მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რატომ მაძალებდით ტანსაცმლის გახდას, რას ერჩოდით ჩემს შარვალს?" - ანატოლი გიგაური გამომძიებელს
12:31 / 15-04-2025
ხმა არ ამომიღია საერთოდ. მომკალით ცემით. მოწმემ თქვა ტყუილი, ბატონო მოსამართლევ, - ამის შესახებ აქტივისტმა, პოლიციელ ვახტანგ გაბუნიაზე თავდასხმაში ბრალდებულმა ანატოლი გიგაურმა სასამართლო სხდომაზე განაცხადა.
- დღევანდელ პროცესზე დაიკითხნენ საქმის გამომძიებლები - თევდორე გრიგალაშვილი და ვახტანგ დაბრუნდაშვილი. ვახტანგ დაბრუნდაშვილის თქმით, ანატოლი გიგაურმა, რომელიც პოლიციელ ვახტანგ გაბუნიაზე თავდასხმაშია ბრალდებული, უარი განაცხადა დაკითხვაზე. გამომძიებლის თქმით, ანატოლი გიგაურს ვიზუალურად აღენიშნებოდა დაზიანებები, რაზეც მან ოქმის შედგენისას განმარტა, რომ ადმინისტრაციულად დაკავებისას დაეცა და მაშინ მიიღო დაზიანებები.
გამომძიებლის ამ განცხადებას, ბრალდებულ ანატოლი გიგაურის მხრიდან პროტესტი მოჰყვა. მან მოსამართლეს განუცხადა, რომ მოწმე იტყუება. ბრალდებულის თქმით, ის იყენებდა დუმილის უფლებას და გამოძიებისთვის საერთოდ არაფერი უთქვამს.
"მე გამოვიყენე დუმილის უფლება და მათთვის არაფერი მითქვამს. ხმა არ ამომიღია საერთოდ. მომკალით ცემით. [მოწმემ] თქვა ტყუილი, ბატონო მოსამართლევ.
თქვენ ოთახში რაც ხდებოდა, ხართ თუ არა ამაზე პასუხისმგებელი? რა დარღვევაც მოხდა, როგორც სამართალდამცველი, ხართ თუ არა პასუხისმგებელი ამაზე, ნაცვლად იმისა, რომ კომპიუტერში არ გეწკაპუნებინა? მკითხეთ, რა მოხდაო? მე გიპასუხეთ, რომ დუმილის უფლებას ვიყენებ-მეთქი. გითხარით, თუ არა ეს სიტყვა? გაქვთ თუ არა უფლება ადამიანი გააშიშვლოთ, გახადოთ ტანსაცმელი? რატომ მაძალებდით ჩემი ტანსაცმლის გახდას და თქვენ მიერ მოთრეული ორი ზომით დიდი შარვლის და „სვიტრის“ ჩაცმას? რას ერჩოდით შარვალს? თქვენ ოთახში შემოვიდა გაბუნია და თავში მირტყამდა, თქვენ ოთახში განმივითარდა ჰემატომა. ეს თქვენ წინ მოხდა და თქვენ კომპიუტერში აწკაპუნებდით და რეაგირება არ გქონდათ. თავში ჰემატომა მქონდა, ბატონო მოსამართლევ, ზუსტად ამის ოთახში განმივითარდა ჰემატომა და ამ ყველაფერს ეს ვაჟბატონი ესწრებოდა“, - განაცხადა ანატოლი გიგაურმა.
მოსამართლე ჯვებე ნაჭყებიამ გამომძიებელს ჰკითხა, იყო თუ არა მასსა და ბრალდებულს შორის მსგავსი საუბარი, რაზეც მან ასე უპასუხა: „სიტყვები არ მახსოვს, რას ამბობდა“. გარდა ამისა, მოსამართლემ გამომძიებელ ასევე ჰკითხა, გააშიშვლეს თუ არა ბრალდებული.
"რა თქმა უნდა, შემოწმებული იყო. რაც შეეხება მიზეზს, თუ რატომ არ უნდოდა მას ჩვენების მიცემა, როგორც მე მახსოვს, არ სურდა ინფორმაციის მოწოდება“, - განაცხადა ვახტანგ დაბრუნდაშვილმა.
რაც შეეხება კიდევ ერთ მოწმეს, გამომძიებელ თევდორე გიორგაშვილს, სხდომაზე არც მას დაუდასტურებია, რომ ანატოლი გიგაურს თავის არეში რაიმე დაზიანება ჰქონდა. როგორც მან სასამართლო პროცესზე განაცხადა, ვიდეოკადრებში, რომელიც მან დაათვალიერა, არ უნახავს, რომ პოლიციელ ვახტანგ გაბუნიას ანატოლი გიგაურისთვის ხელი დაერტყა.
„პოლიციის თანამშრომლის მიმართ განხორციელებულ თავდასხმაზე გამოძიება დავიწყე. ვახტანგ გაბუნიაზე მოხდა თავდასხმა. თვითონ მოვიდა, დაკითხვის პროცესში ვიზუალურად შევამჩნიე სიწითლეები სახისა და კისრის არეში. მეტი არაფერი შემინიშნავს. ვიდეოჩანაწერი დავათვალიერე და ვახტანგ გაბუნიას მხრიდან ანატოლი გიგაურის მიმართ ხელის დარტყმა არ მინახავს“, - განაცხადა თევდორე გიორგაშვილმა.
ადვოკატი ლაშა ცუცქირიძე ანატოლი გიგაურის დაზარალებულად ცნობას ითხოვს, ვინაიდან მისივე თქმით, გიგაურს აღენიშნებოდა დაზიანებები.
ლაშა ცუცქირიძის განმარტებით, გამომძიებლების ჩვენებები არსებითად განსხვავდება რეალობისგან, რადგან ვიდეოჩანაწერში ჩანს, რომ პოლიციელი ხელს ურტყამს ანატოლი გიგაურს, თავად გიგაური კი, აუცილებელი მოგერიების მდგომარეობაში იყო.
ცნობისთვის, ანატოლი გიგაურს ბრალი სისხლის სამართლის კოდექსის 353-ე პრიმა მუხლის პირველი ნაწილით წარუდგინეს, რაც პოლიციელზე თავდასხმას გულისხმობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
