დო­ნალდ ტრამ­პის პო­ლი­ტი­კუ­რი კა­რი­ე­რის თან­მდე­ვი ხმა­მა­ღა­ლი გან­ცხა­დე­ბე­ბი­სა და სკან­და­ლე­ბის ფონ­ზე, მისი მე­უღ­ლე მე­ლა­ნია თა­ვი­დან­ვე პო­ლი­ტი­კის­თვის სრუ­ლი­ად უცხო ფი­გუ­რად ჩან­და.

თავ­შე­კა­ვე­ბუ­ლი, ცივი ლა­მაზ­მა­ნი არ ჩქა­რობ­და ხალ­ხის გუ­ლის მო­გე­ბას და მათ­თვის თა­ვის მო­წო­ნე­ბას. მისი სა­ხე­ლი დრო­დად­რო ჩნდე­ბო­და მე­დი­ა­ში: მე­ლა­ნია ტრამპს ადა­ნა­შა­უ­ლებ­დნენ, აღ­ფრთო­ვა­ნე­ბუ­ლე­ბი იყ­ვნენ მი­სით, გმობ­დნენ. უქ­ვეყ­ნებ­დნენ ფო­ტო­ებს წარ­სუ­ლი­დან, ქვეყ­ნდე­ბო­და ყო­ფი­ლი მე­გობ­რე­ბის გუ­ლახ­დი­ლი სა­უბ­რე­ბი - ეს ყვე­ლა­ფე­რი აშშ-ის პირ­ვე­ლი ლე­დის უც­ნა­უ­რი იმი­ჯის სა­ფუძ­ვე­ლი გახ­და.

• გზა მსოფ­ლიო პო­დი­უ­მამ­დე

1970 წლის 26 აპ­რილს იუ­გოს­ლა­ვი­ის ქა­ლაქ ნოვო-მეს­ტო­ში და­ი­ბა­და გო­გო­ნა, სა­ხე­ლად მე­ლა­ნია, რო­მელ­მაც ბავ­შვო­ბა სევ­ნი­ცა­ში, მდი­ნა­რე სა­ვას ნა­პირ­ზე მდე­ბა­რე პა­ტა­რა ქა­ლაქ­ში გა­ა­ტა­რა. მისი მამა, ვიქ­ტორ კნავ­სი, მძღო­ლი იყო, მოგ­ვი­ა­ნე­ბით ავ­ტო­ნა­წი­ლე­ბის გა­ყიდ­ვით და­კავ­და. მე­ლა­ნი­ას დედა, ამა­ლია კნავ­სი, მო­დის დი­ზა­ი­ნე­რად მუ­შა­ობ­და ტექ­სტი­ლის ქარ­ხა­ნა­ში "იუტ­რან­კა". მის­გან მე­ლა­ნი­ამ არა მხო­ლოდ გე­მოვ­ნე­ბა, არა­მედ მოთ­მი­ნე­ბაც მემ­კვიდ­რე­ო­ბით მი­ი­ღო. მოკ­რძა­ლე­ბულ სახ­ლში ცხოვ­რობ­დნენ, სა­დაც მუ­ზე­უ­მის მსგავ­სი წეს­რი­გი სუ­ფევ­და - ყვე­ლა­ფე­რი თა­ვის ად­გილ­ზე, ზედ­მე­ტი დე­ტა­ლე­ბის გა­რე­შე.

• რო­დე­საც გო­გო­ნა ხუთი წლის გახ­და, პირ­ვე­ლად გა­ი­ა­რა პო­დი­უმ­ზე. მე­ლა­ნია იმპრო­ვი­ზე­ბულ პო­დი­უმ­ზე იმ სა­მო­სით გა­მო­დი­ო­და, რო­მელ­საც დე­და­მი­სი ხა­ტავ­და სა­ღა­მო­ო­ბით. სცე­ნა­ზე არ იყო მუ­სი­კა და არც პრო­ფე­სი­ო­ნა­ლუ­რი გა­ნა­თე­ბა. იყო მხო­ლოდ უფ­რო­სე­ბის აღ­ფრთო­ვა­ნე­ბუ­ლი მზე­რა.

მისი პირ­ვე­ლი ფო­ტო­ე­ბი, რო­გორც მო­დე­ლის, 1977 წლის იან­ვრით თა­რიღ­დე­ბა. მოგ­ვი­ა­ნე­ბით მო­ნა­წი­ლე­ო­ბა მი­ი­ღო ჩვე­ნე­ბებ­ში რა­დენცში და ბელგრად­შიც კი. მე­ლა­ნია ყო­ველ­თვის უჩ­ვე­უ­ლოდ გა­მო­ი­ყუ­რე­ბო­და; მა­ღა­ზი­ებ­ში შე­ძე­ნილ ტან­საც­მელს აუ­ცი­ლებ­ლად ფორ­მას უც­ვლი­და და ქუ­დებ­საც კი თა­ვად ქსოვ­და და ქუდი თა­ვი­სი იმი­ჯის ნა­წი­ლად აქ­ცია.

ამ წლებ­ში გა­იც­ნო პი­ტერ ბუ­ტოლ­ნი - პო­ლი­ტი­კით იყო და­ინ­ტე­რე­სე­ბუ­ლი მა­მა­კა­ცი, რო­მე­ლიც მოგ­ვი­ა­ნე­ბით პრე­მი­ერ-მი­ნის­ტრის პრესმდი­ვა­ნი გახ­და. მაგ­რამ ეს ურ­თი­ერ­თო­ბა ძა­ლი­ან ხან­მოკ­ლე აღ­მოჩ­ნდა. ახალ­გაზ­რდა ჯარ­ში წა­ვი­და, ხოლო მე­ლა­ნია მას არა­ფერს დაჰ­პი­რე­ბია. სკო­ლის დამ­თავ­რე­ბის შემ­დეგ გო­გო­ნა ლუბ­ლი­ა­ნას უნი­ვერ­სი­ტეტ­ში არ­ქი­ტექ­ტუ­რის ფა­კულ­ტეტ­ზე ჩა­ი­რი­ცხა, სპე­ცი­ა­ლო­ბად დი­ზა­ი­ნი აირ­ჩია. ამავდრო­უ­ლად, მო­ნა­წი­ლე­ობ­და კონ­კურ­სში რომ­ში, "ჩი­ნე­ჩი­ტას" კი­ნოს­ტუ­დი­ა­ში და გა­ი­მარ­ჯვა. მაგ­რამ ერთი წლის შემ­დეგ აშშ-ის მო­მა­ვალ­მა პირ­ველ­მა ლე­დიმ უარი თქვა უნი­ვერ­სი­ტეტ­ში სწავ­ლა­ზე და მო­დე­ლის კა­რი­ე­რა არ­ჩია.

• მო­დე­ლის კა­რი­ე­რა

უნი­ვერ­სი­ტე­ტი­დან წას­ვლის შემ­დეგ მო­დე­ლის ცხოვ­რე­ბა­ში ახა­ლი ეტა­პი და­ი­წყო. ის ევ­რო­პის მო­დის დე­და­ქა­ლა­ქებ­ში მი­იწ­ვი­ეს, სა­დაც ნელა, მაგ­რამ სტა­ბი­ლუ­რად მი­ი­წევ­და დი­დე­ბის მწვერ­ვა­ლის­კენ. მე­ლა­ნი­ას გა­რეგ­ნო­ბა - გა­მომ­ხატ­ვე­ლი, ცივი, მკა­ფიო ხა­ზე­ბით - და­სა­მახ­სოვ­რე­ბე­ლი იყო. მას შე­ეძ­ლო ყო­ფი­ლი­ყო ელე­გან­ტუ­რი და მკაც­რი, ან შე­იძ­ლე­ბო­და ყო­ფი­ლი­ყო გულ­გრი­ლი და თით­ქმის უე­მო­ციო, რაც კო­მერ­ცი­ულ გა­და­ღე­ბებ­ში გან­სა­კუთ­რე­ბით ფა­სობ­და.

რო­დე­საც სლო­ვე­ნი­ის ფარ­გლებს გას­ცდა, თავი შორს და­ი­ჭი­რა სა­ერ­თო აურ­ზა­უ­რის­გან. მი­ლა­ნი, პა­რი­ზი - სა­დაც მო­დე­ლე­ბი ერთი სა­ა­გენ­ტო­დან მე­ო­რე­ში და­დი­ან, ამის მა­გივ­რად მე­ლა­ნი­ამ სხვა გზა აირ­ჩია - მკაც­რი, თავ­შე­კა­ვე­ბუ­ლი, თით­ქმის ას­კე­ტუ­რი. მას არ იც­ნობ­დნენ იმ დი­ზა­ი­ნე­რე­ბის სა­ხე­ლე­ბით, რომ­ლებ­თა­ნაც მუ­შა­ობ­და, არა­მედ იმ შეგ­რძნე­ბე­ბით, რო­მელ­საც ტო­ვებ­და. ნიუ-იორკში 90-იანი წლე­ბის შუა პე­რი­ოდ­ში აღ­მოჩ­ნდა და საკ­მა­ოდ სწრა­ფად მო­ი­პო­ვა ერთ-ერთი ყვე­ლა­ზე ორ­გა­ნი­ზე­ბუ­ლი და პუნ­ქტუ­ა­ლუ­რი მო­დე­ლის რე­პუ­ტა­ცია. ის არ აგ­ვი­ა­ნებ­და გა­და­ღე­ბებ­ზე, არ ითხოვ­და გან­სა­კუთ­რე­ბულ პი­რო­ბებს, არ იყო კაპ­რი­ზუ­ლი და ყო­ველ­თვის კონ­ცენ­ტრი­რე­ბუ­ლი იყო.

მუ­შა­ობ­და უმ­სხვი­ლეს პრი­ა­ლა გა­მო­ცე­მებ­თან, ჩნდე­ბო­და ევ­რო­პუ­ლი და ამე­რი­კუ­ლი ჟურ­ნა­ლე­ბის გა­რე­კან­ზე, მო­ნა­წი­ლე­ობ­და სა­ი­უ­ვე­ლი­რო სახ­ლე­ბი­სა და კოს­მე­ტი­კუ­რი ბრენ­დე­ბის სა­რეკ­ლა­მო კამ­პა­ნი­ებ­ში. ამავდრო­უ­ლად, პრაქ­ტი­კუ­ლად არ აძ­ლევ­და ინ­ტერ­ვი­უ­ებს. მთელ სა­ჯა­რო­ო­ბას ვი­ზუ­ა­ლუ­რი იმი­ჯის სა­ფუძ­ველ­ზე აშე­ნებ­და და არა სი­ტყვებ­ზე. სა­ო­ცა­რი სტრა­ტე­გია - გან­სა­კუთ­რე­ბით ინ­დუსტრი­ის­თვის, სა­დაც ჩვე­უ­ლებ­რი­ვია რაც შე­იძ­ლე­ბა მეტი ისა­უბ­რო სა­კუ­თარ თავ­ზე. შემ­დეგ კი მის ცხოვ­რე­ბა­ში დო­ნალდ ტრამ­პი გა­მოჩ­ნდა.

პირ­ვე­ლი ლედი

1998 წლის ბო­ლოს, 28 წლის მე­ლა­ნია კნავ­სი 52 წლის დო­ნალდ ტრამპს ერთ-ერთ ღა­მის კლუბ­ში შეხ­ვდა. მე­ლა­ნი­ას მან ტე­ლე­ფო­ნის ნო­მე­რი სთხო­ვა, მაგ­რამ თა­ვა­ზი­ა­ნი უარი მი­ი­ღო - სა­მა­გი­ე­როდ, გო­გო­ნამ თვი­თონ ჩა­ი­ნიშ­ნა დო­ნალ­დის ნო­მე­რი და გა­და­წყვი­ტა, რომ მხო­ლოდ მა­შინ და­უ­რე­კავ­და, თუ სა­ჭი­როდ ჩათ­ვლი­და. რამ­დე­ნი­მე დღის შემ­დეგ და­რე­კა და ამ მო­მენ­ტი­დან დიდი სიყ­ვა­რუ­ლის ის­ტო­რია და­ი­წყო.

გაც­ნო­ბის მო­მენ­ტში დო­ნალდ ტრამ­პი ოფი­ცი­ა­ლუ­რად ჯერ კი­დევ არ იყო გან­ქორ­წი­ნე­ბუ­ლი მარ­ლა მე­იპ­ლიზ­სე და მი­უ­ხე­და­ვად იმი­სა, რომ ფორ­მა­ლუ­რად ისი­ნი ქორ­წი­ნე­ბა­ში რჩე­ბოდ­ნენ, ფაქ­ტობ­რი­ვად ცალ-ცალ­კე ცხოვ­რობ­დნენ, რის შე­სა­ხე­ბაც ყვი­თე­ლი პრე­სა აქ­ტი­უ­რად წერ­და.

მე­ლა­ნი­ას­თან რო­მა­ნი სუ­ლაც არ იყო უღ­რუბ­ლო. ერთხელ მე­ლა­ნია სლო­ვე­ნი­ა­შიც კი დაბ­რუნ­და, რად­გან იგ­რძნო, რომ დო­ნალ­დი სე­რი­ო­ზუ­ლი ნა­ბი­ჯე­ბის­თვის მზად არ იყო. მაგ­რამ ის მას­თან ჩაფ­რინ­და და მე­ლა­ნია და­აბ­რუ­ნა. 1999 წელს ტრამ­პი ოფი­ცი­ა­ლუ­რად გან­ქორ­წინ­და, მაგ­რამ მე­ლა­ნი­ას ცო­ლო­ბა მხო­ლოდ 5 წლის შემ­დეგ შეს­თა­ვა­ზა, მას 12-კა­რა­ტი­ა­ნი ბრი­ლი­ან­ტის ბე­ჭე­დი აჩუ­ქა.

ქორ­წი­ლი პალმ-ბიჩ­ში ტრამ­პის­თვის და­მა­ხა­სი­ა­თე­ბე­ლი მას­შტა­ბით გა­ი­მარ­თა. 2006 წელს წყვილს ვაჟი შე­ე­ძი­ნა - ბა­რო­ნი, რომ­ლის სა­ხე­ლიც და­ბა­დე­ბამ­დე დიდი ხნით ადრე შე­არ­ჩი­ეს და მე­ლა­ნი­ას თქმით, ელე­გან­ტუ­რად და მარ­ტი­ვად ჟღერ­და, რაც იდე­ა­ლუ­რად შე­ე­სა­ბა­მე­ბო­და მის წარ­მოდ­გე­ნებს. ამ მო­მენ­ტი­დან მან თით­ქმის მთლი­ა­ნად და­ტო­ვა სა­ჯა­რო სივ­რცე, კონ­ცენ­ტრი­რე­ბა მო­ახ­დი­ნა ოჯახ­ზე, სახ­ლსა და ბავ­შვის აღ­ზრდა­ზე და უარი თქვა სა­ჯა­რო ცხოვ­რე­ბა­ზე. მაგ­რამ მე­უღ­ლის პო­ლი­ტი­კურ­მა კა­რი­ე­რამ მე­ლა­ნია ტრამ­პის­გან გარ­კვე­უ­ლი ნა­ბი­ჯე­ბი და ქმე­დე­ბე­ბი მო­ი­თხო­ვა, რომ­ლე­ბიც მე­დი­ამ აშშ-ის პირ­ვე­ლი ლე­დის სა­ხელ­თან და­კავ­ში­რე­ბუ­ლი სკან­და­ლე­ბის გა­სა­ბე­რად გა­მო­ი­ყე­ნა.

• ორაზ­რო­ვა­ნი ქმე­დე­ბე­ბი, რომ­ლე­ბიც სკან­და­ლე­ბის მი­ზე­ზი გახ­და

სა­ჯა­რო ცხოვ­რე­ბა სიმ­ტკი­ცეს მო­ი­თხოვს, გან­სა­კუთ­რე­ბით მა­შინ, რო­დე­საც საქ­მე აშშ-ის პირ­ველ ლე­დის ეხე­ბა. დო­ნალდ ტრამ­პის პრე­ზი­დენ­ტის თა­ნამ­დე­ბო­ბა­ზე ოფი­ცი­ა­ლურ მოს­ვლამ­დე პირ­ვე­ლი ხმა­უ­რი­ა­ნი სკან­და­ლი აგორ­და. 2016 წელს რეს­პუბ­ლი­კე­ლე­ბის ყრი­ლო­ბა­ზე მე­ლა­ნი­ამ სი­ტყვით გა­მოს­ვლი­სას ფაქ­ტობ­რი­ვად, ზუს­ტად გა­ი­მე­ო­რა მი­შელ ობა­მას ის სი­ტყვა, რო­მე­ლიც ობა­მამ ჯერ კი­დევ რვა წლის წინ წარ­მოთ­ქვა.

მე­ლა­ნია ტრამპს პლა­გი­ატ­ში დას­დეს ბრა­ლი, მაგ­რამ მოგ­ვი­ა­ნე­ბით გა­ირ­კვა, რომ გა­მოს­ვლის ტექ­სტი მე­რე­დიტ მა­კა­ი­ვერ­მა და­წე­რა, რო­მელ­მაც შემ­დგომ­ში ბო­დი­ში მო­ი­ხა­და და ყვე­ლა­ფე­რი გა­უ­გებ­რო­ბით ახ­სნა.

შემ­დეგ ერთ-ერ­თმა ჟურ­ნალ­მა მე­ლა­ნი­ას ძვე­ლი ფო­ტო­ე­ბი გა­მო­აქ­ვეყ­ნა სა­დაც ის შიშ­ვე­ლი პო­ზი­რებ­და. დო­ნალდმა თქვა, რომ ამა­ში არა­ფე­რი იყო ცუდი. ფო­ტო­ე­ბი მათ გაც­ნო­ბამ­დე იყო გა­და­ღე­ბუ­ლი და მო­დის სამ­ყა­რო­ში ასე­თი მუ­შა­ო­ბა ნორ­მად ით­ვლე­ბო­და. მოგ­ვი­ა­ნე­ბით თა­ვად მე­ლა­ნი­აც და­უბ­რუნ­და ამ თე­მას. 2024 წელს გა­მო­ცე­მულ ავ­ტო­ბი­ოგ­რა­ფი­ულ წიგ­ნი წერს, რომ იმ ფო­ტო­ე­ბის გამო სირ­ცხვილს არ გრძნობს და მე­დი­ის რე­აქ­ცია იმი­ჯის და­მა­ხინ­ჯე­ბის მცდე­ლო­ბად აღიქ­ვა. მისი აზ­რით, სხე­უ­ლი ხე­ლოვ­ნე­ბის ნა­წი­ლია და ის არ უნდა დარ­ჩეს შე­უმ­ჩნე­ვე­ლი.

ნამ­დვი­ლი "აფეთ­ქე­ბა" გა­მო­იწ­ვია პირ­ვე­ლი ლე­დის საქ­ცი­ელ­მა 2017 წელს ის­რა­ელ­ში ოფი­ცი­ა­ლუ­რი ვი­ზი­ტის დროს. გავ­რცე­ლე­ბულ ვი­დე­ო­ში დო­ნალ­დი ცოლს ხელს უწ­ვდის, მაგ­რამ ის მკვეთ­რად იშო­რებს. ერ­თმა მოკ­ლე ჟეს­ტმა ურ­თი­ერ­თო­ბა­ში ბზა­რე­ბის შე­სა­ხებ ვა­რა­უ­დე­ბის მთე­ლი ტალ­ღა წარ­მოშ­ვა. მე­მუ­ა­რებ­ში მე­ლა­ნი­ამ მოგ­ვი­ა­ნე­ბით ახ­სნა, რომ პრო­ტო­კო­ლით მი­დი­ო­და, არ სურ­და წეს­რი­გის დარ­ღვე­ვა. პრო­ტო­კო­ლის მი­ხედ­ვით კი პრე­ზი­დენ­ტე­ბი წინ მი­დი­ან, ხოლო ცო­ლე­ბი უკან მიჰ­ყვე­ბი­ან.

ეს ამ­ბა­ვი არა­ფე­რია ქურ­თუკ­თან და­კავ­ში­რე­ბულ ხმა­უ­რი­ან სკან­დალ­თან შე­და­რე­ბით. 2018 წელს მე­ლა­ნია ტე­ხა­სის ბავ­შვთა სახ­ლში ჩა­ვი­და. ყვე­ლა­ფე­რი კარ­გად იქ­ნე­ბო­და, მის ქურ­თუკ­ზე წარ­წე­რა რომ არ ყო­ფი­ლი­ყო: "მე ნამ­დვი­ლად არ მა­ინ­ტე­რე­სებს. შენ?". დო­ნალდ ტრამპმა გან­მარ­ტე­ბა სცა­და: გზავ­ნი­ლი ჟურ­ნა­ლის­ტებს ეხე­ბო­და და არა ბავ­შვებს. მე­ლა­ნი­ამ მოგ­ვი­ა­ნე­ბით ახ­სნა, რომ მუდ­მი­ვი კრი­ტი­კის­გან და­ი­ღა­ლა. თუმ­ცა, The New York Times-ის ჟურ­ნა­ლის­ტმა კე­ი­ტი რო­ჯერ­სმა სხვა ვერ­სია წა­მო­ა­ყე­ნა - მისი აზ­რით, ქურ­თუ­კი შემ­თხვე­ვი­თი არ იყო და ივან­კა ტრამპს ეხე­ბო­და, რო­მე­ლიც იმ დროს სა­ჯა­რო ყუ­რა­დღე­ბის­თვის ბრძო­ლა­ში მე­ლა­ნი­ას­თვის ჩრდი­ლო­ვა­ნი მე­ტო­ქე გახ­და.

სო­ცი­ა­ლურ ქსე­ლებ­ში ამ ქურ­თუკ­მა აღ­შფო­თე­ბუ­ლი კო­მენ­ტა­რე­ბის ტალ­ღა გა­მო­იწ­ვია. სო­ცი­ა­ლუ­რი ქსე­ლე­ბის მომ­ხმა­რებ­ლებ­მა ყუ­რა­დღე­ბა გა­ა­მახ­ვი­ლეს იმა­ზე, რომ მე­ლა­ნია ტრამ­პი ჩვე­უ­ლებ­რივ ძვი­რა­დღი­რე­ბულ დი­ზა­ი­ნე­რულ ტან­საც­მელს ატა­რებს და ია­ფ­ფა­სი­ა­ნი ქურ­თუ­კის ჩაც­მა და თან ასე­თი წარ­წე­რით გა­მო­ჩე­ნა შემ­თხვე­ვი­თი არ იყო.

2018 წლის ოქ­ტომ­ბერ­ში მე­ლა­ნია ტრამ­პი კე­ნი­ა­ში ჩა­ფხუ­ტით გა­მოჩ­ნდა, რაც მისი და­ცინ­ვის მი­ზე­ზი გახ­და. ამ ქვე­ყა­ნა­ში მან ბავ­შვთა სახ­ლი და ეროვ­ნუ­ლი ნაკ­რძა­ლი მო­ი­ნა­ხუ­ლა. "კო­ლო­ნი­ურ" ჩა­ფხუ­ტებს ევ­რო­პე­ლი მკვლევ­რე­ბი და იმ­პე­რი­უ­ლი ად­მი­ნის­ტრა­ტო­რე­ბი აფ­რი­კა­სა და ახლო აღ­მო­სავ­ლეთ­ში XIX სა­უ­კუ­ნე­ში ატა­რებ­დნენ, შემ­დეგ კი ისი­ნი ევ­რო­პელ ჯა­რის­კა­ცებ­ში პო­პუ­ლა­რუ­ლი გახ­და. აფ­რი­კა­ში მსგავ­სი ჩა­ფხუ­ტე­ბი კო­ლო­ნი­უ­რი მო­ნო­ბის სიმ­ბო­ლოდ იქცა.

არ­ცერთ ის­ტო­რი­ას არ გა­მო­უწ­ვე­ვია ისე­თი რე­ზო­ნან­სი, რო­გო­რიც მის­მა დუ­მილ­მა 2021 წლის 6 იან­ვარს კა­პი­ტო­ლი­უ­მის შტურ­მის დღეს. სა­ნამ ტრამ­პის მხარ­დამ­ჭე­რე­ბი კა­რებ­სა და ფან­ჯრებს ამ­ტვრევ­დნენ, მე­ლა­ნი­ამ უარი თქვა თუნ­დაც ერთი სა­ჯა­რო გან­ცხა­დე­ბის გა­კე­თე­ბა­ზე. მის­მა პრესმდი­ვან­მა სტე­ფა­ნი გრი­შემ­მა მშვი­დო­ბის­კენ მო­წო­დე­ბის გა­მოს­ვლა შეს­თა­ვა­ზა, მაგ­რამ მტკი­ცე "უარი" მი­ი­ღო. მოგ­ვი­ა­ნე­ბით მე­ლა­ნია ამ­ტკი­ცებ­და, რომ არ იცო­და რა ხდე­ბო­და. გრი­შემ­მა თა­ვის მო­გო­ნე­ბებ­ში სა­პი­რის­პი­რო და­წე­რა: მე­ლა­ნი­ამ იცო­და, მაგ­რამ უბ­რა­ლოდ არ სურ­და ჩა­რე­ვა.

ყვე­ლა ეს ეპი­ზო­დი, მი­უ­ხე­და­ვად ერთი შე­ხედ­ვით გა­ფან­ტუ­ლო­ბი­სა, დრო­თა გან­მავ­ლო­ბა­ში მე­ლა­ნი­ას­თვის იმი­ჯის ჩა­მო­ყა­ლი­ბე­ბის სა­ფუძ­ვე­ლი გახ­და.

მე­ლა­ნია ტრამ­პი ცდი­ლობ­და დის­ტან­ცი­რე­ბას, გვერ­დზე დგო­მას და სა­ხის შე­ნარ­ჩუ­ნე­ბას. მაგ­რამ სწო­რედ ამ გულ­გრი­ლო­ბამ გა­მო­იწ­ვია ყვე­ლა­ზე მეტი კი­თხვა. ამე­რი­კე­ლებ­მა ვერ შე­იყ­ვა­რეს მე­ლა­ნია ტრამ­პი და ის დიდი ხა­ნია შე­ე­გუა ამას. რო­გორც ჩანს, ახლა მისი გა­მო­ჩე­ნა ქურ­თუკ­ში წარ­წე­რით "მე ნამ­დვი­ლად არ მა­ინ­ტე­რე­სებს. შენ?" არა­ვის გა­აკ­ვირ­ვებ­და, რად­გან ქმრის შე­ვიწ­რო­ე­ბის ბრალ­დე­ბე­ბიც კი ჩვე­უ­ლი გულ­გრი­ლო­ბით გა­და­ი­ტა­ნა.