22
ივნისიდღის ზოგადი ასტროლოგიური პროგნოზი
აშშ-ში, კალიფორნიის შტატში ქალს, რომელიც "თვითმკვლელობის ხელსაწყოს" ყიდდა, ხუთი წელი პირობითი სასჯელი მიუსაჯეს.
სასჯელი მან არა ვაჭრობისთვის, არამედ საგადასახადო კანონმდებლობის დარღვევის გამო მიიღო. საქმე ის არის, რომ აშშ-ში იმ ადამიანების დახმარება, ვინც თვითმკვლელობა გადაწყვიტა, იურიდიულად არ რეგულირდება.
პროკურატურის მონაცემებით, 92 წლის ყოფილმა მასწავლებელმა შარლოტა ჰაიდორნმა თავის მოკვლის მსურველ "კლიენტებს" 1 300 "კომპლექტი" მიჰყიდა.
თვითმკვლელობის ხელსაწყოს კომპლექტში შედიოდა: მილი, სპეციალური პლასტიკური ტომარა და გამოყენების ინსტრუქცია მათთვის, ვისაც ჰელიუმის ჩასუნთქვით თავის მოკვლა სურს. ამ "ოპერაციის" განხორციელებისთვის აუცილებელი ინერტული გაზი "კომპლექტში" არ შედიოდა.
ჰაიდორნმა აღიარა, რომ ამ კომპლექტს 40-დან 60 დოლარამდე ყიდდა. პენსიონერი ყველაზე ხშირად შეკვეთებს ტელეფონით და ელექტრონული ფოსტით იღებდა. მისი თქმით, იგი სასიკვდილო ავადმყოფობით დაავადებულ ადამიანებს საკუთარი ცხოვრების დამთავრების შანსს აძლევდა.
საპროცესო გარიგებით, ქალი აღიარებს, რომ 2007 წლიდან გადასახადები არ გადაუხდია, მიუხედავად იმისა, რომ მან ამ პერიოდში 150 000 დოლარზე მეტი გამოიმუშავა.
პროკურატურა კი, თავის მხრივ, ჰაიდორნს თვითმკვლელობის თანამონაწილეობაში ბრალდებას არ წაუყენებს. პირობითი სასჯელის გარდა, სახელმწიფომ ყოფილ მასწავლებელს "ბიზნესის" წარმოება აუკრძალა.
ჰაიდორნმა აშშ-ის შემოსავლების სამსახურთან საგადასახადო დავალიანების და მისი გადახდის გრაფიკიც უნდა მოაგვაროს.
მომზადებულია newsru.com-ის მიხედვით.
