მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ უნდა ესტუმროთ 10-13 აპრილს თბილისის წიგნის ბაზრობას? - სიახლეები "პალიტრა L-ისგან"
12:36 / 03-04-2025
თბილისის წიგნის ბაზრობამდე სულ რამდენიმე დღე რჩება და თუ შესაძენი წიგნების სია ჯერ არ შეგიდგენიათ, ამაში გამომცემლობა „პალიტრა L-ის“ რეკომენდაციები დაგეხმარებათ.
ღონისძიება 10-13 აპრილს „ექსპო ჯორჯიაში“ გაიმართება, ხოლო „პალიტრა L-ის“ სტენდი სტუმრებს 11:00-დან 20:00 საათამდე უმასპინძლებს. გამომცემლობის კუთხეში წარმოდგენილი იქნება ყველა ასაკისა და გემოვნებაზე მორგებული ლიტერატურა.
აღსანიშნავია, რომ გამომცემლობა „პალიტრა L-ი“ მონაწილეობას მიიღებს მხოლოდ აპრილში გამართულ წიგნის ბაზრობაზე, ხოლო მაისის თბილისის წიგნის ფესტივალზე წარმოდგენილი აღარ იქნება.
შესაბამისად, ლიტერატურის მოყვარულებს შესაძლებლობა აქვთ აპრილის დასაწყისში, 4 დღის განმავლობაში ესტუმრონ წიგნის ბაზრობას და გამომცემლობის მიერ წარმოდგენილ სიახლეებს გაეცნონ, ისარგებლონ მათი შეთავაზებებით და მიიღონ საჩუქრები.
წიგნის ბაზრობისთვის „პალიტრა L“ განსაკუთრებულად მოემზადა. 4 დღის განმავლობაში ბაზრობის სტუმრებს შესაძლებლობა ექნებათ, ისარგებლონ 70%-მდე ფასდაკლებით სხვადასხვა სერიის გამოცემებზე. ფასდაკლება შეეხება ყველა ასაკობრივი კატეგორიის მკითხველისთვის განკუთვნილ წიგნებს: მხატვრული, პროფესიული, შემეცნებითი, საბავშვო და სხვა.
ასევე, „პალიტრა L-ის“ სტენდთან წარმოდგენილი იქნება „დისნეის“ გამოცემები, რომლებიც განსაკუთრებულად უყვართ პატარებს. სტუმრებს შესაძლებლობა ექნებათ, შეიძინონ ჭაბუა ამირეჯიბის ახალი სერიის ფარგლებში შექმნილი აქსესუარები, ასევე ყველასთვის საყვარელი სათამაშოები: თოვლის გუნდა, ბასტი და სხვა.
წიგნის ბაზრობის სტუმრებს 4 დღის განმავლობაში შესაძლებლობა ექნებათ, შეხვდნენ 20 თანამედროვე ავტორს და ჩაერთონ დისკუსიაში.
„პალიტრა L-ი“ გთავაზობთ 5 წიგნს, რომელიც არჩევანის გაკეთებას გაგიმარტივებთ:
შერლის შარლოტ ბრონტე უმძიმეს დროსა და გარემოში წერდა – მისი ძმა და ორი და სწორედ იმ პერიოდში შეიწირა ტუბერკულოზმა. რომანი 1849 წელს გამოიცა ფსევდონიმით კარერ ბელი. ეს არის შარლოტ ბრონტეს ყველაზე „მძაფრსიუჟეტიანი“ ნაწარმოები, შეზავებული კლასიკური გოტიკური და დეტექტიური მოტივებით. ეს არის რომანი ორ ძლიერ ახალგაზრდა ქალზე – ღარიბ და ობოლ ქეროლაინზე, რომელსაც თავდავიწყებით უყვარს მდიდარი ფაბრიკანტი რობერტ მური, და მის საუკეთესო მეგობარზე, მდიდარ, ლამაზ და თავნება შერლიზე, რომელსაც რობერტ მურის ძმა, მორიდებული და განათლებული გუვერნანტი ლუი უყვარს. როგორ დასძლევენ მეგობრები თავიანთ საზოგადოებაში დამკვიდრებულ ხავსმოკიდებულ შეხედულებებსა და ცრურწმენებს, ამ საინტერესო რომანში შეიტყობთ.
მთარგმნელი: ლევან ინასარიძე
2. და ყოველ დილით სულ უფრო გრძელდება გზა შინისკენ - ფრედერიკ ბაკმანი
ერთ-ერთი ყველაზე ცნობილი შვედი მწერლის, ფრედრიკ ბაკმანის ტექსტს თუ დავუჯერებთ, ერთხელაც დგება დღე, როცა უნდა წახვიდე, მანამდე კი მოგონებების დროა, სევდანარევი სიხარულით გახსენება იმისა, ვინც ან რაც გიყვარდა და დაუნდობელმა დრომ წაიღო. გახსენება იმისა, თუ როგორ გიყვარდა სამყარო, ქალი, რომელმაც ვაჟი, მან კი საყვარელი შვილიშვილი – ნოანოა გაჩუქა, გონიერი ბიჭი, რომელსაც ბაბუასავით უყვარს მათემატიკა, უამრავ კითხვას სვამს და ბაბუისგან სწორ პასუხებსაც იღებს. ვისაც ცხოვრება ეჩქარება, ის განშორებას აჩქარებსო, ეუბნებოდა ბებია ნოას. არადა, როგორ არ უნდა იჩქარო?! ხომ უნდა უთხრა შენს საყვარელ ადამიანებს, რომ ყველა ძალიან გიყვარდა, მაგრამ ამის სათქმელად ხშირად დრო არ გქონდა! დიახ, სიბერე მოგონებების დროა, მძაფრი სურვილი იმისა, ბოლო წუთამდე გახსოვდეს, ვინც და რაც გიყვარდა; სიბერე კიდევ ერთი სიხარულია, რომ სანამ კოსმოსში წახვალ, საყვარელი ადამიანები შენ გვერდით იქნებიან.
მთარგმნელი: პაატა ჩხეიძე
3. CEO-ს დღიური - სტივენ ბარტლეტი
ეს წიგნი ბიზნესის სტრატეგიის შესახებ არ არის. სტრატეგია წლის სეზონების მსგავსად იცვლება. ამ წიგნში ბევრად უფრო მდგრად ცნებებზე ვიმსჯელებთ. ჩემი ყველა წარმატებისა თუ მარცხის სათავე, როგორც ჩემი ანტრეპრენერული მოგზაურობის, ისე ათასობით ინტერვიუს ჩატარების დროს, პრინციპების ერთობლიობაა. ეს პრინციპები გაუძლებს დროს, ნებისმიერ ინდუსტრიაში გამოგადგებათ და მოერგება ნებისმიერი ადამიანის ამოცანებს, რომელსაც მნიშვნელოვანი საქმეების კეთება სურს და უნდა თავადაც გამორჩეული გახდეს. ეს ფუნდამენტური წესები სრულყოფილებისკენ სწრაფვის გარანტიას მოგცემთ. ეს წესები ეფუძნება ფსიქოლოგიასა და ქცევით მეცნიერებას, ჩემი ინტერვიუების შედეგებს ათეულათასობით ადამიანთან ყველა კონტინენტზე, ყველა ასაკობრივ ჯგუფსა და პროფესიაში და, რაღა თქმა უნდა, ჩემი საავტორო პოდკასტის ჩანაწერებს - საუბრებს მსოფლიოში ყველაზე წარმატებულ და შთამაგონებელ ადამიანებთან. ეს წესები დღესაც იმუშავებს და ასი წლის შემდეგაც“, – წერს წიგნის ავტორი სტივენ ბარტლეტი.
მთარგმნელი: გიორგი დოლიძე
4. იცხოვრე, როგორც ქალღმერთმა - ჯინ მინგისი
ეს ლეგენდარული ქალბატონები სიბრძნით, სიძლიერითა და შეუპოვრობით გამოირჩევიან. ოსანი, იორუბას სიყვარულის ქალღმერთი. ის ყოველთვის დაუპირისპირდება მათ, ვინც მიიჩნევს, რომ ქალები სუსტები არიან. რიანონი, ფერიების დედოფალი უელსიდან. ის არასდროს მისცემს სხვას უფლებას მის ნაცვლად მიიღონ გადაწყვეტილებები, არავის მისცემს თავისი გულისა და გონების გაკონტროლების უფლებას. ფრეია, სიყვარულისა და ომის სკანდინავიელი ქალღმერთი. ის არ ეგუება საზოგადოებრივ ნორმებსა და ზეწოლას, და ყოველთვის უწესებს სხვებს საზღვრებს. ეს ქალბატონები ისტორიამ დაივიწყა, მაგრამ თავად არასდროს დაივიწყებენ საყვარელ ქმნილებებს, ადამიანებს, განსაკუთრებით კი - გოგონებს, და ყოველთვის შეახსენებენ, როგორ დაიცვან თავი, როგორ გაუმკლავდნენ გამოწვევებს და რაც მთავარია - როგორ ირწმუნონ საკუთარი თავების.
მთარგმნელი: სოფო ჩერქეზიშვილი
5. შეცოდებანი - ლუიზ კენედი
ლუის კენედის „შეცოდებანი“ არის წიგნი ჩვეულებრივ ადამიანებზე, რომელთაც ჩვეულებრივი ცხოვრება სურთ „არაჩვეულებრივ“ დროებაში. მთავარი გმირი, კუშლა ლავერი, ახალგაზრდა ქალია, რომელიც ირლანდიის პატარა ქალაქში ცხოვრობს. მისი ცხოვრება თავდაყირა დგება მას შემდეგ, რაც ერთ საღამოს, პაბში, ბელფასტელ ცოლიან მამაკაცს ხვდება და, შედეგად, სულ უფრო მეტად ეფლობა იმ რეალობაში, სადაც სიყვარულს საზღვრები აქვს, ინდივიდუალური სურვილები და სოციალური რეალობა კი ხშირად შეუთავსებელია. „მნიშვნელობა არა აქვს, რას აკეთებ, – უთხრა მაიკლმა კუშლას, – მთავარია, ვინ ხარ“. და შემდეგ, მკითხველი ხედავს, რომ მთელი თხრობა ამ ბუნდოვანებას ეხება – რეალისტური ნაწარმოების ტრადიციულ თემას, ქმედებისა და პიროვნების ჭეშმარიტი რაობის შეპირისპირებას, რომელიც წიგნში სოციალურ-პოლიტიკური დაპირისპირების ფონზე ვითარდება. რა ფასად უჯდება წყვილს აკრძალული კავშირი? ანდა რამდენად შესაძლებელია ბედნიერების პოვნა სამყაროში, სადაც „ვინ ხარ“ უფრო მნიშვნელოვანია, ვიდრე „რას აკეთებ?“
მთარგმნელი: ნათია ჩუბინიძე
არ გამოტოვთ თბილისის წიგნის ბაზრობა, ესტუმრეთ 10-13 აპრილს ესტუმრეთ „ექსპო ჯორჯიას“ და განაახლეთ თქვენი ბიბლიოთეკა.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
