20
ივნისიდღის ზოგადი ასტროლოგიური პროგნოზი
"კომედი შოუს" ტექნიკური სამსახურის ოთხი თანამშრომელი "ჯორჯიან დრიმ სტუდიოს" შეუერთდა. ბერა ივანიშვილის სტუდიაში თემურ ჭარელაშვილი, დავით გოგიშვილი, ლაშა გოგორელიანი და გუჯა ტომარაძე გადავიდნენ. ისინი "რუსთავი 2"-ის ამავე გასართობი შოუს ყოფილ მსახიობებთან - თემო მჟავიასთან, ამიკო ჩოხარაძესთან და ლევან გოგორელიანთან (ფაქო) ერთად, რომლებმაც "კომედი შოუ" 2012 წლის 6 აპრილს დატოვეს, სხვადასხვა გასართობი პროექტების მომზადებაზე იმუშავებენ. "რეზონანსის" ინფორმაციით, "რუსთავი2"-დან ბერა ივანიშვილის სტუდიაში კიდევ რამდენიმე ადამიანი აპირებს გადასვლას.
"რუსთავი 2"-დან 3 სცენარისტის და ტექნიკური სამსახურის 4 თანამშრომლის გადასვლას ბერა ივანიშვილის სტუდიაში ხელმძღვანელობასა და გადაცემის სცენარისტებს შორის კონფლიქტი მოჰყვა. ლევან გოგორელიანი ადასტურებს, რომ "რუსთავი 2"-ის გასართობი შოუების ხელმძღვანელი ალეკო მალხაზიშვილი მათ გადასვლას ივანიშვილის სტუდიაში უარყოფითად შეხვდა.
"რეზონანსი" ბერა ივანიშვილის სტუდიაში გადასვლის მიზეზებზე, "რუსთავი 2"-ის ყოფილ თანამშრომელ ლევან გოგორელიანს ესაუბრა.
"ერთი არხიდან მეორე სტუდიაში გადასვლას არანაირი პოლიტიკური დატვირთვა არ აქვს. ეს არ მომხდარა პოლიტიკისთვის. პოლიტიკა ჩვენ ზოგადად არ ვიცით, არ გვეხება და არც არასოდეს შეგვეხება. სიმართლე გითხრათ, როცა ხალხი ამ სტუდიაში ჩვენს გადმოსვლას პოლიტიკურ სარჩულს უდებს, ეს მაღიზიანებს კიდეც. აქ სამუშაოდ გადმოვედი იმიტომ, რომ გვაქვს საშუალება ვაკეთოთ ჩვენი საქმე",- განაცხადა გოგორელიანმა.
გოგორელიანმა მუშაობის ტექნიკურ დეტალებზეც ისაუბრა.
"რუსთავი 2"-ში იმ გადაცემების კეთებას ძალიან დიდი დრო მიჰქონდა, არ გვქონდა დრო, რომ დამატებით რამე სხვა გაგვეკეთებინა. ამ შემთხვევაში, ჩვენ სხვა რამის კეთება შეგვიძლია, იმის, რისი კეთებაც დიდი ხანია გვინდა. გადმოსვლის სხვა მიზეზი არ გვქონია, მხოლოდ და მხოლოდ საქმის კეთება", - თქვა "რუსთავი 2"-ის ყოფილმა თანამშრომელმა.
გოგორელიანმა უარყო ინფორმაცია, რომ "ჯორჯიან დრიმ სტუდიოში" გადასასვლელად "რუსთავი 2"-ის სხვა თანამშრომლებთანაც მიდის მოლაპარაკება. "სურვილი თუ ექნება ვინმეს, დამირეკავენ და მეტყვიან, რომ სურთ გადმოსვლა და მერე ჩვენ გადავწყვეტთ, ესა თუ ის ადამიანი გამოგვადგება თუ არა", - განაცხადა გოგორელიანმა.
იხილეთ ვიდეო: "კომედი-შოუს" ბიჭები სამუშაოდ ივანიშვილთან გადავიდნენ
მომზადებულია გაზეთ "რეზონანსის" მიხედვით.
