მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ანდერს ფოგ რასმუსენმა და დიმიტრი შაშკინმა ქართველი სამხედროები ავღანეთში გააცილეს
13:35 / 06-09-2012
ნატოს გენერალურმა მდივანმა ანდერს ფოგ რასმუსენმა და თავდაცვის მინისტრმა დიმიტრი შაშკინმა ქართველი სამხედრო მოსამსახურეები ავღანეთში გააცილეს. ოფიციალური ცერემონია დღეს შერეულ საავიაციო ბაზაზე გაიმართა.
ნატოს გენერალურმა მდივანმა ქართველ სამხედრო მოსამსახურეებს სიტყვით მიმართა და საქართველოს მთავრობას ISAF-ის ოპერაციაში შეტანილი წვლილისათვის მადლობა გადაუხადა.
ავღანეთში სამშვიდობო მისიაში მონაწილეობის მისაღებად საქართველოს შეიარაღებული ძალების 32-ე და მე-12-ე მსუბუქი ქვეითი ბატალიონები მიემგზავრებიან. ქართველი სამხედრო მოსამსახურეები ჰელმანდის პროვინციაში ამერიკული კონტინგენტის შემადგენლობაში ISAF-ის (საერთაშორისო უსაფრთხოების უზრუნველყოფის ძალები) ოპერაციაში მიიღებენ მონაწილეობას. ისინი ამერიკელ საზღვაო ქვეითებთან ერთად 6 თვის განმავლობაში სრული სპექტრის ოპერაციებს განახორციელებენ.
ქართველი სამხედრეობის ამოცანას ტერორიზმთან ბრძოლა, პროვინციის სამოქმედო არეალში მოსახლეობის უსაფრთხოების მიზნით პატრულირება და მოძრავი საკონტროლო საგუშაგოების მოწყობა წარმოადგენს. ქართულმა ბატალიონებმა მისიისათვის სპეციალური მომზადება გაიარეს. ექვსი თვის განმავლობაში ამერიკის შეერთებული შტატების საზღვაო ქვეითი ჯარების საექსპედიციო ბრიგადის ხელმძღვანელობით მათ ინტენსიური მომზადება კრწანისის სასწავლო ცენტრში გაიარეს. საქართველოს შემდეგ სამხედროები გერმანიის ქალაქ ჰოჰენფელსში, აშშ-ის გაერთიანებული მრავალეროვანი მზადყოფნის ცენტრში (JMRC) მომზადდნენ.
ნატოს გენერალური მდივანი საქართველოში ერთდღიანი ოფიციალური ვიზიტით იმყოფება. ვიზიტის ფარგლებში რასმუსენი თბილისში მიმდინარე ამბასადორიალის ფარგლებში დიპლომატიური მისიის წარმომადგენლებს შეხვდა და სიტყვით გამოვიდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
