მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პოლონეთში ცხოვრობდა, მისი ტელეფონი კი ბელარუსში იპოვეს" - ბელარუსი აქტივისტის, ანჟელიკა მელნიკოვას გაუჩინარების იდუმალებით მოცული ამბავი: რა დეტალებზე წერს მედია?
10:00 / 04-04-2025
უკვე ერთ კვირაზე მეტია უცნობია ბელარუსის ოპოზიციის წარმომადგენლობითი ორგანოს, საკოორდინაციო საბჭოს სპიკერის, პოლონეთში მცხოვრები ანჟელიკა მელნიკოვას ადგილსამყოფელი. მასთან კავშირი 25 მარტს გაწყდა და ქალი მას შემდეგ გაუჩინარებულია.
როგორც ყოფილმა დიპლომატმა და ოპოზიციონერმა პოლიტიკოსმა, პაველ ლატუშკომ განაცხადა, პოლონელმა სამართალდამცველებმა მელნიკოვას ადგილსამყოფელი ვერ დაადგინეს და სამართალდამცველებს მისი გაუჩინარების მიზეზების პრიორიტეტული ვერსია არ აქვთ.
პოლიციას ანჟელიკას გაუჩინარების შესახებ 27 მარტს სწორედ ლატუშკომ შეატყობინა, რადგან ორი დღის განმავლობაში კოლეგას ვერ უკავშირდებოდა.
მისი თქმით, მელნიკოვას მობილური ტელეფონი ბელარუსის ტერიტორიაზე იპოვეს, თუმცა არ არსებობს მტკიცებულება, რომ აქტივისტი, რომელმაც სამშობლო 2020 წელს დატოვა, ბელარუსში დაბრუნდა.
რამდენიმე წყარო ამბობს, რომ მელნიკოვა ვარშავიდან დიდ ბრიტანეთში გაემგზავრა, თუმცა ეს ინფორმაცია ამ ეტაპზე არ დასტურდება.
ლატუშკოს ცნობით, მელნიკოვას ყოფილი ქმარი პოლონეთიდან ბელარუსში ავტობუსით 23 მარტს გაემგზავრა. აღსანიშნავია ასევე, რომ გამოცემა Zerkalo-ს ერთ-ერთმა მკითხველმა უთხრა, რომ მან ნახა მელნიკოვას ყოფილი მეუღლე წყვილის ორ მცირეწლოვან შვილთან ერთად მის მშობლიურ ქალაქ ნიასვიჟში.
მელნიკოვას ერთ-ერთმა ნაცნობმა, რომლის სახელსაც მედია უსაფრთხოების გამო არ ასაჯაროებს, "ევრორადიოს" უთხრა, რომ აქტივისტი ბელარუსში დაბრუნებას არ აპირებდა.
"ის გონიერი ადამიანია და გააფრთხილებდა ვინმეს ახლო წრიდან, რომ მაგალითად, შვებულებაში მიდის ან რაიმე სხვა გეგმები აქვს, მაგრამ ასე მოულოდნელად გაქრობა - ნაკლებად სავარაუდოა. ეს არ ჰგავს ანჟელიკას ქცევას", - ამბობს მელნიკოვას მეგობარი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
