მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თემურ ქეცბაია - "საქართველოს ნაკრები ესპანეთთან თამაშისთვის მზად არის"
12:10 / 10-09-2012
ესპანეთთან თამაშისთვის საქართველოს ნაკრები მზად არის, - ამის შესახებ, საქართველოს ეროვნული საფეხბურთო ნაკრების მთავარმა მწვრთნელმა თემურ ქეცბაიამ დღეს, წინასამატჩო პრესკონფერენციაზე განაცხადა.
მისი თქმით, გუნდისთვის ერთადერთი პრობლემა ჯანო ანანიძის ავადმყოფობაა, რომელიც გაციებულია და ორი დღეა ლოგინიდან წამოდგომას ვერ ახერხებს. ქეცბაიას განმარტებით, ანანიძე თამაშს ალბათ პირველივე წუთებიდან ვერ შეძლებს.
ამასთან, როგორც ქეცბაიამ აღნიშნა, საქართველოს ნაკრების ფეხბურთელები ყველაფერს გააკეთებენ, რომ ქართველ ხალხს კიდევ ერთი საჩუქარი გაუკეთონ. "ესპანეთი დღეს საუკეთესო გუნდია და რა თქმა უნდა ადვილი თამაში არ იქნება. ვიცით, რომ ძნელი თამაში გვექნება, თუმცა ვიცით, რომ თუ ჩვენ დავდგებით ერთად, ვეცდებით კარგი შედეგი მივიღოთ. ჩვენთვის მისაღები შედეგი კი არწაგებაა", - განაცხადა თემურ ქეცბაიამ.
მისივე თქმით, გუნდი ფსიქოლოგიურად სრულიად მზად არის. "ბიჭებს ვუთხარი, რომ გამოვიდნენ და მოიხსნან ყველა კომპლექსი. დასაფასებელი გუნდია ესპანეთი რა თქმა უნდა, მაგრამ ზედმეტად დაფასება არც ერთი მეტოქის არ ვარგა. ესპანეთთან თამაში ძალიან დიდი სტიმულია ახალგაზრდებისთვის, რადგან ამ თამაშს მთელი მსოფლიო უყურებს და თუ ისინი თავს კარგად წარმოაჩენენ, სამომავლოდ უკეთ კლუბში შეეძლებათ თამაში", - განაცხადა თემურ ქეცბაიამ.
მანვე დღეს საქართველოს კალათბურთელთა ნაკრებს მიულოცა ევროპის ჩემპიონატის ფინალურ ეტაპზე გასვლა და იმედი გამოთქვა, რომ საქართველოს საფეხბურთო ნაკრებიც შეძლებს უმაღლესი დონის ტურნირების ფინალურ ეტაპებზე გასვლას.
ამ წუთებში "დინამო არენაზე" საქართველოს ეროვნული ნაკრების ვარჯიში მიმდინარეობს. გუნდთან ერთად ვერ ვარჯიშობს ჯანო ანანიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიკა მელია სასამართლო სხდომაზე გამოცხადებას და გირაოს გადახდას არ აპირებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
