მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
5 წიგნი, რომელსაც გიორგი კეკელიძე აპრილში გააჩუქებს - ჩაერთე კამპანიაში და გააზიარე ცოდნა
11:51 / 11-04-2025
23 აპრილს მსოფლიო წიგნის ჩუქების თვეს აღნიშნავს, 2019 წლიდან კი საქართველოში აპრილი წიგნის ჩუქების თვედ იქცა. იდეა ეკუთვნის ყველაზე დიდ წიგნის მაღაზიათა ქსელს – „ბიბლუსს“ და გიორგი კეკელიძეს.
წელსაც „ბიბლუსი“ წიგნის ჩუქების თვეს აღნიშნავს მასშტაბური კამპანიით, რომლის სლოგანიც არის „აჩუქე წიგნი, აჩუქე თავისუფლება“. კამპანიის მთავარი მიზანია წიგნიერების ხელშეწყობა, ცოდნის გავრცელება და განვითარება, როგორც შინაგანი თავისუფლების მიღწევის უმთავრესი საშუალება.
წიგნის ჩუქების კამპანიის ფარგლებში, „ბიბლუსის“ შემოქმედებითმა დირექტორმა გიორგი კეკელიძემ პირველი წიგნი უკვე გააჩუქა. მან „მარო წერეთლის დღიური“ საჩუქრად ენათმეცნიერსა და ფილოლოგს მზექალა შანიძეს გაუგზავნა.
ასევე დამატებით გვიზიარებს გასაჩუქებელი 5 წიგნის ჩამონათვალს და მოგვიწოდებს, ჩვენც ჩავერთოთ კამპანიაში და გამოვიწვიოთ მეგობრები:
- შოთა რუსთაველი - „ვეფხისტყაოსანი“ - როგორც საკუთარი თავის და სურვილების დათმენის, სხვისი შეცნობის და საკუთრად ქცევის მარადიული და საუკეთესო ჰიმნი მსოფლიოში;
- ვაჟა-ფშაველა - „ალუდა ქეთელაური“ - გენიალური პოემა, ჯერაც კი უტოპიური მოდელით - იცხოვროს მრავალმა სიმართლემ ერთად;
- მიგელ სერვანტესი - „დონ კიხოტე“ - ამბავი იმაზე, რომ სამყარო ჩვენი წარმოდგენაა მასზე და სხვა არაფერი;
- მარკ ტვენი - „ჰეკლბერი ფინი“ - ახალი ადამიანის დაბადების და თავისუფლების საგალობელი. ახლა დავფიქრდი და სწორუპოვარ "მერანს" ახორციელებს თითქოს - "ნუ დამიტიროს ჩემმა სატრფომა.. ნუ დავიმარხო ჩემსა მამულში";
- ხულიო კორტასარი - „სამხრეთის გზატკეცილი“ - ამბავი ჩვენზე, ამ დროის ადამიანებზე. ადამიანებზე საცობში - გზაზე ხარ და გზა არ იძვრის, დანიშნულებას ხედავ და ვერსადროს მიდიხარ.
როგორც გიორგი კეკელიძე აღნიშნავს, წიგნის ჩუქება აპრილის თვეში უკვე ძალიან მყარ ტრადიციად იქცა. მან წლევანდელი კამპანიის მნიშვნელობასა და სლოგანზეც ისაუბრა:
„გრძელდება ჩვენი ძალიან დიდი და მნიშვნელოვანი ამბავი, წიგნის ჩუქების საქმე, რომელიც ვფიქრობ, რომ ძალიან მყარ ტრადიციად იქცა, წლების წინ დავიწყეთ ის და ერთგვარად ორ მოცემულობას გულისხმობს: ერთი - წიგნის ჩუქების აპრილი და მეორე - 23 აპრილი, ერთგვარი შეჯამება ამ ამბებისა ანუ წიგნის ჩუქების დღე.
წელს გადავწყვიტეთ და ძირითად სლოგანს - „აჩუქე წიგნი“ დაემატება მეორე სლოგანი, რომელიც ყოველწლიურად შეიცვლება. წელს ყველა კონტექსტმა გვიკარნახა ახალი სლოგანი - „აჩუქე წიგნი, აჩუქე თავისუფლება“. დამოუკიდებლობის საძირკველი არის ცოდნა, ეს უკვე დადასტურებული ამბავიც არის საქართველოს ისტორიაში, როდესაც უნივერსიტეტი გაიხსნა ჯერ და მერე უკვე გამოცხადდა საქართველოს დამოუკიდებლობა, შესაბამისად, ამ სლოგანებითვე ერთგვარად ვიწყებთ გამოწვევების ციკლს. მინდა, რომ ყველა თქვენგანი შემოუერთდეთ ამ გამოწვევებს, აჩუქოთ წიგნები მეგობრებს სლოგანით - „აჩუქე წიგნი, აჩუქე თავისუფლება“ და მე თავს უფლებას ვაძლევ, რომ გამოვიწვიო ქართული კულტურისა და მეცნიერების გიგანტური ფიგურა, ჩემი მეგობარი მზექალა შანიძე და მას ჩემგან გავუგზავნო წიგნი, რომელიც ყველა კონტექსტით უკავშირდება დამოუკიდებლობასა და თავისუფლებას. ეს არის მარო წერეთლის დღიური, საინტერესოა, ვის გამოიწვევს თავად მზექალა შანიძე“, - განაცხადა გიორგი კეკელიძემ.
კამპანიის ფარგლებში, „ბიბლუსმა“ გადაიღო ვიდეორგოლი, რომლის მთავარ გმირს წარმოადგენს მარო მაყაშვილი, თავისუფლების ერთ-ერთი ყველაზე მნიშვნელოვანი სიმბოლო, რომლის დღიურშიც ნათლად ჩანს აზროვნების, განათლებისა და თვითგანვითარების როლი, რომელიც შინაგანი თავისუფლების განმსაზღვრელი ფაქტორია.
კამპანიის ფარგლებში დაგეგმილია სხვადასხვა მასშტაბური აქტივობა, რომლის შესახებაც საზოგადოება მთელი თვის განმავლობაში შეიტყობს. ჩაერთეთ კამპანიაში, გამოიწვიეთ მეგობრები და გააზიარეთ თავისუფლება!
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
