აშშ ჩინეთში მყოფ ამერიკელ სამთავრობო პერსონალს ჩინეთის მოქალაქეებთან "რომანტიკულ და სექსუალურ ურთიერთობებს“ უკრძალავს. ამის შესახებ ინფორმაციას გამოცემა Associated Press-ი აღნიშნულ გადაწყვეტილებაზე ინფორმაციის მქონე ოთხ პირზე დაყრდნობით ავრცელებს.
აღინიშნება, რომ ზემოხსენებული გადაწყვეტილების უფრო შეზღუდული ვერსია გასულ ზაფხულს ამოქმედდა და ის ამერიკელ პერსონალს “რომანტიკულ და სექსუალურ ურთიერთობებს” უკრძალავდა ჩინეთის მოქალაქეებთან, რომლებიც დაცვად ან სხვა დამხმარე პერსონალად მუშაობენ ჩინეთში აშშ-ის საელჩოში ან აშშ-ის ხუთ საკონსულოში. თუმცა ბერნსმა აკრძალვა გააფართოვა 2025 წლის იანვარში, დონალდ ტრამპის ინაუგურაციამდე რამდენიმე დღით ადრე.
Associated Press -ი აღნიშნავს, რომ მათ ვერ მოახერხეს გაერკვიათ გადაწყვეტილება კონკრეტულად როგორ განსაზღვრავს ფრაზას “რომანტიკული ან სექსუალური ურთიერთობები”.
