14
ივლისიდღის ზოგადი ასტროლოგიური პროგნოზი
ტელევიზიებში სარეკლამო ჭრასთან დაკავშირებით შეზღუდვების შემცირების გადაწყვეტილება, პარლამენტმა პირველი მოსმენით მიიღო.
პარლამენტმა შესაბამისი ცვლილება "მაუწყებლობის შესახებ" კანონში, დღეს პირველი მოსმენით შეიტანა.
კანონპროექტის თანახმად, მაუწყებლებს საშუალება მიეცემათ სარეკლამო ჭრა გააკეთონ ახალი ამბების, საზოგადოებრივ-პოლიტიკურ, წინასაარჩევნო პროგრამებში ან დოკუმენტურ ფილმებში, რომელთა ხანგრძლივობაც 15 წუთზე მეტია, მაშინ როდესაც დღეს, მოქმედი რედაქციით დადგენილია 30 წუთიანი შეზღუდვა. ასევე, 45 წუთიანი შეზღუდვა მცირდება 30 წუთამდე, რაც გულისხმობს, რომ დღეს მოქმედი რედაქციით იკრძალება იმ მხატვრული ფილმების, ტელეფილმების ან ფილმის სერიის შეწყვეტა, რომლის ხანგრძლივობაც 45 წუთზე ნაკლებია.
ამასთან, პროგრამა, რომლის ხანგრძლივობაც 30 წუთზე მეტია, შესაძლებელია შეწყდეს რეკლამით ან ტელეშოპინგით არაუმეტეს 3-ჯერ, მოქმედი კანონმდებლობით პროგრამის რეკლამით ან ტელეშოპინგით შეწყვეტა 3-ჯერ მხოლოდ იმ შემთხვევაში შეიძლება, თუ მისი ხანგრძლივობა 45 წუთზე მეტია.
საბავშო ან რელიგიური გადაცემა რეკლამით ან ტელეშოპინგით 30 წუთში ერთხელ შეიძლება შეწყდეს მხოლოდ იმ პირობით, თუ გადაცემის ხანგრძლივობა 30 წუთზე მეტია.
ზოგადად კი, კანონპროექტით, ტელე ან რადიოარხზე რეკლამის ან ტელეშოპინგის მოცულობა არ უნდა აღემატებოდეს მაუწყებლის საერთო ხანგრძლივობის 20%-ს, ხოლო დღეს მოქმედი კანონით რეკლამის ან ტელეშოპინგის მოცულობა დღე-ღამის განმავლობაში არ უნდა აღემატებოდეს მაუწყებლის საერთო ხანგრძლივობის 15%-ს.
