ცნობილი ფრანგი მომღერალი პატრიცია კაასი ავტობიოგრაფიულ წიგნს წერს. წიგნი საკმაოდ გულახდილია და მასში მომღერალი პირადი ცხოვრების დღემდე უცნობ დეტალებზე საუბრობს. სწორედ წიგნიდან გაიგებენ პატრისიას თაყვანისმცემლები, რომ ის უშვილოა.
"ცოტა ხნის წინ ავტობიოგრაფიული წიგნი დავასრულე. წიგნის წერაში ჟურნალისტი მეხმარებოდა, რომელთან საუბარი, საერთო ჯამში, 50 საათს გაგრძელდა. მას ისეთი საიდუმლოებები გავუმხილე, რომელთა შესახებაც ჩემმა ნათესავებმაც კი არაფერი იციან. წიგნის სახელწოდებაა "ჩემი ხმის ჩრდილი", - განაცხადა მომღერალმა.
წიგნში პატრიცია წერს, რომ უშვილოა და დედობის სიხარულს ვერასდროს გამოცდის.
"არც ისე დიდი ხნის წინ ექიმებმა მითხრეს, რომ შვილები არ მეყოლება. ეს ჩემთვის დიდი დარტყმა იყო. მე მრავალშვილიან ოჯახში გავიზარდე და ვიცი, რომ ბავშვი ბედნიერებაა. შეუძლია თუ არა ძაღლს ბავშვის შეცვლა? ალბათ, არა. თუმცა ჩემი ტეკილა - ერთგული მეგობარია, ის მუდამ ჩემს გვერდითაა", - ყვება პატრიცია კაასი.
მომზადებულია tochka.net-ის მიხედვით.
