8
ივლისიდღის ზოგადი ასტროლოგიური პროგნოზი
რამდენად საშიშია სოფლის მეურნებისთვის ძლიერი ყინვა და უქმნის თუ არა საფრთხეს ვაზს უჩვეულოდ მკაცრი ზამთარი? - ამ თემაზე "კახეთის ხმა" სოფლის მეურნეობის ექსპერტს, შოთა ბერიკელაშვილს ესაუბრა. ექსპერტმა ისაუბრა იმ საშუალებებზეც, რაც გლეხმა ვაზის გაყინვის შემთხვევაში უნდა გამოიყენოს.
"ამჟამინდელი ამინდები საშიში არ არის. ვაზმა შესაძლებელია 15 გრადუს ყინვასაც გაუძლოს და არ გაფუჭდეს. მთავარია, ვიცოდეთ, ვაზი როგორ არის მომზადებული, რქა როგორ არის შემოსული. მხოლოდ ალაზნის პირას გაშენებული ვაზისთვის არის ყინვები საშიში, რადგან სიცივე დაბლა იწევს და ეს ადგილიც დაბლობზე მდებარეობს. თოვლში ვაზი არ იყინება, მხოლოდ ის ზედა მხარე გაიყინება, რომელსაც თოვლი არ დაფარავს. კალიუმიანი და ფოსფორიანი სასუქები ვაზს ყინვაგამძლეობას მატებს", - ამბობს ბერიკელაშვილი.
