საფეხბურთო კლუბი თბილისის "დინამო" "მის საქართველო 2012"-ის ოფიციალური პარტნიორი გახდა.
5 სექტემბერს დიღომში, კლუბის საწვრთნელ ბაზაზე, სპეციალური ფოტოსესია მოეწყო, რომელშიც მონაწილეობა "იმიჯ-ცენტრის" მოდელებთან ერთად "დინამოს" ფეხბურთელებმაც მიიღეს.
გარდა ამისა, საქართველოს ჩემპიონატის მე-4 ტურის დინამო-კოლხეთის მატჩს, რომელიც თბილისელთა გამარჯვებით, 5:0 დასრულდა, "მის საქართველო 2012"-ის კონკურსანტები დაესწრნენ.
ახლო მომავალში "დინამო" და "მის საქართველო 2012" რამდენიმე საქველმოქმედო აქციის ჩატარებას გეგმავენ.
იხილეთ ვიდეო: თბილისის "დინამოს" ფეხბურთელებისა და "იმიჯ-ცენტრის" მოდელების ერთობლივი ფოტოსესია
