მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ბრძოლა იქნება ბოლომდე - დამიჭერენ? - ბრძოლას გავაგრძელებ!“ - მამუკა ხაზარაძე
15:29 / 27-03-2025
“გადაწყვეტილება მიღებული გვაქვს, ბრძოლა იქნება ბოლომდე, ჩვენ ციხეში ვიქნებით თუ მის გარეთ - დამიჭერენ? - კი ბატონო, მაგრამ ბრძოლას გავაგრძელებ!“, - ამის შესახებ „ლელო - ძლიერი საქართველოს“ ლიდერმა, მამუკა ხაზარაძემ კოალიციის ოფისში მედიის წარმომადგენლებთან შეხვედრისას განაცხადა.
მისივე განმარტებით, არც ქვეყნის დატოვების ბილეთი აქვს აღებული და არც ცდილობს, რომ ვინმეს რაიმე შეეხვეწოს.
„აქ პიროვნული ამბავი არ არსებობს, გადაწყვეტილება მიღებული გვაქვს, ბრძოლა იქნება ბოლომდე, ჩვენ ციხეში ვიქნებით თუ მის გარეთ.
რაც შეეხება პარტიის ფუნქციონირებას. მინდა გითხრათ, რომ ჩვენი პარტიის მშენებლობა ჩვენ დავიწყეთ Zoom-ით იმიტომ, რომ პანდემია დაემთხვა. მერე ამ მშენებლობას დაემთხვა ჩვენი 4-წლიანი სასამართლოში სიარული, მაგრამ მაინც მოვახერხეთ, რომ ნულიდან ერთ-ერთი მძლავრი პარტია შევქმენით, რომელსაც ადამიანები ახლაც ემატებიან...
ჩვენ თუ დაგვაპატიმრეს გაძლებს თუ არა პარტია უჩვენოდ? - კი, 1000%-ით გაძლებს, იმიტომ, რომ ეს არის უკვე პარტია, რომელიც იდეის გარშემოა შეკრებილი და დაფინანსება მეორეხარისხოვანია.
ეს არის ცხოვრებისეული გადაწყვეტილებაა - სად უნდა იყო, მე აქ ვდგავარ. დამიჭერენ? - კი ბატონო, მაგრამ ბრძოლას გავაგრძელებ! ნებისმიერ დროს შემეძლო გავრიგებოდი ბიძინა ივანიშვილს ან თავი დამეხარა, ან მის სახელმწიფო რეკეტს დავმორჩილებოდი და რაღაცა პატივი მეცა - როგორც მან ერთხელ ტელევიზიაში თქვა, რომ ჩხარტიშვილმა პატივი მცა და ხაზარაძემ პატივი არ მცა. იქ ფულზე იყო საუბარი, ბოდიში, მაგრამ რომლის „ახევაც“ უნდოდათ ქურდული კანონებით, როცა მე შევცდი და მივედი ე.წ. ვითომ მორიგებაზე, მაგრამ მივედი და თურმე აღმოვჩნდი ქურდულ გარჩევაზე, სადაც ბიძინა ივანიშვილი იყო მოსამართლეც, „ქურდიც“, პროკურორიც და გენერალური პროკურორი გვერდით ეჯდა. ვაღიარებ, რომ ეს შეცდომა იყო, მაგრამ როგორ წარმოვიდგენდი, რომ ასეთ ამბავში მოვყვებოდი. კიდევ კარგი გენერალური პროკურორი, შოთაძე იჯდა, რომელმაც თქვა, რომ აქ იურიდიულად ვერაფერს ვერ ვხედავო და იქ მოკვდა ეს კონცერტი... ეს [ბიძინა ივანიშვილი] არის კრიმინალური მენტალობის ადამიანი, რომელიც ჩვენ ქვეყანაში სხვა ქვეყნის დავალებას ასრულებს, ამას წყალი არ გაუვა.
ჩემი საქართველოში ყოფნა, ქვეყნის არ დატოვება და ამ სისტემასთან ბრძოლა ბოლო 5 წლის განმავლობაში მიუთითებს, რომ ნებისმიერი გამოწვევისთვის მზად ვარ. რა თქმა უნდა, შეგნებულად მივდივარ სასამართლოში, არც ბილეთი მაქვს აღებული და არც რამეს ვცდილობ, რომ ვიღაცას რაღაც შევეხვეწო.
მე ძალიან თავმდაბლად ვიტყვი, რომ ჩემი თავი ისეთ მნიშვნელოვან ფიგურად არ მიმაჩნია, რომ ჩემმა დაკავებამ რაღაც მღელვარება გამოიწვიოს, მაგრამ კიდევ ერთი მაგალითი იქნება იმისა, რომ არ შეიძლება შეეგუო იმას, რაც არ არის შესაგუებელი და არ შეიძლება ფარ-ხმალი დატოვო... ბრძოლა იქნება ბოლომდე - გარეთ, შიგნით, საერთაშორისო ასპარეზზე და ჩვენ აუცილებლად მივაღწევთ ამ ქვეყნის შემოტრიალებას“, - განაცხადა ხაზარაძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
