მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ განვითარდება პროცესები სექტემბერში
23:10 / 07-09-2012
დღეს გავაანალიზებთ სექტემბრის ზოგად ასტროლოგიურ ტენდენციებს და შემოგთავაზებთ მოკლე პროგნოზს, როგორ შეიძლება განვითარდეს მოვლენები ამა თუ იმ ზოდიაქოს ნიშნით დაბადებული ადამიანებისთვის.
ბოლო 60-წლიან ციკლში 2008-14 წლები ყველაზე რთულ პერიოდად შეიძლება მივიჩნიოთ, როგორც ეკონომიკური, ისე პოლიტიკური და სამხედრო თვალსაზრისით.
სწორედ ზემოაღნიშნულ პერიოდში დაიწყო მსოფლიოში ეკონომიკური კრიზისი, რომლის დაძლევა ჯერჯერობით ვერ მოხერხდა. მსოფლიოს რიგ ქვეყნებში კი მოხდა რევოლუციები, საომარი შეტაკებები, სამოქალაქო ომი თუ ხელისუფლების ძალადობრივი დამხობა. ეს პროცესი ახლაც გრძელდება.
მსოფლიოში ვითარების გამწვავებას ასტროლოგები ჯერ კიდევ 2006-07 წლებში ვარაუდობდნენ. ბევრი ასტროლოგის აზრით, პლანეტა პლუტონის მშვილდოსნის ბოლო, "დამანგრეველ" 30-ე გრადუსში გადასვლა და შემდეგ თხის რქის ზოდიაქოში გადანაცვლება დედამიწაზე რთულ პოლიტიკურ-ეკონომიკურ პროცესებს დაუდებდა სათავეს და ეს პროცესები 2014 წლის შემოდგომამდე ან სულაც 2015 წლის გაზაფხულამდე გაგრძელდებოდა.
რაც შეეხება 2012 წლის სექტემბერს, ეს თვე მსოფლიოსთვის მეტ-ნაკლებად დაძაბული იქნება. ამაზე მიანიშნებს ურანისა და პლუტონის უარყოფითი ასპექტი, რომელიც მთელი სექტემბრის განმავლობაში გაგრძელდება და პიკს 14-24 სექტემბრის შუალედში მიაღწევს. ის აგრეთვე, გააქტიურდება 2013 წლის აპრილ-ივნისში (პიკი - მაისი). ამ ასპექტის უარყოფითი გავლენით სახელმწიფოთა (და ასევე - ადამიანთა) შორის მოიმატებს გაუგებრობისა და დაპირისპირების ალბათობა.
თუმცა 18-23 სექტემბრის შუალედში ასევე ამოქმედდება ვენერა-იუპიტერის დადებითი ასპექტი (კავშირი), რომელიც ასტროლოგიაში სასიკეთოდ მიიჩნევა, რაც მიანიშნებს, რომ სექტემბრის მეორე ნახევარში დაძაბულობის თავიდან არიდება შესაძლებელია.
სექტემბრის პირველი ნახევარი შედარებით მშვიდი იქნება, რადგან წინა პლანზე ემოციების ნაცვლად ლოგიკური აზროვნება წამოწევს. ამ ტენდენციას შექმნის პლანეტა მერკური, რომელიც 1 სექტემბერს ქალწულის ზოდიაქოში გადავა და იქ 16 სექტემბრის ჩათვლით იმოძრავებს.
6 სექტემბერს პლანეტა ვენერას კირჩხიბის ზოდიაქოდან ლომის ზოდიაქოში გადანაცვლება პოლიტიკაში შოუს ელემენტების შეტანას შეუწყობს ხელს და პოლიტიკოსებს შეეძლებათ უფრო ხატოვნად, შეიძლება ითქვას, არტისტულად წარმოაჩინონ თავიანთი პოზიციები.
ამ ტენდენციას გააძლიერებს პლანეტა ნეპტუნისა და შავი მთვარის (ლილიტის) უარყოფითი ასპექტი, რომლის ზემოქმედების პიკი 16-24 სექტემბრის პერიოდშია. აღსანიშნავია, რომ ამ დღეებში დიდი იქნება მოწამვლის ალბათობა, ამიტომ, ყველას მაქსიმალური ყურადღების გამოჩენა მართებს საკვების, წყლისა და ჰაერის მიმართ, განსაკუთრებით - მერწყულის ზოდიაქოს ნიშნით დაბადებულებს.
სექტემბრის მესამე დეკადა ყველაზე რთული იქნება - მოიმატებს ინტრიგების, სკანდალების ალბათობა და თუ წინდახედულებას არ გამოვიჩენთ, შესაძლოა ეს ყველაფერი ფიზიკური დაპირისპირებით დასრულდეს.
სექტემბერში კოსმოსის გავლენა ზოდიაქოს ნიშნებისთვის ასეთი იქნება:
ცეცხლის სტიქიით დაბადებულთათვის (ვერძი, ლომი და მშვილდოსანი) სექტემბერში პროცესები დადებითად არ წარიმართება - შესაძლოა, მათ გეგმების განხორციელებაში წინაღობები შეექმნათ, განსაკუთრებით - მშვილდოსნებს, რომლებსაც მეტი თავშეკავება მართებთ.
მიწის სტიქიის ნიშნებისთვის (კურო, ქალწული და თხის რქა) სექტემბერი შედარებით დადებითი პერიოდია, რადგან მოიმატებს მათი ენერგიულობა, ორგანიზატორული უნარი და მიზანსწრაფვა, რაც საშუალებას მისცემთ, წარმატებით გაართვან თავი დაკისრებულ მოვალეობებს.
ჰაერის სტიქიით (ტყუპი, სასწორი და მერწყული) დაბადებულთ მეტ-ნაკლებად დადებითი პერიოდი ელით. თუმცა, თუ იაქტიურებენ, ტყუპის ნიშნით დაბადებულები წარმატებას მიაღწევენ.
რაც შეეხება წყლის სტიქიას, კირჩხიბი, მორიელი და თევზები სექტემბერში შეეცდებიან, ადრე დაწყებული პროექტების დასრულებას და განვითარების ახალ ეტაპზე გადასვლას. არ არის გამორიცხული, მათ მოძებნონ შემოსავლის ახალი წყარო ან შეიცვალონ სტატუსი.
რამაზ გიგაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
