თურქეთში ძლიერი მიწისძვრა მოხდა

თურქეთის სამხრეთ-აღმოსავლეთით ძლიერი მიწისძვრა მოხდა. თურქეთის სეისმოლოგიური სამსახურის მონაცემებით, მიწისძვრის სიმძლავრემ 5,5 მაგნიტუდა შეადგინა. ეპიცენტრი სიპოლის რაიონში, ერაყის საზღვართან ახლოს მდებარეობდა.

მსხვერპლისა და ნგრევის შესახებ ინფორმაცია ჯერჯერობით არ ვრცელდება.

ყველაზე ძლიერი მიწისძვრა, რომელსაც მსხვერპლი მოჰყვა, თურქეთში ვანის პროვინციაში გასული წლის ოქტომბერში მოხდა. 7,2 მაგნიტუდის სიმძლავრის ბიძგებს 600 ადამიანი ემსხვერპლა.

"ინტერპრესნიუსი"