მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სად აგრძელებთ საქმიანობას? რა რეაქცია ჰქონდათ თანაგუნდელებს თქვენს გადაწყვეტილებაზე? რატომ არ ახსენებთ კობახიძეს? - როგორ უპასუხა ღარიბაშვილმა შეკითხვებს
12:38 / 25-04-2025
ირაკლი ღარიბაშვილი პოლიტიკიდან მიდის. ამის შესახებ მან პარტიის ოფისში გამართულ ბრიფინგზე განაცხადა.
"მეორედ ვტოვებ პოლიტიკას. მიმაჩნია, რომ საპატიო მისია, რომელიც თავის დროზე პოლიტიკაში დაბრუნებისას ჯერ თავდაცვის მინისტრად, შემდეგ მეორედ პრემიერად დანიშვნით და ბოლოს პარტიის თავმჯდომარედ არჩევით დამეკისრა ჩვენი პარტიის დამფუძნებლის და გუნდის მხრიდან, შეიძლება ითქვას რომ უკვე შევასრულე" - ამბობს ღარიბაშვილი.
განცხადების შემდეგ ირაკლი ღარიბაშვილმა ჟურნალისტების კითხვებს უპასუხა:
სად გააგრძელებთ საქმიანობას?
ღარიბაშვილის განმარტებით, ის პოლიტიკას ტოვებს და კერძო სექტორში გააგრძელებს საქმიანობას.
"რაც შეეხება ჩემს მომავალ საქმიანობას, ამასთან დაკავშირებით ჯერ კონკრეტული პასუხი არ მაქვს, მაგრამ ამას საზოგადოება გაიგებს, ეს ძირითადად იქნება კერძო სექტორში საქმიანობა. მე შევეცდები, რომ ამ პოზიციიდან მივიღო მონაწილეობა ჩვენი ქვეყნის ეკონომიკურ განვითარებაში და ამის თაობაზე მოგვიანებით გექნებათ სიახლეები.
რაც შეეხება თქვენს კითხვას, არსებობს თუ არა ალბათობა იმისა, რომ პოლიტიკაში კიდევ დავბრუნდე, გამორიცხული არაფერი არ არის. ჩემი მთავარი მოტივაცია არის ის, რომ პოლიტიკიდან გავიდე, მეტი დრო დავუთმო ჩემს ოჯახს და დანარჩენს ცხოვრება გვიჩვენებს. რაც შეეხება მომავალ თავმჯდომარესთან დაკავშირებით, დაელოდეთ და გაიგებთ.
მე გითხარით, რომ მე პოლიტიკაში ახლა არ ვრჩები. მე ვრჩები ჩვენი ქვეყნის ერთგულ ჯარისკაცად. მე ვარ ბიძინა ივანიშვილის მხარდამჭერი და მე ვარ ბიძინა ივანიშვილის გუნდის ერთგული მხარდამჭერი, ჯარისკაცი. დღეს მე გადავწყვიტე რომ პოლიტიკიდან გავიდე, წინასწარ რა თქმა უნდა, მე არაფრის თქმა ახლა არ შემიძლია, მომიწევს თუ არა პოლიტიკაში დაბრუნება, შეიძლება აღარ მომიწიოს, შეიძლება მომიწიოს. წინასწარ ამაზე ნუ ვიმარჩიელებთ. დაველოდოთ, ცხოვრებას მივყვეთ! მე ყველას წარმატებას გისურვებთ.
თუ მეკითხებით იმას, რომ დღეს იმიტომ გადავდექი, რომ რაღაც ოპოზიციური პარტია შევქმნა, ეს არის სისულელე და ტყუილი. ძალიან გთხოვთ, ამ სისულელეებს ყურადღებას ნუ მიაქცევთ“, - განაცხადა ღარიბაშვილმა.
გადადგომის შემდეგ რჩებით თუ არა საქართველოში?
ღარიბაშვილის თქმით, როგორც ერთ-ერთი პატრიოტი, ყოველთვის შეიტანს თავის პატარა წვლილს ქვეყნის გაძლიერებაში.
"აბა, რა მინდა სხვაგან, რატომ უნდა წავიდე?! რა თქმა უნდა, საქართველოში ვრჩები. მე ეს ქვეყანა ყველაზე მეტად მიყვარს. არც ერთ [სხვა] ქვეყანაში ცხოვრებას არ განვიხილავ. ღმერთმა დამიფაროს, რომ სხვა ქვეყანაში ცხოვრებაზე ვიფიქრო. ეს ჩვენი ქვეყანაა მეგობრებო. ეს არის ჩვენი სამშობლო და ჩვენ ყველამ ჩვენი პოზიციიდან უნდა ვიფიქროთ ჩვენი ქვეყნის გაძლიერებაზე და დაცვაზე. ასე არის. რა მნიშვნელობა აქვს, ვინ სად იქნება და რომელ თანამდებობაზე?! მე ასე ვუყურებდი. როგორც ერთ-ერთი პატრიოტი, მე, რა თქმა უნდა, ყოველთვის ვიოცნებებ ვიშრომებ, ჩემს პატარა წვლილს შევიტან ჩვენი ქვეყნის გაძლიერებაში,“ - განაცხადა ღარიბაშვილმა.
რა რეაქცია ჰქონდათ თქვენს თანაგუნდელებს თქვენს გადაწყვეტილებაზე?
"ბევრმა ახლა გაიგო. მე ლიდერებთან მქონდა საუბარი, პირველ რიგში საუბარი მქონდა პარტიის დამფუძნებელთან. დანარჩენმა წევრებმა ახლა გაიგეს. ჩვენ ვართ უზარმაზარი პარტია. ბუნებრივია, რომ მათ თქვენთან ერთად გაიგეს ეს ამბავი" - თქვა ღარიბაშვილმა.
გამოსამშვიდობებელ სიტყვაში რამდენჯერმე ახსენეთ ბიძინა ივანიშვილი, ირაკლი კობახიძე არც ერთხელ - მასთან შეუთავსებლობა გქონდათ?
"ჩვენს გუნდში ბევრი ლიდერია, ჩემს განცხადებაში არ ჩავთვალე საჭიროდ, რომ ყველა ლიდერი ჩამომეთვალა. მე მინდა კიდევ ერთხელ მოგიწოდოთ, რომ ნუ ეძებთ სპეკულაციებს. მე ჩვენი გუნდის ყველა წევრს წარმატებას ვუსურვებ. გულწრფელად მჯერა, რომ ბიძინა ივანიშვილის ლიდერობით, ეს გუნდი ქვეყანას გაიყვანს სამშვიდობოს და მიაღწევს დიდ წარმატებებს" - განმარტა ირაკლი ღარიბაშვილმა.
ჟურნალისტმა ირაკლი ღარიბაშვილს ჰკითხა, იმ ფონზე, როდესაც მადლიერია ბიძინა ივანიშვილის, რა ფიქრობს ირაკლი კობახიძეზე?!
„უკაცრავად და, ირაკლი კობახიძე იყო პარტიის თავმჯდომარე, როცა მე გავხდი პრემიერ-მინისტრი. ჩვენ გვქონდა აბსოლუტურად ჰარმონიული ურთიერთობა. ვერავინ დამისახელებს ვერცერთ შემთხვევას, რომ ჩვენ რაიმე საკითხზე გვქონდა ან შეუთავსებლობა, ან შეუთანხმებლობა. აგერ არის ირაკლი კობახიძე, აგერ არის გუნდი და ჰკითხეთ, თუ ერთ ფაქტს გაიხსენებენ ჩემი პრემიერ-მინისტრობის დროს, რომ მე გუნდის რომელიმე წევრთან მქონდა რაიმე შეუთავსებლობა, ან რაიმე შეუთანხმებლობა, ან რაიმე უსიამოვნება. მსგავსი ფაქტი ბუნებაში არ არსებობს. ასე რომ, თქვენ ნუ ეძებთ, რაღაც... პრობლემები ეძებეთ თქვენ განადგურებულ ოპოზიციაში. იმედი მაქვს, რომ თქვენ თავს დამანებებთ და აღარ დაინტერესდებით ჩემი საქმიანობით“, - მიმართა ღარიბაშვილმა ჟურნალისტს.
ამასთან, ღარიბაშვილმა სისულელე უწოდა მისი მხრიდან ოპოზიციური პარტიის შექმნას.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
