19
ივლისიდღის ზოგადი ასტროლოგიური პროგნოზი
ბექა ხოფერია იუბილარია. ბიზნესმენს პირველად საჯაროდ დაბადების დღე მიულოცა და სიყვარული აუხსნა ნუცა ადამიამ, გოგონა, რომლის შესახებაც ambebi.ge ცოტა ხნის წინ წერდა.
"გილოცავ, მე შენ მიყვარხარ“, - წერს ნუცა ადამია და სხვადასხვა დროს გადაღებული ფოტოების კოლაჟს აქვეყნებს.
მესამე გრანდიოზული ქორწილის შემდეგ მალევე ბექას ცხოვრებაში ნუცა ადამია გამოჩნდა. ირაკლი ალასანიას ყოფილი რძლისა და ბიზნესმენის რომანზე თბილისში ბევრს საუბრობდნენ, თუმცა, ბექას მესამე ცოლი სოფო ქურდიანი, ჩვენთან ამბობდა, რომ წყვილს ყველაფერი კარგად ჰქონდა და ეს მხოლოდ ჭორები იყო.
თუმცა ბექა და ნუცა სოციალურ ქსელში აქვეყნებდნენ ფოტოებს, რომელშიც ჩანდა, რომ წყვილი ერთი და იმავე სასტუმროსა და ქვეყანაში ისვენებდა.
უკვე რამდენიმე თვეა ბექა და ნუცა გრძნობებს აღარ მალავენ, ხშირად მოგზაურობენ და საერთო ფოტოებსაც აქვეყნებენ. წყარო გვიყვება, რომ ბექამ საყვარელ ქალს "პორშეს" ფირმის ძვირადღირებული მანქანა უყიდა.
ბიზნესმენი ხოფერია პირად ცხოვრებაზე მედიასთან არ საუბრობს. ხათუნა ხოფერიამ კი ბექას და ნუცას ურთიერთობაზე კომენტარის გაკეთება არ ისურვა.
"შემიძლია გითხრათ, რომ ბექას ჰყავს საოცრად კარგი ოთხი შვილი, რომელთანაც მუდმივად გვაქვს კონტაქტი, სულ ჩემთან არიან, ბექაც ჩვენთან ერთად არის. ბექას ჰყავს საოცრად კარგი ყოფილი ცოლები, რომლებიც ჩემი შვილიშვილის დედები და ჩემი მეგობრები არიან. მათ უსაზღვროდ დიდ პატივს ვცემ, დანარჩენი ჩემი საქმე არ არის", - ამბობდა ხოფერია ჩვენთან ინტერვიუში.
წაიკითხეთ ასევე:
