მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჰექტორ ტიმერმანი - ეს რეგიონი შორს არის ჩემი ქვეყნიდან, მაგრამ ძალიან ახლოსაა გულთან
04:52 / 06-09-2012
ეს რეგიონი შორს არის ჩემი ქვეყნიდან, მაგრამ ძალიან ახლოსაა გულთან, - ამის შესახებ არგენტინის საგარეო საქმეთა მინისტრმა ჰექტორ ტიმერმანმა გრიგოლ ვაშაძესთან ერთობლივ პრესკონფერენციაზე განაცხადა.
მისი თქმით, არგენტინა ერთ-ერთი პირველი იყო, რომელმაც 1990 წელს საქართველოს დამოუკიდებლობა აღიარა.
"გლობალურ სამყაროში ჩვენ უნდა გამოვიყენოთ ჩვენი საუკეთესო შესაძლებლობა, რომელსაც გლობალიზაციის პროცესი გვაძლევს და ერებს შორის პირდაპირ დიალოგი შუამავლების გარეშე უნდა წარიმართოს. საქართველოსთან დიალოგი მოიცავს ურთიერთთანამშრომლობას", - განაცხადა ჰექტორ ტიმერმანმა.
მისივე თქმით, არგენტინას და საქართველოს ყველა საერთაშორისო ორგანიზაციაში თავისი ხმა აქვს და ქვეყნებმა ერთად უნდა იმოქმედონ იმ საკითხებთან დაკავშირებით, რომელიც მათ ძირითად მიზანს წარმოადგენს.
რაც შეეხება ურთიერთთანამშრომლობას, არგენტინის საგარეო საქმეთა მინისტრის განცხადებით, საქართველოსა და არგენტინას შორის თანამშრომლობა უნდა შედგეს სოფლის მეურნეობის, ტურიზმის, განათლების სფეროში და უნდა მოხდეს ქვეყნებს შორის ბიზნესურთიერთობების განმტკიცება.
"ჩვენ ვართ ერთ-ერთი წამყვანი სასოფლო-სამეურნეო მწარმოებელი ქვეყანა მსოფლიოში და შეგვიძლია საქართველოს დახმარება გაუწიოთ. ვფიქრობთ, ბიზნესის კუთხით თანამშრომლობა ქმედებების დონეზე უნდა გადავიტანოთ", - განაცხადა ჰექტორ ტიმერმანმა.
გრიგოლ ვაშაძის განცხადებით კი, საქართველო და არგენტინა ახლა იწყებენ ორმხრივ ურთიერთობებს.
როგორც ვაშაძემ აღნიშნა, არგენტინა სოფლის მეურნეობის თვალსაზრისით ერთ-ერთი მოწინავე ქვეყანაა და ამ მიმართულებით უნდა დაიწყოს თანამშრომლობა, ასევე უნდა გაღრმავდეს თანამშრომლობა განათლების სფეროში.
"საინტერესო გეგმები გვაქვს და ეს გეგმები სამართლებრივი ბაზის შექმნით დაიწყება", - განაცხადა გრიგოლ ვაშაძემ.
მისივე თქმით, არგენტინის საგარეო საქმეთა მინისტრი შეხვდება საქართველოს პრეზიდენტ მიხეილ სააკაშვილს და პრემიერ-მინისტრ ვანო მერაბიშვილს. საღამოს კი დაგეგმილია სადილი მთავრობის უმაღლეს წარმომადგენლებთან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
