მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
7 წესი 102 წლის კვების ექსპერტისგან, რაც სიცოცხლის გახანგრძლივებაში დაგეხმარებათ
15:55 / 30-04-2025
102 წლის კვების პროფესორის 7 რჩევა, რომელთა გათვალისწინებაც ხანგრძლივი და ჯანმრთელი ცხოვრების გარანტიაა.
კალიფორნიის, ლომა ლინდას უნივერსიტეტის პროფესორმ, ადოქტორმა ჯონ შარფენბერგმა,ჯანმრთელობისა და ხანგრძლივი სიცოცხლის შესახებ საზოგადოებას საკუთარი გამოცდილება გაუზიარა.
1923 წლის დეკემბერში დაბადებული ექიმი დამოუკიდებლად ცხოვრობს, მთელ მსოფლიოში მოგზაურობს, მართავს მანქანას და გონებრივად აქტიურია.
დოქტორმა შარფენბერგმა უარყო აზრი, რომ მისი სიცოცხლის ხანგრძლივობაში გენეტიკა თამაშობს რაიმე როლს. მისი თქმით, დედამისი 60 წლის მიღწევის შემდეგ ალცჰაიმერის დაავადებით გარდაიცვალა, ხოლო მამა 76 წლის ასაკში გულის შეტევის შედეგად დაიღუპა.
ექიმის თქმით, ასაკთან დაკავშირებული გულ-სისხლძარღვთა დაავადებები (როგორიცაა გულის შეტევები, ინსულტი, დიაბეტი), რომლებიც განვითარებულ ქვეყნებში ცხოვრების ხარისხის დაქვეითებისა და სიკვდილიანობის წამყვანი მიზეზებია, შეიძლება, მისი 7 წესის გამოყენებით თავიდან იქნეს აცილებული.
კვების პროფესორის თქმითვე, მისი ცხოვრებისეული წესების დაცვა არა მხოლოდ გულის დაავადებების პრევენციაში დაგეხმარებათ, არამედ, უფრო ხანგრძლივად ცხოვრებაშიც.
დოქტორ შარფენბერგის 7 წესი:
წესი 1 - არასოდეს მოწიოთ!
ამბობს, რომ თვითონ არასდროს მოუწევია. მისივე თქმით, მან გაითვალისწინა თამბაქოსთან დაკავშირებული ის საფრთხეები, რაც 1964 წლიდანვე კარგად იყო ცნობილი და დოკუმენტირებული.
დამტკიცებულია, რომ მოწევა სხეულის თითქმის ყველა ორგანოს აზიანებს.
წესი 2 - გადააფასეთ თქვენი დამოკიდებულება ალკოჰოლთან დაკავშირებით
მოწევისგან თავის შეკავების გარდა, დოქტორი შარფენბერგი თავს იკავებს ალკოჰოლისგანაც.
მიუხედავად კვლევებისა, რომელთა თანახმადაც, ალკოჰოლის მსუბუქად მიღებას ან ზოგიერთი სასმლის მოხმარებას, სარგებელიც კი მოაქვს, ამას ბატონი შარფენბერგი არ იზიარებს და ამბობს, რომ ალკოჰოლის მცირე მოხმარებაც კი ზრდის კიბოს რისკს.
მისი განწყობა ჯანდაცვის მსოფლიო ორგანიზაციის მითითებებს ეხმიანება, რომლის თანახმადაც, ალკოჰოლისგან სრული თავშეკავება ყველაზე უსაფრთხო არჩევანია.
წესი 3 - ფიზიკური აქტივობა მნიშვნელოვანია, განსაკუთრებით 40 წლის შემდეგ
"მიუხედავად იმისა, რომ ნუტრიციოლოგი ვარ, ვფიქრობ, რომ ვარჯიში კვებაზე უფრო მნიშვნელოვანია", - ამბობს დოქტორი.
ექიმის რწმენით, ვარჯიში ყველაზე მნიშვნელოვანი შუა - 40-დან 70 წლამდე ასაკშია.
"ეს არის პერიოდი, როდესაც ადამიანები ისვენებენ, მეტი ფული აქვთ, მეტ საკვებს ყიდულობენ, უფრო დიდი ხანი სხედან, მეტს ჭამენ... ეს არასწორი ცხოვრების წესია".
პროფესორის ფიზიკური აქტივობის რუტინა ბაღში მუშაობა და სწრაფი სიარულია. მან ასევე განაცხადა კვლევის შესახებ, რომელმაც გამოავლინა, რომ ადამიანებს, რომლებიც დღეში ორ მილზე (3.22კმ) მეტს დადიან, გაცილებით დიდი ხანს ცოცხლობენ.
წესი 4 - არანაირი სასუსნავი
დოქტორ შარფენბერგის წესების ცენტრში დგას აზრი, რომ დიდი მნიშვნელობა აქვს იმას, თუ რას ჭამთ. ეს ჯანსაღი წონის შენარჩუნებას განაპირობებს.
ექსპერტი გვირჩევს, კვების ჩვევებში მარტივი პრინციპები დავნერგოთ:
"სათანადო დროს ჭამეთ. არ მიიღოთ არანაირი “სნექები”. ჭამეთ ბუნებრივი, დაუმუშავებელი საკვები".
წესი 5 - ეცადეთ, ამ საკვებზე სამუდამოდ თქვათ უარი
დოქტორი შარფენბერგი ბავშვობიდან იცავდა ვეგეტარიანულ დიეტას.
100 წელს გადაცილებული მამაკაცი ამბობს, რომ 20 წლის ასაკიდან ხორცს აღარ ჭამს. ამის ნაცვლად, ის სრულად მცენარეულ კვებას მისდევს, თუმცა, მისი რაციონი რძესა და კვერცხსაც მოიცავს.
შარფენბერგის საყვარელი საკვები მანგო, ხურმა, კარტოფილი, ასევე, ნიგოზი და მარცვლეულია.
მისი თქმით, ვეგეტარიანული კვება "ოპტიმალურია", რადგან ძალიან ბევრი ხორცის ჭამამ შეიძლება, კარდიოვასკულარული დაავადების რისკი გაზარდოს.
წესი 6 - შეამცირეთ ნაჯერი (სატურირებული) ცხიმის მიღება
საქონლის, ღორისა და ფრინველის ხორცი დიდი რაოდენობით ნაჯერ ცხიმებს შეიცავს.
შესაბამისად, დოქტორი შარფენბერგი ამბობს, რომ ვეგეტარიანული დიეტის დაცვა და ცხოველური ცხიმის მიღების აღმოფხვრა ყველაზე მარტივი გზაა, რათა თავიდან აიცილოთ რისკები, რაც მაღალი ნაჯერი ცხიმის მიღებასთანაა დაკავშირებული, მაგალითად, მაღალი წნევა და ქოლესტერინი.
- წესი 7 - უარი თქვით ტკბილზე
შარფენბერგი მიუთითებს მკაფიო კავშირზე შაქრის მოხმარებასა და გულის დაავადების გაზრდილ რისკსა და წონის მატებასთან დაკავშირებულ ჯანმრთელობის პრობლემებს შორის.
ის შაქრის მიღების შესამცირებლად რაციონის შეცვლას გვირჩევს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
