოების განწყობის ადეკვატური, რადგან ელექტორატის მესამედს საბოლოო პოზიცია ჩამოყალიბებული ჯერ კიდევ არ აქვს", - აღნიშნა ვეფხვაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
