26
მაისიდღის ზოგადი ასტროლოგიური პროგნოზი
ირანში მიწისძვრის შედეგად დაღუპულთა რიცხვი 250-მდე გაიზარდა. ამის შესახებ ინფორმაციას ადგილობრივი ტელეკომპანიები ავრცელებენ. ამასთან, ირანული მედია არ გამორიცხავს, რომ მსხვერპლისა და დაზარალებულთა რაოდენობა, რომელიც, ამ დროის მონაცემებით, 2 ათას ადამიანზე მეტს შეადგენს, კიდევ გაიზარდოს. მათივე ცნობით, ათეულობით მოქალაქე ჯერ კიდევ ნანგრევების ქვეშ რჩება.
ქვეყნის ჩრდილოდასავლეთით სამაშველო ოპერაცია ამ დრომდე მიმდინარეობს. აღსანიშნავია, რომ ირანის გარდა საცხოვრებელი სახლები დატოვა აზერბაიჯანის აღმოსავლეთ პროვინციაში მცხოვრებმა ათასობით ადამიანმაც.
ირანის გეოლოგიური სამსახურის ცნობით, მიწისძვრა, რომელიც ქვეყანაში გუშინ მოხდა, 6,3 ბალს შეადგენდა. როგორც ადგილობრივი სეისმოლოგები ვარაუდობენ, რყევები შესაძლოა კიდევ განმეორდეს.
აღსანიშნავია, რომ ირანი დედამიწაზე სეისმურად აქტიური ზონების ათეულში შედის.
