მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას ამბობს ჟორჟოლიანი ჯუმბერ ბუზალაძის ბრალდებებზე, რომ მას მანქანა ნანუკასთვის გადასაცემად წაართვეს და რას პასუხობს თეა წულუკიანს?
15:18 / 15-04-2025
საქართველოს პარლამენტის დროებით საგამოძიებო კომისიაზე, მორიგი სკანდალური განცხადება გაკეთდა. "ნაციონალური მოძრაობის" მმართველობის პერიოდში დაზარალებულმა ჯუმბერ ბუზალაძემ კომისიის სხდომაზე დეტალურად ისაუბრა იმის შესახებ, თუ როგორ დაეუფლნენ მაღალი თანამდებობის პირები მის კუთვნილ ავტომობილებს. ბუზალაძის თქმით,იმჟამინდელ შინაგან საქმეთა მინისტრ ვანო მერაბიშვილსა და კონსტიტუციური უსაფრთხოების დეპარტამენტის (სოდ) ხელმძღვანელ ერეკლე კოდუას მოეწონათ მისი ავტომანქანები, რომლებიც საბოლოოდ მათ მეუღლეებს - თაკო სალაყაიასა და ნანუკა ჟორჟოლიანს გადაეცათ. აღნიშნულმა ამბავმა კომისიის წევრებისა და საზოგადოების დიდი ინტერესი გამოიწვია, რასაც მოჰყვა მხარეების მწვავე რეაქციები და ურთიერთბრალდებები.
ჯუმბერ ბუზალაძე:
"2005 წელია, გელა ბარკალაია მოვიდა მოეწონა მასაც მანქანები, ჩემთან უფრო მალე გაიყიდებაო, დავუჯერე. გადავიყვანე ორივე ბარკალაიას ავტოსადგომზე, სანაპიროზე. ვხედავ ჩოჩქოლია თანამშრომლების, ეგრევე ჩამომართვეს გასაღებები, უნდა შევამოწმოთო. ურეკავს ერთ-ერთი უფროსი მათი ზემდგომს ეს მანქანა უნდა გადავიყვანოთო. წავედით, გავყევი მეც. მაშინ "სოდი" იყო წინა მხარეს უყენია ორივე, ვუყურებ ჩემს მანქანას გული გამისკდა. მოდის ბატონი მერაბიშვილი, მოეწონა გადაუსვა ხელი, ეცინება... დაიწყეს ძიება, შემდეგ დავუკავშირდი ბატონ ჯონდის. გავიგე, რომ ერთს მეუღლისთვის უნდოდა და კოდუას კიდევ ნანუკასთვის“, - განაცხადა ჯუმბერ ბუზალაძემ.
00:00 / 00:00
წულუკიანის კითხვაზე თუ საიდან იცის ჯუმბერ ბუზალაძემ, რომ აღნიშნული "ტოიოტას" მარკის მანქანები ვანო მერაბიშვილს და ერეკლე კოდუას თავისი მეუღლეებისთვის თაკო სალაყაიასა და ნანუკა ჟორჟოლიანისთვის უნდოდათ, უპასუხა, რომ მისი დაკითხვა საბურთალოზე "სოდის" შენობაში მიმდინარეობდა, რომლის ხელმძღვანელი იყო ნანუკა ჟორჟოლიანის მეუღლე ერეკლე კოდუა.
"ერთ გორელს ჰყავდა ჩემნაირი ტოიოტა შინდისფერი თუ წითელი ფერის, ედავა და ვერ წაართვა, მე მომერია. ნანუკა შემოვარდა გამოძიების დროს ორი ოპერატორით, გადამიღო, მეთქი რა ხდება, სამი ადვოკატი მყავდა ისინი მიხვდნენ ვინც იყო, მე ვერ მივხვდი უცებ, რომელმაც გამომაცხადა "რუსთავი 2"-ის ტელევიზიაში, რომ ვარ თითქოს იაკუძას მაფიოზებთან შეკრული, ჩავდივარ იაპონიაში, ვაპარვინებ მანქანებს, გადამყავს დუბაიში და დუბაიდან მომყავს საქართველოში", - თქვა ბუზალაძემ.
"1 წელი იჯექი ციხეში, ამ მანქანების გამო, რათა ნანული ჟორჟოლიანს და თაკო სალაყაიას ჰყოლოდათ თქვენი მანქანები, ამას გვიხსნით?" - ამ სიტყვებით მიმართა წულუკიანმა ბუზალაძეს კომისიის სხდომაზე, რომლის დასრულების შემდეგაც, ნანუკა ჟორჟოლიანმა სოციალურ ქსელში პირდაპირი ეთერი ჩართო და მის წინააღმდეგ წაყენებულ ბრალდებებს უპასუხა.
"ნანულას მიმართვა ჯალათეას" - წერს ჟორჟოლიანი, ვიდეოში შემდეგს ჰყვება:
"თეა წულუკიანმა კომისიაზე დღეს ბევრჯერ მახსენა, რაც ნიშნავს, რომ ქალბატონ თეას სწორ ნერვზე ხვდება, რასაც მისი მამის და მისი მისამართით ვწერ.
დღეს, ქალბატონმა თეამ ვინმე ჯუმბერ ბუზალაძე მოიყვანა ეთერში, რომელიც საუბრობდა, რომ მე რეპორტაჟი გამიკეთებია 2000-ან წლებში და მას ჰბრალდებოდა იაპონურ ორგანიზებულ ჯგუფთან თანამშრომლობა და თურმე ამის უკან იდგა ის, რომ მისი ავტომანქანა მნდომებია.
ეს ამბავი არის სიცრუე, ეს ადამიანი არც მახსოვს, როგორც რესპონდენტი. ახლა გეტყვით, რა არის სიმართლე - 2000-იანებში ამ ქალაქში და ამ ქვეყანაში, მაშინ, როცა თეა წულუკიანი ძველ ბიჭებთან მეგობრობდა, მის მეგობრებს შემოჰყავდათ მოპარული მანქანები. მაშინ "ნაცმოძრაობამ" მიიღო გადაწყვეტილება, რომ ეს მოპარული მანქანები ჩამოერთვათ ამ ადამიანებისთვის და სავარაუდოდ, ვერ ვიხსენებ და ბატონი ჯუმბერია ერთ-ერთია მათ შორის. ხდებოდა მანქანების ჩამორთმევა და გადაცემა სახელმწიფო სტრუქტურებისთვის. ეს ის დროა, როცა ბატონ ბიძინა ივანიშვილის ფინანსურ დოტაციაზეა ყველა. მახსოვს, მაშინდელი ბიძინა ივანიშვილის გამოწერილი პრემიები ყველა იმ ჩინოვნიკისთვის, რომელიც ასეთ გადაწყვეტილებას იღებდა. ეს არის დაახლოებით 2004-2006 წლები.
ხდებოდა მოპარული ავტომანქანების ჩამორთმევა და გადაცემა სახელმწიფო სამსახურებისთვის, დადიოდნენ მინისტრები, მოადგილეები, მაღალჩინოსნები, სახელმწიფო სამსახურის თანამშრომლები. ნამდვილად იყო ერთი ასეთი ფაქტი, რომელსაც მე ვადასტურებ და არასოდეს დამიმალია ეს ამბავი. როდესაც ერთ-ერთი ასეთი ჩამორთმეული მანქანით დადიოდა მაშინდელი სოდის უფროსი ერეკლე კოდუა, საბა კოდუას მამა და იმიტომ მე მაშინ მისი მეუღლე ვიყავი, მეც ვიყავი იმ მანქანაში. ჩემთვის ის მანქანა არავის გადმოუცია, ეს ტყუილია, რომ პირად საკუთრებაში იყო, უბრალოდ, მე ვიჯექი ჩემი მეუღლის მანქანაში, რომელიც მაშინ წარმოადგენდა იმ თანამდებობის პირს და იმ სამსახურს, რომელიც იყენებდა ასეთ ჩამორთმეულ მანქანებს.
ახლა მეორე ამბავი, ვკითხულობ ქალბატონ თეა წულუკიანის განცხადებაში, ქალბატონი ნანული ჟორჟოლიანის ნანუკას რომ ეძახის საკუთარ თავს, სინამდვილეში მას ნანული ჰქვია. თეა, რამ გაგაბრაზა ჩემო საყვარელო, მეგონა, რომ წყობილებიდან ასე მარტივად ვერ გამოდიოდი. ეს რა გიქენი და რა დაგმართე, ნანული ჟორჟოლიანით მომართავ ამხელა თავმჯდომარე ქალი ამხელა კომისიაზე. ძალიან გამიბრაზებიხარ..."
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
