29
მაისიდღის ზოგადი ასტროლოგიური პროგნოზი
საქართველოს სავაჭრო-სამრეწველო პალატას ყოფილი ფინანსთა მინისტრი, "საქართველოს ფოსტის" სამეთვალყურეო საბჭოს თავმჯდომარე კახა ბაინდურაშვილი უხელმძღვანელებს.
ამის შესახებ გადაწყვეტილება სავაჭრო-სამრეწველო პალატის რიგგარეშე საერთო კრებაზე მიიღეს. კრების მუშაობაში მონაწილეობა საქართველოს პრემიერ-მინისტრმა ნიკა გილაურმაც მიიღო.
გილაურის განცხადებით, ჯემალ ინაიშვილი 8 წლის განმავლობაში ხელმძღვანელობდა სავაჭრო-სამრეწველო პალატას და ის ამჯერად საქართველოს სავაჭრო-სამრეწველო პალატის გამგეობის თავმჯდომარედ იქნა არჩეული. ნიკა გილაურმა მადლობა გადაუხადა ჯემალ ინაიშვილს გაწეული სამუშაოსთვის და კახა ბაინდურაშვილს ახალ თანამდებობაზე წარმატება უსურვა.
"სავაჭრო პალატას მნიშვნელოვანი საქმე აქვს გასაკეთებელი. დიალოგი ბიზნესთან - ეს არის ჩვენი დევიზი და გვინდა, ამ სვლით გავაგრძელოთ. ამ დიალოგისთვის ერთ-ერთი საუკეთესო საშუალება სავაჭრო პალატაა", - აღნიშნა ნიკა გილაურმა.
ჯემალ ინაიშვილის განცხადებით, კახა ბაინდურაშვილის გამოცდილება სავაჭრო პალატას დადებითად წაადგება. "პალატას ცვლილებები ელოდება საკანონმდებლო და სტრუქტურული თვალსაზრისით და ძალიან მნიშვნელოვანია სწორედ მისი დანიშვნა სავაჭრო პალატის პრეზიდენტად", - აღნიშნა ინაიშვილმა.
კახა ბაინდურაშვილის განცხადებით, სავაჭრო პალატას შეუძლია ბევრი სასიკეთო ნაბიჯები გადადგას ბიზნესის ხელშეწყობის კუთხით და, ასევე, მნიშვნელოვანი როლი შეუძლია ითამაშოს ბიზნესსა და მთავრობას შორის ურთიერთობებში.
კახა ბაინდურაშვილი პარალელურად "საქართველოს ფოსტის" სამეთვალყურეო საბჭოს თავმჯდომარედ იმუშავებს.
