მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გუბანოვას ფიასკო და ბერულავა-მეტელკინას უშეცდომო სრიალი - როგორ დაიწყო საქართველოს ნაკრებისთვის მსოფლიო ჩემპიონატი ფიგურულ ციგურაობაში?
10:59 / 27-03-2025
25 მარტს დაიწყო და 30 მარტის ჩათვლით ბოსტონში (აშშ, მასაჩუსეტსის შტატი) გაგრძელდება მსოფლიო ჩემპიონატი ფიგურულ ციგურაობაში - წლის ყველაზე მნიშვნელოვანი სპორტული ფორუმი. ბოსტონი, 2016 წლის შემდეგ, მეორედ მასპინძლობს მსოფლიო ჩემპიონატს, რომელშიც მონაწილეობას 42 ქვეყნის 190 სპორტსმენი იღებს.გამარჯვებულებისა და საპრიზო ადგილებზე გასული მოციგურავეების გამოვლენის გარდა, 2025 წლის მსოფლიო ჩემპიონატი განსაკუთრებულ მნიშვნელობას იძენს. სწორედ ბოსტანში გამართული მსოფლიო ჩემპიონატის შედეგების მიხედვით განაწილდება საგზურები 2026 წლის ზამთრის ოლიმპიურ თამაშებზე მონაწილეობისათვის. აგრეთვე, ნაწილობრივ განისაზღვრება სარეიტინგო ქულები, მილანში, ოლიმპიადაზე გუნდურ ასპარეზობაში, 10 საუკეთესო გუნდს შორის ადგილის მოსაპოვებლად.
ამიტომაც განსაკუთრებით სამწუხაროა, რომ საქართველოს ნაკრების წარმომადგენელმა ანასტასია გუბანოვამ, რომელიც ევროპის ექსჩემპიონი და ერთ-ერთი წამყვანი მოციგურავეა სტარტი წარუმატებლად აიღო - მან პირველივე ნახტომისას შეცდომა დაუშვა, რამაც მის ციგურაობაზე მნიშვნელოვნად იმოქმედა და გუბანოვამ ძალიან დაბალი შეფასება მიიღო - 47,31. ის ჩვენი ნაკრებიდან პირველი გამოვიდა, თუმცა ჩავარდნილი მოკლე პროგრამის შემდეგ, მან გამოსვლა 28-ე ადგილზე დაასრულა და თავისუფალი პროგრამით ვეღარ ისრიალებს.
"მოკლე პროგრამაში დაშვებული სერიოზული შეცდომების გამო, ჩვენი ნაკრების წევრმა ანასტასია გუბანოვამ, სამწუხაროდ, ვერ შეძლო შემდეგ ეტაპზე გადასვლა, ამიტომ 2026 წლის ზამთრის ოლიმპიურ თამაშებზე მონაწილეობის მისაღებად მას ოლიმპიური საგზურისათვის ბრძოლა დამატებით საკვალიფიკაციო ტურნირზე მოუწევს, რომელიც სექტემბერში, ჩინეთის დედაქალაქ პეკინში გაიმართება", - აცხადებენ ფედერაციაში.
00:00 / 00:00
წარმატებული სტარტი აიღო ლუკა ბერულავასა და ანასტასია მეტელკინას წყვილმა. მათ სპორტულ ცეკვებში მოკლე პროგრამით თითქმის უშეცდომოდ იციგურავეს და პროგრამა მეოთხე პოზიციაზე დაასრულეს.
მათმა ქულათა ჯამმა 71,68 შეადგინა. მესამეადგილოსან წყვილს, მინერვა ჰასეს და ნიკიტა ვოლოდინს (გერმანია) 73,59 ქულა აქვს. ასე რომ, ჩვენი წყვილი მედლის მოპოვების შანსს ინარჩუნებს. პირველი ადგილი კი არავის დაუთმეს იაპონელებმა – რიკუ მიურამ და რაიჩი კიჰარამ (76,57 ქულა).
სპორტულ წყვილებში თავისუფალი პროგრამით სპორტსმენები 29 მარტს გამოვლენ. 21:30 საათიდან პირდაპირ რეპორტაჟს საქართველოს "პირველი არხი" შემოგთავაზებთ.
2025 წლის მსოფლიო ჩემპიონატზე საქართველოს გუნდი შემდეგი შემადგენლობით არის წარმოდგენილი:
ანასტასია მეტელკინა - ლუკა ბერულავა ( სპორტული წყვილი)
ნიკა ეგაძე (მამაკაცები)
ანასტასია გუბანოვა (ქალები)
დიანა დევისი-გლებ სმოლკინი ( სპორტული ცეკვები)
საქართველოს დელეგაცია, ფიგურული ციგურაობის ეროვნული ფედერაციის პრეზიდენტის მარიამ გიორგობიანის ხელმძღვანელობით, ბოსტონში ,24 მარტს გაემგზავრება.
აღსანიშნავია, რომ სპორტულ წყვილებში მსაჯთა შემადგენლობაში მუშაობს საერთაშორისო კატეგორიის მსაჯი სალომე ჩიგოგიძე.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
