24
ივნისიდღის ზოგადი ასტროლოგიური პროგნოზი
რუსეთისა და უკრაინის პრეზიდენტების შეხვედრა უშედეგოდ დასრულდა. გაზეთ "კომერსანტის" ინფორმაციით, სოჭში მედვედევმა და იანუკოვიჩმა ვერც ერთ საკითხზე ვერ შეძლეს მოლაპარაკება. გამოცემის შეფასებით, უკრაინის ხელისუფლებაში ვიქტორ იანუკოვიჩის მოსვლის შემდეგ რუსეთსა და უკრაინას შორის დაწყებული ურთიერთობების გაუმჯობესების პროცესი დასრულებულია, ორივე ქვეყნის მთავრობები გაზის საკითხზე დაპირისპირებისათვის ემზადებიან.
გაზეთის განმარტებით, კიევი რუსეთისგან გაზზე ფასი დაკლებას მოითხოვს, მოსკოვი მზადაა დათმობებზე წავიდეს, მაგრამ გაზსადენის მიღებისა და უკრაინის საბაჟო კავშირში მიერთების სანაცვლოდ. "მოსკოვსკი ნოვოსტი" აღნიშნავს, რომ პარტნიორებზე ზეწოლის ინსტრუმენტად უკრაინის ხელისუფლება ყოფილი პრემიერ-მინისტრის იულია ტომოშენკოს სასამართლო პროცესს განიხილავს.
კიევი ყოფილ პრემიერ-მინისტრს რუსეთიდან უკრაინის გავლით გაზის ტრანზიტზე 2009 წელს "გაზპრომსა" და "ნაფტოგაზს" შორის გაფორმებული კონტრაქტის დროს უფლებამოსილების გადამეტებაში ადანაშაულებს. კიევი მოსკოვისაგან სწორედ ამ კონტრაქტის გადახედვას მოითხოვს.
ამასთან, უკრაინული მხარე თავს არიდებს რუსეთთან ინტეგრაციული პროექტების განხორციელებას. უკრაინა არ არის მზად მონაწილეობა მიიღოს როგორც "გაზპრომისა" და ნაფტოგაზის" გაერთიანებაში, ისე გაერთიანდეს საბაჟო კავშირში, რომელშიც რუსეთი, ბელორუსია და ყაზახეთი არიან გაერთიანებული. მეტიც, უკრაინამ ევროკავშირთან დაიწყო მოლაპარაკებები ვაჭრობის თავისუფალი ზონის შექმნის თაობაზე.
