კანადაში ჩატარებულ არჩევნებში მარკ კარნის "ლიბერალური პარტიამ" გაიმარჯვა.
"ამერიკას სურს ჩვენი მიწა, ჩვენი რესურსები, ჩვენი ქვეყანა. პრეზიდენტი ტრამპი ცდილობს ჩვენს გატეხას, რათა ამერიკამ ჩვენი მისაკუთრება შეძლოს, ეს არასდროს მოხდება. ჩვენი ძველი ურთიერთობა, რომელიც აშშ-სთან ინტეგრაციას გულისხმობდა, დასრულდა. ჩვენ გადავლახეთ ამერიკული ღალატის შოკი, ერთმანეთზე უნდა ვიზრუნოთ“, - აღნიშნა კარნიმ.
"ლიბერალური მთავრობა გააძლიერებს პარტნიორობას ევროპისა და სხვა ქვეყნებთან. თუ აშშ-ს აღარ სურს მსოფლიო ლიდერობის წინა პლანზე ყოფნა, კანადა იქნება. ერთად ჩვენ ავაშენებთ კანადას, რომელიც ჩვენი ღირებულებების ღირსია. ძლიერ კანადას, თავისუფალ კანადას, გაუმარჯოს კანადას!“ - აღნიშნა მარკ კარნიმ.
ვინ არის მარკ კარნი?
შეიძლება ითქვას, რომ მომავალი ლიდერი პოლიტიკაში ახალბედაა. მან ათწლეულები ფინანსურ სექტორში გაატარა, სადაც მთავრობებს გლობალური კრიზისებისა და არასტაბილურობის პერიოდებში ეხმარებოდა. ცნობილია ისიც, რომ COVID-19-ის პანდემიის შემდეგ ის ტრუდოს ეკონომიკური აღდგენის გეგმებზე კონსულტაციებს უწევდა.
კარნი ფორტ სმიტში, მასწავლებლების ოჯახში დაიბადა. სკოლის დამთავრების შემდეგ, სწავლა აშშ-ში, ჰარვარდის უნივერსიტეტში გააგრძელა და ეკონომიკის ხარისხი მიიღო. მოგვიანებით კი ოქსფორდის უნივერსიტეტში ეკონომიკის მაგისტრის და დოქტორის ხარისხები მოიპოვა.
2003 წელს შეუერთდა კანადის ცენტრალურ ბანკს, ხოლო 2008 წელს მისი მმართველი გახდა - "ამ პერიოდში დავიცავი სამუშაო ადგილები და დავასტაბილურე კანადის ეკონომიკა" - ამბობდა ის. მანამდე, 13 წელის გაატარა "გოლდმან საქსში", სადაც ლონდონს, ტოკიოს, ნიუ-იორკსა და ტორონტოს შორის მოგზაურობდა.
2016 წლის რეფერენდუმამდე მან არაერთხელ გააფრთხილა ბრიტანელი ამომრჩევლები, რომ ევროკავშირის დატოვებას ქვეყნის ეკონომიკაზე დამანგრეველი გავლენა ექნებოდა. 2020 წელს, თითქმის შვიდი წლის მუშაობის შემდეგ, კარნიმ ინგლისის ბანკი დატოვა. 2019 წელს გაეროს სპეციალური წარმომადგენელი გახდა კლიმატის მოქმედებისა და ფინანსების საკითხებში.
"როცა ბრიტანეთის ბანკის მმართველი გავხდი და სადაზღვევო ინდუსტრიას ვაკონტროლებდი, დავინახე, რომ ბოლო 25 წელიწადში ექსტრემალური ამინდის მოვლენების რაოდენობა სამჯერ გაიზარდა, ხოლო მათი ფინანსური ზარალი ხუთჯერ," – განაცხადა კარნიმ ერთ-ერთ ინტერვიუში. მან კლიმატური საკითხები მისი პოლიტიკის ერთ-ერთი მთავარი პრიორიტეტად აქცია.
ბანკში მუშაობისას კარნიმ დიდი გამოცდილება მიიღო დონალდ ტრამპთან ურთიერთობაში.
2011 წლიდან 2018 წლამდე კარნი ფინანსური სტაბილურობის საბჭოს თავმჯდომარე იყო, რომელიც კოორდინაციას უწევდა მსოფლიოს მასშტაბით მარეგულირებლების მუშაობას, რამაც ტრამპის ტრამპის პირველი პრეზიდენტობის ვადის დროს, მას გლობალურ პოლიტიკაზე რეაგირების უმნიშვნელოვანესი შესაძლებლობები მისცა.
ის G20-ის შეხვედრების რეგულარული დამსწრე იყო და შესაძლებლობა ჰქონდა, გვერდებიდან დაჰკვირვებოდა ტრამპის ქმედებებს მსოფლიო ასპარეზზე.
მიუხედავად იმისა, რომ იმ დროს კარნი აშშ-ის პრეზიდენტზე თავის აზრებს არ ასაჯაროებდა, ბოლო დღეებში ის გაცილებით გულახდილი გახდა. ბოლოს მან ტრამპი „ჰარი პოტერის“ წიგნებიდან აღებულ ბოროტმოქმედს, “ვოლდემორსაც“ კი შეადარა.
ოჯახი
კარნი 1995 წელს ინგლისელ დაიანა ფოქსზე დაქორწინდა. მეუღლის მსგავსად, დაინამ განათლება ოქსფორდის უნივერსიტეტში მიიღო. წყვილს ოთხი ქალიშვილი: საშა, ამელია, ტესი და კლეო ჰყავს. უმცროსი შვილი მამის პოლიტიკური კარიერის მხარდამჭერია და მის კამპანიებშიც იღებდა მონაწილეობას.
Introducing her father after landslide victory @MarkJCarney to take the helm of his party + the country, Cleo Carney (undergrad student leader @Harvard) thanked him for life lessons, ‘always put in the work needed ….’. pic.twitter.com/25yXO72hsH
— Margaret Huber (@HuberMargarethe) March 9, 2025
მარკ კარნის ქალიშვილი, კლეო, ამჟამად ჰარვარდის უნივერსიტეტის სტუდენტია და კლიმატისა და მდგრადი განვითარების საინფორმაციო სააგენტო Bluedot Living-ში სტუდენტ რეპორტიორად მუშაობს.
ჰარვარდის უნივერსიტეტის ოფისის ცნობით, კლეო ასევე კლიმატზე ორიენტირებული არაკომერციული ორგანიზაცია „ბლუდოტის ინსტიტუტის“ დირექტორთა საბჭოს წევრია.
კლეო კარნი მამას აქტიურად უჭერს მხარს და არ არის გამორიცხული, საზოგადოებამ მალე მის პოლიტიკურ თანამოაზრედ იხილოს.
რაც შეეხება კარნის დანარჩენ სამ ქალიშვილს, ისინი ჩრდილში რჩებიან და მედიასთან ნაკლებად ურთიერთობენ.
ექსპერტების აზრით, რადგან კანადა აშშ-სთან სავაჭრო ომის საფრთხის წინაშე დგას, კარნის ეკონომიკური გამოცდილება ქვეყნისთვის უპირატესობად შეიძლება იქცეს.”ის ძალიან კომპეტენტურია ეკონომიკაში, ამიტომაცაა, რომ ბევრი მხარდამჭერი ჰყავს,” - თქვა ჩარლზ-ეტიენ ბოდიმ, ოტავას უნივერსიტეტის პოლიტოლოგიის პროფესორმა.
აღსანიშნავია, რომ კვირას, პარტიის ლიდერად არჩევის შემდეგ, კარნიმ დონალდ ტრამპის ადმინისტრაციის გეგმები მწვავედ გაკრიტიკა:
"ტრამპი თავს ესხმის კანადელ ოჯახებს, მუშებსა და ბიზნესს. ჩვენ ამას ვერ შევეგუებით და არ დავუშვებთ! კანადა გაიმარჯვებს" - განაცხადა მან.