მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საფრანგეთის საელჩო ხალხად არ გვთვლის" - შალვა პაპუაშვილი
14:06 / 25-04-2025
"როგორც ჩანს, საფრანგეთის საელჩო ჩვენ ხალხად არ გვთვლის - აქ სულელი არავინ არ არის, რომ დავიჯეროთ ის, რომ საფრანგეთის საელჩო რადიკალური პარტიების წარმომადგენლებს ფულს უხდის იმისთვის, რომ ტურისტული მარშრუტები დახაზონ", - ეჭვი მაქვს, ეს არის აქციების დაფინანსება არაპირდაპირი გზით, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა, რითაც "გრანტების შესახებ“ კანონის მიღებამდე, საფრანგეთის საელჩოს მიერ გაცემულ გრანტზე დასმულ კითხვას უპასუხა.
მისი თქმით, საფრანგეთის ელჩს გამჭვირვალობა არ უნდა და ჩანს, რომ ზოგიერთს საქართველო "უკანა ეზო“ ჰგონია.
პაპუაშვილმა ელჩებს შეახსენა, რომ ისინი საქართველოში სტუმრად იმყოფებიან.
"რაც შეეხება კითხვას, რატომ არ ასაჯაროებს საფრანგეთის საელჩო, გიპასუხებთ ჯიმ რიშის სიტყვებით - "ჩვენ უნდა მივყვეთ ფულს. თუ დასამალი არაფერია, მაშინ წინააღმდეგობა რატომ არის?!“. ამას ვეტყოდი მე საფრანგეთის ელჩს. თუ დასამალი არაფერია, რატომ მალავს მაშინ და რატომ არის წინააღმდეგობა?! განცხადება იყო, რომ კონკურსი იყოო, ყველა ელჩს შევახსენებ, რომ ისინი ამ ქვეყანაში არიან სტუმრად. ეს არის პრივილეგია ნებისმიერი დიპლომატიისთვის, ორგანიზაციისთვის, რომ მათ აქვთ შესაძლებლობა, მონაწილეობა მიიღონ ქვეყნის, საზოგადოების განვითარებაში. ეს პრივილეგია მოდის პასუხისმგებლობასთან ერთად. ასე არ არის, რომ ჩახვიდე ქვეყანაში, ფულები აქეთ-იქით ყარო და მერე პასუხისმგებლობას არ გრძნობდე ამ ფულით რა ხდება. ასეთი გამოცდილება სამწუხაროდ, ზოგიერთ ქვეყანას და ორგანიზაციას აქვს, როდესაც წლების შემდეგ აღმოჩნდება ხოლმე, რომ ექსტრემისტები, პოლიტიკოსები დაუფინანსებიათ. ამიტომაც მნიშვნელოვანია, უპირველეს ყოვლისა, რომ ამ მხრივ იყოს გამჭვირვალე. თუმცა როგორც ვხედავთ, საფრანგეთის ელჩს არ სურს გამჭვირვალობა. მიუხედავად იმისა, რომ იყო განცხადება, რომ ეს იყო კონკურსი, პასუხი არ არის. ამიტომ ჩვენ შეგვიძლია ვივარაუდოთ, რომ არანაირი კონკურსი არ ყოფილა და ეს არის ის მავნე პრაქტიკა, რაზეც დღეს ამერიკის შეერთებული შტატების ადმინისტრაცია საუბრობს, როდესაც იყო გარიგებებით გრანტების გაცემა, იმისთვის რომ ყოფილიყო რაღაც პოლიტიკური გავლენების გატარება. ის სუბიექტები, ვისაც საფრანგეთის საელჩომ ფული მისცა, პოლიტიკოსები არიან. ირაკლი ხვადაგიანი პარლამენტის წევრი იყო. "ნაციონალური მოძრაობის“ ათეულში შედიოდა. გიორგი კანდელაკი "ნაციონალური მოძრაობის“ იდეოლოგი იყო, როცა ის ხელისუფლებაში იყო. ის წამების და რეკეტის სისტემის თანაშემოქმედია.
მე მგონი, შეურაცხმყოფელი არის [საელჩოს] ეს განცხადებები. აქ სულელი არავინ არ არის და მე მგონი, ეს საფრანგეთის საელჩომ უნდა გაიდოს. აქ სულელი არავინ არ არის, რომ დავიჯეროთ ის, რომ პოლიტიკოსებს, რადიკალური პარტიების წარმომადგენლებს, ფულს უხდის იმისთვის, რომ ტურისტული მარშრუტები დახაზონ. სინამდვილეში, მე მაქვს, ეჭვი, რომ ეს არის აქციების დაფინანსება არაპირდაპირი გზით.
როგორც ჩანს, საფრანგეთის საელჩო ჩვენ ხალხად არ გვთვლის. რაღაცას აკეთებს. როგორც ჩანს, ზოგიერთს ჩვენი ქვეყანა უკანა ეზო ჰგონია. ეს კინოც ნანახი გვაქვს. ხან მოსკოვს ვეგონეთ უკანა ეზო, ხან რომელ დედაქალაქს. 3000 წელი ამ ისტორიას ვუყურებთ, მაგრამ 3000 წელი იმასაც ვხვდებით, რომ საბოლო ჯამში, ქართველი ხალხი რჩება, იმიტომ რომ სიმართლის მხარესაა. ისინი, ვისაც ვგონივართ ჩვენ უკანა ეზო, დაბალი ღობე, ხარი თუ რა შედარებაც არ უნდა იყოს, შემდეგ რა ემართებათ ხოლმე და როგორ არიან, ესეც კარგად ვიცით ისტორიიდან“, - განაცხადა პაპუაშვილმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
