მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოს ბანკის სტიპენდია მათთვის, ვინც განათლების გზაზე არ ჩერდება - ლუკა წულაიას ამბავი
12:56 / 02-04-2025
„ადამიანს თუ აქვს მონდომება და სურვილი და დროის სწორად მენეჯმენტი შეუძლია, აუცილებლად მიაღწევს ყველაფერს, რასაც მოინდომებს“, - გვეუბნება საქართველოს ტექნიკური უნივერსიტეტის ინფორმატიკისა და მართვის სისტემების ინგლისურენოვანი საბაკალავრო პროგრამის სტუდენტი ლუკა წულაია, რომელიც გასულ წელს „საქართველოს ბანკის“ სტიპენდიატი გახდა.
ლუკა ახლა მესამე კურსის სტუდენტია. საკუთარ თავსა და სამომავლო გეგმებზე საუბარი არ უყვარს, მაგრამ Ambebi.ge-ს მკითხველს გაუზიარა დეტალები, როგორ გახდა „საქართველოს ბანკის“, საქართველოს ტექნიკური უნივერსიტეტისა და ნიკო ნიკოლაძის სახელობის სტიპენდიატი; როგორ უწყობს ფეხს აჩქარებული ცხოვრების ტემპს; რა აძლევს მოტივაციას, ერთნაირი ენთუზიაზმით დაუთმოს დრო სწავლასა და სპორტს; აქტიურად გააგრძელოს თვითგანვითარება და როგორც თავად აღნიშნავს, „არცერთი წამი არ გაფლანგოს“.
„საქართველოს ბანკის“ სტიპენდია შესაძლებლობაა სტუდენტებისთვის, რომლებმაც ვერ შეძლეს ეროვნულ გამოცდებზე 100%-იანი დაფინანსების მოპოვება ან შეძლეს, თუმცა კერძო უნივერსიტეტებში სწავლობენ, ასევე, დამატებითი რესურსები ესაჭიროებათ საცხოვრებელი ხარჯებისთვის ან საგანმანათლებლო პროგრამებისთვის. ნიკო ნიკოლაძის სახელობის სტიპენდიას კი ფოთის მერია გასცემს წარმატებული სტუდენტებისთვის. ლუკა სწორედ ქალაქ ფოთიდანაა.
თავდაპირველად, სპორტით დაინტერესდა, 9 წლიდან თამაშობდა ფეხბურთს. როგორც თავად აღნიშნავს, არასდროს აკეთებდა არჩევანს მეცადინეობასა და ვარჯიშს შორის, ორივეში ერთნაირ რესურსს დებდა:
„ვფიქრობდი, პროფესიონალურ საფეხბურთო კარიერას რომ დავასრულებდი, მერე რა მიმართულებით უნდა გამეგრძელებინა საქმიანობა და საბოლოოდ არჩევანი კიბერუსაფრთხოებაზე შევაჩერე. რადგანაც ამ მიმართულებით საბაკალავრო პროგრამა საქართველოში ვერ მოვიძიე, კომპიუტერული მეცნიერებების ფაკულტეტზე გადავწყვიტე სწავლა, თუმცა გარე რესურსებით ვაგრძელებ ცოდნის მიღებას კიბერუსაფრთხოებაშიც. სპორტი ახლა უფრო ჰობის სახით მაქვს, თუმცა არასდროს ვაკლებ დროს, ვარ მესამე კურსზე და პარალელურად ვმუშაობ „დრესაპში“ IT მიმართულებით. ვარ შეუპოვარი და შრომისმოყვარე. არ შემიძლია ვიყო უმოქმედოდ იმ სამყაროში, რომელიც წამიერად ვითარდება და იცვლება“, - აღნიშნავს ლუკა წულაია საკუთარ საქმიანობაზე საუბრისას.
„საქართველოს ბანკის“ სტიპენდიის შესახებ ოჯახის წევრებმა შეატყობინეს. ლუკა დაინტერესდა და რამდენიმე ეტაპის გავლის შემდეგ შერჩეულ სტუდენტებს შორის მოხვდა:
„ჩემთვის ეს სტიპენდია მნიშვნელოვანი იყო, რადგანაც ეს არის ერთგვარი უკუკავშირი, რომ შენი შრომა ფასდება. ამავდროულად, ის დიდ როლს თამაშობს ფინანსური კუთხითაც, რადგან ახერხებ მეტი დრო დაუთმო სწავლას, განსაკუთრებით ჩემს სფეროში, სადაც ხშირად არის საჭირო ტექნოლოგიის/ მოწყობილობის განახლება, კონკურსებში მონაწილეობის მიღება, გარე წყაროებიდან სწავლა, რაც გარკვეულ ხარჯებთან ასოცირდება. ვფიქრობ, მსგავსი ფორმის პროგრამების არსებობა სტუდენტს ეხმარება მრავალფეროვანი გონებრივი შესაძლებლობის ჩამოყალიბებაში და კონკურენციასაც აჩვევს, რაც ცხოვრებისეულ გამოცდილებასაც სძენს.
ზოგადად მნიშვნელოვანია ყველა სასტიპენდიო პროგრამა, რადგან ეს სტუდენტს აძლევს მოტივაციას, აჩვენებს შრომის შედეგს და ეხმარება, არ გაჩერდეს, მუდმივად განვითარდეს და გააგრძელოს თავისი მიზნისკენ სვლა“, - განგვიმარტა ლუკამ.
მისი თქმით, პროფესიის არჩევანის სისწორეშიც დღითიდღე რწმუნდება, რადგან თანამედროვე მსოფლიოში სწრაფად ვითარდება ტექნოლოგიები, ყველაფერი ციფრულ ფორმას იძენს და მისი საქმიანობაც უფრო მოთხოვნადი ხდება:
„ტექნოლოგიების სფერო ისე ვითარდება, რომ არ არის მოდუნების დრო, თითოეულ ცვლილებას უნდა აჰყვე და აუბა ფეხი, განსაკუთრებით ჩემს მიმართულებაში, რომელიც დღითიდღე ვითარდება. თუ არ ისწავლე, არ განვითარდი და არ დაეწიე ცვლილებებს, ძალიან რთულია, ამიტომაც ყოველდღიურად უნდა იმუშაო საკუთარ თავზე და აკეთო დავალებები, თვალი ადევნო სიახლეებს. ეს კიდევ უფრო რთული პროცესია განსაკუთრებით ჩვენი ქვეყნის პირობებში, სადაც შედარებით გვიან შემოდის ყველაფერი, შესაბამისად, ჯერ უნდა დავეწიოთ, შემდეგ ავუბათ ფეხი და ვფიქრობ, იმდენი უნდა ვიმუშაოთ, რომ სამომავლოდ გავუსწროთ კიდეც, ჩვენით უნდა დაიწყოს რაღაც ცვლილებები, ამიტომ მნიშვნელოვანია, სულ აქტიური იყო და იფიქრო თვითგანვითარებაზე“, - აღნიშნა ლუკა წულაიამ.
ლუკას ჰობებს შორის სპორტის გარდა არის მუსიკაც. ის უკრავს გიტარასა და სხვა მუსიკალურ ინსტრუმენტებზეც, იყო ბენდისა და ანსამბლის წევრიც. კითხვაზე, როგორ ახერხებს, იპოვოს ბალანსი სწავლასა და გარეშე საქმიანობებს შორის და შეინარჩუნოს მოტივაცია, გვიპასუხა, რომ „ადამიანს თუ აქვს მონდომება და სურვილი და შეუძლია დროის სწორად მენეჯმენტი, აუცილებლად შეძლებს ყველაფერს, რასაც მოინდომებს“.
„ჩემთვის სპორტი ახლა გადაიქცა ჰობად, თორემ აქამდე აქტიურად ვმუშაობდი, ვსწავლობდი და თან ვარჯიშითაც ვიყავი დაკავებული. ძალიან მნიშვნელოვანია, ყველა ჩამოთვლილი აქტივობით ვიყო დაკავებული, თუ რომელიმე არ იქნება, სრულყოფილად ვერ ვგრძნობ თავს“, - აღნიშნა მან.
სამომავლოდ გეგმავს, კიდევ უფრო გაიღრმაოს ცოდნა კიბერუსაფრთხოების მიმართულებით და აღნიშნულ პროცესს აკადემიური სახეც მისცეს. ვინც ახლა ირჩევს პროფესიას, მათ ურჩევდა, რომ კარგად განსაზღვრონ, რისი კეთება უყვართ და გამოსდით ყველაზე კარგად, რადგან სამომავლოდ მათი ყოველდღიური ცხოვრება, სწორედ ამ საქმიანობასთან უნდა იყოს დაკავშირებული:
„ფინანსებზე ყურადღების გამახვილება მნიშვნელოვანია, მაგრამ ასევე მნიშვნელოვანია, ჩვენი ინტერესების შესაბამისად ავირჩიოთ პროფესია“, - აღნიშნა ლუკა წულაიამ.
საქართველოს ბანკის სტიპენდიის შესახებ:
საქართველოს ბანკის სტიპენდიის დახმარებით მოტივირებულ, მიზანდასახულ სტუდენტებს პირველივე კურსიდან აქვთ შესაძლებლობა, ჩაერთონ სასტიპენდიო პროგრამაში და ისწავლონ 100%-იანი ან ნაწილობრივი დაფინანსებით. Stipendia.bog.ge-ზე განაცხადების მიღება 15 აპრილამდეა შესაძლებელი. განათლების გზაზე არ გაჩერდე.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
