29
მაისიდღის ზოგადი ასტროლოგიური პროგნოზი
უკრაინის ექს-პრეზიდენტმა ლეონიდ კუჩმამ განაცხადა, რომ გენერალურმა პროკურატურამ იგი ღონღაძის მკვლელობის საქმეში მთავარ ბრალდებულთან დააპირისპირა.
პროკურატურის შენობიდან გამოსულმა კუჩმამ ჟურნალისტებს განუცხადა - "დღეს ალექსეი პუკაჩი დამაყენეს პირზე". ალექსეი პუკაჩი შსს-ის ყოფილი მაღალჩინოსანია.
უკრაინის ექს-პრეზიდენტმა ისიც დაადასტურა, რომ მას ღონღაძის საქმესთან დაკავშირებით ბრალი წაუყენეს.
ოპოზიციური ინტერნეტ-გამოცემა "უკრაინსკაია პრავდას" ხელმძღვანელი გიორგი ღონღაძე კიევში 2000 წლის სექტემბერში გაიტაცეს. ორი თვის შემდეგ ტარაშის ტყეში მისი თავმოკვეთილი ცხედარი იპოვნეს. მკვლელობის დამკვეთები ამ დრომდე არ დაუდგენიათ.
მედიაში ვრცელდებოდა მოსაზრება, რომ ღონღაძის მკვლელობაში უკრაინის მაშინდელი პრეზიდენტი ლეონიდ კუჩმა და სხვა მაღალჩინოსნები იყვნენ გარეულები. უკრაინის უსაფრთხოების სამსახურის ყოფილმა ოფიცერმა, ნიკოლაი მელნიჩენკომ აუდიოჩანაწერი გამოაქვეყნა, სადაც კუჩმას ხმა ისმის, რომელიც ღონღაძესთან "ანგარიშსწორების" აუცილებლობაზე საუბრობს.
მომზადებულია rian.ru-ს მიხედვით.
