მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პოლიტიკაში დაბრუნებული ზურა ხაჩიძე წინასაარჩევნო კონცერტებისთვის ემზადება
23:10 / 06-09-2012
"გადავწყვიტე, ხალხს სიმართლე ვუთხრა", - ამბობს მომღერალი ზურაბ ხაჩიძე, რომელიც მისივე თქმით, სააკაშვილთან საბრძოლველად ემზადება. როგორც რამდენიმე დღის წინ გახდა ცნობილი, ის ქრისტიან-დემოკრატიული მოძრაობიდან, როგორც მაჟორიტარი კანდიდატი, დიდუბეში იყრის კენჭს. მისი პარტიის ლიდერი ამბობს, რომ ზურამ ზუსტად იცის, როგორ საქართველოში უნდა ცხოვრება და რა ქმედითი ნაბიჯები უნდა გადადგას ამ მიზნის მისაღწევად.
- ზურა, როგორც მახსოვს, პოლიტიკიდან ერთხელ უკვე წახვედით; რაღატომ დაბრუნდით?
- შეუძლებელია, შორიდან გულგრილად უყურო იმ ყველაფერს, რაც დღეს საქართველოში ხდება. ახლა ჩვენს ქვეყანას ყველაზე მეტად სჭირდება თანადგომა. მინდა, ახალგაზრდებს სწორი მიმართულება მივცე, რათა არ დაიბნენ და სწორი არჩევანი გააკეთონ. გულგრილობა ღალატის ტოლფასია. ჩემს გუნდთან ერთად, ხალხს აუცილებლად ვეტყვი სიმართლეს იმის შესახებ, თუ რა უსამართლობას სჩადის ხელისუფლება, როგორ აშინებს, ატერორებს და აშანტაჟებს პატიოსან ადამიანებს.
- ქრისტიან-დემოკრატებთან თანამშრომლობა რატომ გადაწყვიტეთ?
- ჩემსა და ქრისტიან-დემოკრატიული მოძრაობის ლიდერებთან უკვე დიდი ხანია, მიმდინარეობს მოლაპარაკება. ჩვენ საქმიანი საუბრები ჯერ კიდევ ქალაქის საკრებულოს არჩევნების დროს დავიწყეთ. მაშინ ვერ შევჯერდით: საქმეები მქონდა საზღვარგარეთ და იქ წასვლა ვარჩიე. ახლა დავბრუნდი და მათ თანამშრომლობა ისევ შემომთავაზეს. ბევრი აღარ მიფიქრია. ამ პარტიაში ბევრი ჩემი მეგობარია და გადავწყვიტე, სააკაშვილის რეჟიმის წინააღმდეგ მათთან ერთად ვიბრძოლო.
- ადრე "ახალ მემარჯვენეებთან" ერთად იბრძოდით...
- თავიდან გაერთიანებულ ოპოზიციასთან ვიყავი, შემდეგ უკვე "ახალ მემარჯვენეებში" აღმოვჩნდი. იქ საკმაოდ დიდი გამოცდილება მივიღე.
- იქიდან რატომ წამოხვედით?
- ცუდად არ წამოვსულვარ, უბრალოდ, ძალიან ბევრი საქმე მქონდა გასაკეთებელი. როგორც უკვე გითხარით, საზღვარგარეთ წავედი.
- რა მიზნით?
- სასწავლებლად და საქმის ასაწყობად. ჰოლანდიაში ფეხბურთის მენეჯმენტი შევისწავლე, საბერძნეთში კი ჩემი საქმე ავაწყვე.
- "ქუჩის ბიჭები" ერთად შეკრებასა და ყველაფრის თავიდან დაწყებას აპირებდით. გადაიფიქრეთ?
- არა, აქამდე ჩვენი იდეა მხოლოდ იმიტომ ვერ განვახორციელეთ, რომ ხელისუფლება ყველგან გვბლოკავდა, ტელევიზია იქნებოდა ეს, თუ - რადიო. ალბათ გახსოვთ, 2007 წლის აქციებში რომ ვმონაწილეობდით. აი, სწორედ იმის მერე ამოგვიჩემეს და აღარ გაგვახარეს. ახლა ქრისტიან-დემოკრატების სახელით, საქართველოს სხვადასხვა ქალაქში ვაპირებთ კონცერტების გამართვას. ამის შესახებ, საზოგადოება სულ მალე გაიგებს.
- ისევ ძველი შემადგენლობა დარჩება?
- სამნი ვიქნებით - მე, ირაკლი ნოზაძე და პაატა ხაჩიძე. მხოლოდ გურამიკო არ გვეყოლება. როგორც მოგეხსენებათ, ის ამერიკაშია.
- ე.ი. თქვენი პოლიტიკური მოღვაწეობა კონცერტების ჩატარებით შემოიფარგლება?
- არა, რატომ?! დიდუბეში ამომრჩევლებს ვხვდები, უამრავი საქმე მაქვს. კონცერტებსაც გავმართავ და საქმესაც მივხედავ. სიტყვას გაძლევთ, რომ ხელს არც ერთს დავაკლებ.
- ამომრჩევლებს კონკრეტულად რა პრობლემების მოგვარებას ჰპირდებით?
- მთავარია, ხალხი შიშისგან, "ნაციონალების" უსამართლო მმართველობისგან გათავისუფლდეს. აი, ეს არის ჩემი მთავარი მიზანი. ძალიან მინდა, ქვეყანაში უმუშევრობის პრობლემა არ იდგეს. ჩემი თანატოლი, ახალგაზრდა, ნიჭიერი ბიჭები სამსახურს ვერ შოულობენ. დისტრიბუტორებად თუ დაიწყე სადმე მუშაობა, ე.ი. მაგრად გაგიმართლა, - ეს მათთვის მაქსიმუმია. უმრავლესობა ტოტალიზატორებსა და სხვადასხვა სათამაშო დაწესებულებაში დადის იმ იმედით, რომ მცირე თანხას მაინც მოიგებს. ქრისტიან-დემოკრატებთან ერთად, ყველაფერს გავაკეთებ იმისთვის, რომ ეს საშინელი ვითარება შეიცვალოს.
- ამ საქმეში თქვენი მეუღლე, ხათუნა ჟორდანიაც გეხმარებათ?
- რა თქმა უნდა. ჩვენ ერთად ვიბრძოლებთ რეჟიმის წინააღმდეგ და ბოლომდე მივყვებით საქმეს. მე და ჩემს მეუღლეს ადრეც არაერთხელ გამოგვიხატავს ოპოზიციური აზრი, რის გამოც მაგრადაც მოგვხვედრია. გამუდმებით დაჭერით გვემუქრებოდნენ. ზეწოლასა და შანტაჟს ამ ხელისუფლებისგან ახლაც ველოდები, მაგრამ უკან დახევას არ ვაპირებთ...
ხათუნა ბახტურიძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
