31
მაისიდღის ზოგადი ასტროლოგიური პროგნოზი
ალბათ ყველა ქალს, რომელიც მაღალი სტანდარტებით, თვალისმომჭრელი სისუფთავითა და პედანტური წესრიგით კლინიკა "მედიში" ერთხელ მაინც არის ნამყოფი, ან უნახავს პლასტიკური ქირურგის, ვახტანგ პეტრიაშვილისყოფილი პაციენტები (რომელთა შორის ბევრი საზოგადოებისთვის ცნობილი ქალბატონია), აუცილებლად მოუნდება საკუთარ გარეგნობაში რაღაცის შეცვლა, კიდევ უფრო მეტად გალამაზება და იმ საოცარი შედეგის მიღება, რასაც კლინიკა "მედი" ყველა ქალბატონს სთავაზობს. ამის ერთ-ერთ მაგალითს 45 წლის ნათია წარმოადგენს, რომელსაც ორი შვილი ჰყავს. არ შეიძლება ის პირველი დანახვისთანავე არ მოგეწონოთ: ლამაზი მკერდი, გადატკეცილი მუცელი, წვრილი წელი და გამოყვანილი თეძოები, ვერავინ იტყვის, რომ ორი შვილის დედაა. ნათიამ სხეულის სრულყოფილ, იდიალურ ფორმებს "მედიში" მიაღწია. ახლა ის თავს ყველაზე ბედნიერ ქალად მიიჩნევს, მისი უნაკლო გარეგნობით კი განსაკუთრებით მეუღლეა კმაყოფილი.
ნათია: ბავშვების გაჩენის შემდეგ ყველა ქალს მუცელთან, მკერდთან დაკავშირებით პრობლემა უჩნდება: იწელება კანი, ჩნდება სტრიები, ეშვება მუცელი. ამ მხრივ არც მე წარმოვადგენდი გამონაკლის, ეს კი დიდ დისკომფორტს მიქმნიდა, ჩემს გემოზე კაბასაც ვერ ვიცვამდი.. ყოფილი სპორტსმენი ვარ, კანი ნორმალური მაქვს - მკვრივი, მაგრამ ფეხძიმობის შემდეგ მუცელზე გაწელილ კანს ვერაფერი ვუშველე - ვერც ვარჯიშით, ვერც დიეტით.. თან აპენდიქტომიის მერე დიდი იარა დამრჩა, ცუდად შეხორცდა და მშობიარობის შემდეგ უფრო გაფართოვდა. გადავწყვიტე ერთხელ და სამუდამოდ მომეგვარებინა პრობლემები, პლასტიკური ოპერაცია გამეკეთებინა. კლინიკა "მედის" და კონკრეტულად ბატონ ვახტანგ პეტრიაშვილის შესახებ ბევრი რამ მქონდა გაგებული, წაკითხული. რამდენიმე ახლობელმა "მედიში" გაიკეთა ცხვირის ოპერაცია, მკერდის, მუცლის პლასტიკა, არაჩვეულებრივი შედეგი მიიღეს. ამიტომ აქეთ-იქით სიარული აღარ დამიწყია, საკუთარი თავი "მედის" პროფესიონალებს მივანდე. არ შევცდი, შედეგით ძალიან კმაყოფილი ვარ... რადგან ერთ ოპერაციაზე წავედი და მუცლის აბდომინოპლასტიკას ვიკეთებდი, გადავწყვიტე მკერდის ზომაც გამეზარდა. საბოლოო ჯამში კი გავიკეთე: ლიპოსაქცია, მუცლის აბდომინოპლასტიკა, მკერდის პლასტიკა და წარბების აწევა. ბოლოს იმდენად შევედი აზარტში ცხვირის პლასტიკაც მინდოდა, მაგრამ ბატონმა ვახტანგმა უარი მითხრა - მშვენიერი ცხვირი გაქვს და არ გჭირდება არანაირი ოპერაციის გაკეთებაო.
ვახტანგ პეტრიაშვილი (კლინიკა "მედის" პლასტიკური ქირურგი): პაციენტი ჩვენთან გარკვეული პრობლემით მოდის, ამიტომ მას აუცილებლად უნდა მოვექცეთ ისე, როგორც საუკეთესო მეგობარს, ახლობელ ადამიანს. ჩვენ ყოველთვის პაციენტების ინტერესებიდან გამოვდივართ - რაც შეიძლება მინიმალური ტრამვებით მივიღოთ მაქსიმალური შედეგი.
- რის ოპერაცია კეთდება ყველაზე ხშირად "მედიში"?
- რინოპლასტიკა ანუ ცხვირის ოპერაცია; შემდეგ მოდის მკერდის პლასტიკა: გადიდება, აწევა; ასევე ლიპოსაქცია; აბდომინოპლასტიკა - მუცლის პლასტიკა; სახის პლასტიკა - წარბების აწევა, ნიკაპის, ქუთუთოების პლასტიკა, სახის დაჭიმვა და ასე შემდეგ.
ნათიას გაუკეთდა 4 ოპერაცია. წარბების აწევისას თმაში კეთდება პატარა განაკვეთი, რომელიც არ ჩანს, სამაგიეროდ თვალი უფრო გახსნილი ხდება და სახე ლამაზ გამომეტყველებას იღებს. ნათიამ სამი წლის წინ გაიკეთა მკერდის პლასტიკა, ჩაიდგა იმპლანტები, რადგან უფრო დიდი ზომის მკერდი უნდოდა, ჩვენ გავითვალისწინეთ მისი თხოვნა და ძველი - შედარებით დიდი იმპლანტებით შევუცვალეთ. ლიპოსაქციის საშუალებით კი გარკვეული უბნებიდან გამოვიღეთ ზედმეტი ცხიმი და იმ უბნებს დავუბრუნეთ ფორმა. ლიპოსაქციის შემდეგ დავუნიშნეთ სპეციალური პროცედურები, რომელიც ცხიმებს გადაასწორებს და სხეულს იმ ფორმასა და საბოლოო კორექციას აძლევს, როგორიც გვინდა, რომ მივიღოთ. სამწუხაროდ ზოგიერთ კლინიკებში და თვითონ პაციენტებს გონიათ, რომ მხოლოდ ოპერაციაა ყველაფერი. შეიძლება ითქვას, რომ ლიპოსაქცია არის მხოლოდ 70 პროცენტი, დანარჩენი - 30 პროცენტი უნდა მივიღოთ დამატებითი პროცედურებით, როგორიც არის მასაჟი, ვაკუუმით მასაჟი, ასევე რადიოტალღური პროცედურები. ეს ყველაფერი გვეხმარება იმაში, რომ კანმა დაიბრუნოს ძველი ფორმა, გალამაზდეს და გამკვრივდეს.
ნათიას ეს პროცედურები ჩვენს კლინიკაში ჩაუტარდა პროფესიონალი სპეციალისტების მიერ. მას ასევე გავუკეთეთ აბდომინოპლასტიკა, ანუ მუცელზე ზედმეტი კანისა და ცხიმის მოშორება. აბდომინოპლასტიკისა და ლიპოსაქციის შედეგად მას გამოეკვეთა წელი, მუცელი გასწორდა და უფრო ლამაზი გახდა. მინდა აქვე ავღნიშნო, რომ ორსულობის დროს, როდესაც ქალბატონს ეზრდება მუცელი, მუცლის ორი სწორი კუნთი შორდება ერთმანეთს, მათ შორის არსებული მემბრანა კი იწელება, განიერი ხდება. მშობიარობის შემდეგ ეს კუნთები საწყის მდგომარეობას უბრუნდება, მაგრამ მემბრანას აუცილებლად სჭირდება გაკერვა. ფაქტობრივად ეს არის ოპერაცია, რომელიც არა მხოლოდ სილამაზისთვის კეთდება, არამედ იმისთვის, რომ ქალმა სწორად შეძლოს დატვირთვა და სხეულის სხვა ნაწილებზეც არ შეექმნას პრობლემები. რაც შეეხება ნათიას, ის შედეგით ძალიან კმაყოფილი და ბედნიერია. მიიჩნევს, რომ აქვს იდიალური სხეული. სულ სხვა ადამიანი გახდა, პიროვნულადაც შეიცვალა - უფრო გახსნილი, თავისუფალი, თავდაჯერებულია... რა თქმა უნდა ეს ჩემთვის, როგორც ექიმისთვის ძალიან მნიშვნელოვანია.
ნათია: "მედიში" თავიდანვე ამიხსნეს ყველაფერი: რა პრეპარატებით მუშაობენ, სად თავსდება იმპლანტი, როგორ კეთდება აბდომინოპლასტიკა (მუცლის პლასტიკა). ასე, რომ დამშვიდებული შევედი საოპერაციოდ, თან ვიცოდი, რომ ისეთ პროფესიონალს ვანდობდი ჩემს გარეგნობას, როგორიც ბატონი ვახტანგ პეტრიაშვილია. კარგად მახსოვს ოპერაციის შემდეგ, რომ გავიღვიძე ბედნიერებისგან ვიხრჩობოდი, ერთი სული მქონდა როდის ვნახავდი შედეგს. მთელი აქცენტი მუცელზე მქონდა გადატანილი, მაინტერესებდა როგორი გამოვიდოდა. ახლა თითქმის ერთი წელი გავიდა, შედეგით გაოცებული ვარ, გაგიჟებულიც კი... ბევრი ქალი გარეგნულად ძალიან ლამაზია, მაგრამ იმავდროულად დაკომპლექსებული, ვერ ვხვდებით რატომ? მეც ასე ვიყავი: გამოვიპრანჭებოდი, ყოველთვის კომპლიმენტებს ვიღებდი, მაგრამ რომ ვიცოდი ჩემი პრობლემების შესახებ, რომელიც ლამაზი ტანსაცმლის უკან იმალებოდა, ვკოპლექსდებოდი, განსაკუთრებით მეშინოდა მუცელი ცუდად არ გამომჩენოდა. ახლა არაფერის შიში არ მაქვს, ვიცვამ იმას რაც მინდა, რადგან სრულყოფილი სხეული მაქვს. შედეგი ყველაფრად ღირს, სულ სხვა ადამიანი ვარ, ყოველ დღე მიხარია სარკეში ჩახედვა. არანაირი კომპლექსი აღარ მაქვს, ვამაყობ ჩემი იდეალური სხეულით. ადრე ჩემი ნაკლის გამო ვითრგუნებოდი, მეუღლესთანაც ვკომპლექსდებოდი, მრცხვენოდა, თავს ცუდად ვგრძნობდი. ის კი სულ მამშვიდებდა: რა განერვიულებს, ჩემი შვილების დედა და ჩემთვის მომხიბვლელი ქალი ხარო.. მაგრამ ბოლოს შედეგი, რომ ნახა, გადაირია: აქამდე სად იყავი, რომ მცოდნოდა ასეთი საოცარი შედეგი გექნებოდა, თავად გაგიშვებდი საოპერაციოდ, ყველაფერი იმდენად ბუნებრივია, რომ არ ვიცოდე გაკეთებული გაქვს, ვერაფერს მივხვდებოდიო... დღეს თავს ყველაზე ბედნიერ ქალად მივიჩნევ და მინდა, რომ ჩემსავით, სხვა ქალებსაც დაუბრუნდეთ: თავდაჯერებულობა, მოეხსნათ კომპლექსები, გახდნენ უფრო ლამაზები, ბედნიერები, სრულყოფილები, რასაც კლინიკა "მედიში" აუცილებლად მიაღწევენ.
ნათია უტიაშვილი
R
_2019-10-08_RxpzhSG0MIT5YR.jpg)
