5
ივნისიდღის ზოგადი ასტროლოგიური პროგნოზი
კვირას, 2 სექტემბერს, თბილისის ვიცე-მერი მამუკა ახვლედიანი გერმანიაში, მიუნხენის ქართულ ტაძარში გამართულ წირვაზე დასავლეთ ევროპის ეპარქიის მიტროპოლიტ აბრაამ გარმელიასთან ერთად გამოჩნდა.
ქართველი ემიგრანტების განცხადებით, მიტროპოლიტმა წირვის დასრულების შემდეგ პოლიტიკური განცხადებები გააკეთა და მრევლს მოუწოდა, არჩევნებში მხარი "ნაციონალურ მოძრაობას" დაუჭირონ. ჩვენ მიერ მოპოვებული ინფორმაციით, "ნაციონალური მოძრაობა" სასულიერო პირებთან ერთად იტალიას ეწვევა, სადაც ბევრი ჩვენი თანამემამულე ცხოვრობს და არჩევნებამდე ეტაპობრივად მოივლიან ევროპის ყველა იმ ქვეყანას, სადაც ბევრი ქართველი ემიგრანტია... ქადაგებისას მიტროპოლიტმა სინოდის გადაწყვეტილებაზეც ისაუბრა და სასულიერო პირების ნაწილს - მეუფე იობს, მამა ბართლომე ფირცხალაშვილს და დეკანოზ ტარიელ სიკინჭილაშვილს, საქციელი არ მოუწონა, თუმცა მიტროპოლიტს მათი სახელები არ დაუკონკრეტებია, მან უბრალოდ განაცხადა, რომ რამდენიმე სასულიერო პირი უწმინდესის გადაწყვეტილებას არ დაემორჩილა. ყველა სასულიერო პირმა პოლიტიკურ და პარტიულ საქმეებში ჩარევისგან თავი უნდა შეიკავოსო, - განაცხადა მიტროპოლიტმა აბრაამმა, თუმცა, მრევლის თქმით, თვითონ მიტროპოლიტმა პოლიტიკური განცხადებები ამბიონიდან გააკეთა. "ყველა სიახლე" პორტუგალიის დედაქალაქ ლისაბონში დაუკავშირდა "ქართული ოცნების" წევრს, ქართული ასოციაციის ხელმძღვანელ ირაკლი ბარამიძეს, რომელმაც მიტროპოლიტ აბრაამისა და მამუკა ახვლედიანის მიუნხენის ტაძარში ქადაგებისა და სტუმრობის ამსახველი ვიდეოჩანაწერი სოციალურ ქსელში გაავრცელა:
- მიტროპოლიტი აბრაამ გარმელია და მამუკა ახვლედიანი მიუნხენის ტაძარში საკვირაო წირვისას გამოჩნდნენ. ისინი დაუფარავად მოუწოდებდნენ მრევლს, მხარი "ნაციონალური მოძრაობისთვის" დაეჭირათ. ქადაგებისას მიტროპოლიტმა ბრძანა, რომ "ნაციონალური მოძრაობა" არის ერთადერთი ჭეშმარიტი ძალა. მან განაცხადა, რომ ის ხმას არ მისცემს პარტიას, რომელსაც არ აინტერესებს აფხაზეთი, აგრეთვე, მას, ვინც პრეზიდენტს ომის დაწყება დააბრალა. ჩანს, მან "ქართული ოცნება" და მისი ლიდერი იგულისხმა.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
