14
ივნისიდღის ზოგადი ასტროლოგიური პროგნოზი
"რვიანში" დარჩენილმა პარტიებმა მედიის წარმომადგენლებს გააცნეს საპასუხო პოზიცია "ნაციონალური მოძრაობის" მიერ შეთავაზებულ საარჩევნო წინადადებებზე, რომლის განხილვაც გუშინ, "რვიანში" მოხდა და რომელსაც ხელი არ მოაწერეს "ახალმა მემარჯვენეებმა" და "ქრისტიან-დემოკრატებმა".
ეს დოკუმენტი დღეს ჟურნალისტებს რესპუბლიკელების ლიდერმა დავით უსუფაშვილმა გააცნო.
დოკუმენტში აღნიშნულია, რომ "რვიანისთვის" გაუგებარია ხელისუფლების მხრიდან საარჩევნო ხარჯებთან დაკავშირებული საკითხების ხაზგასმულად წინ წამოწევა, მაშინ როდესაც ძირითად საკითხებზე, როგორიცაა საარჩევნო სისტემა, ამომრჩეველთა სიები და ა.შ. ხელისუფლების წინადადებები ჯერ კიდევ შორსაა ადეკვატურისგან, ხოლო სხვა წინადადებები მოითხოვს მნიშვნელოვან დაზუსტებას.
დოკუმენტში ასევე მითითებულია, რომ წარმოდგენილი წინადადებები არ პასუხობს საარჩევნო გარემოს გაუმჯობესებისთვის აუცილებელ, მნიშვნელოვან პრინციპებს. "რვიანში" აცხადებენ, რომ მათთვის პირველ რიგში მთავარია ძირითად საკითხებზე შეთანხმება და შემდეგ გადასვლა სხვა საკითხებზე.
დოკუმენტის თანახმად, "რვიანი" მზადყოფნას გამოთქვამდა განეახლებინათ დიალოგი ხელისუფლებასთან, არა მხოლოდ მათი ბოლო წინადადებების დასადასტურებლად, არამედ "რვიანის" პოზიციების დასაახლოვებლად და კომპრომისულ შეთანხმებების მისაღწევად.
ამ დოკუმენტს გუშინვე გამოეთიშა "რვიანში" შემავალი ორი სუბიექტი. გაერთიანებაში დარჩენილი პოლიტიკური პარტიების ლიდერები დარწმუნებულები არიან, რომ ისინი შექმნიან ისეთ გარემოს საზოგადოებასთან ერთად, რომ ხელისუფლებას დაბრუნება მოუწევს მოლაპარაკებების მაგიდასთან. მათი განცხადებით, ეს იქნება ძალიან რთული ბრძოლა, მაგრამ ბრძოლა სამართლიანი არჩევნებისთვის გაგრძელდება.
"რვიანის" წევრებმა განცხადება გააკეთეს ასევე "რვიანის" დაშლასთან დაკავშირებით და აღნიშნეს, რომ რვიანი არ დაშლილა, უბრალოდ გაერთიანება დატოვა ორმა პოლიტიკურმა სუბიექტმა და ისინი ახლებური შემადგენლობით გააგრძელებენ ბრძოლას სამართლიანი არჩევნებისთვის.
