მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთში მილიარდერი ვადიმ მოშკოვიჩი დააკავეს - რა ხდება ცნობილი?
10:30 / 27-03-2025
რუსეთში სასოფლო-სამეურნეო ჰოლდინგის Rusagro-ს დამფუძნებელი, მილიარდერი ვადიმ მოშკოვიჩი დააკავეს, - ამის თაობაზე TASS სამართალდამცავი ორგანოებზე დაყრდნობით იუწყება. მას დიდი რაოდენობით თანხების გაფლანგვაში სდებენ ბრალს.
მილიარდერისა და ბელგოროდის რეგიონის ყოფილი სენატორის მოშკოვიჩის დააკავების ამბავი პირველად გაავრცელეს "ტელეგრამის" რუსულ უშიშროების ძალებთან დაკავშირებულმა არხებმა: Mash, Shot და Baza.
TASS-ისა და Interfax-ის ცნობით, ამ საქმესთან დაკავშირებით კიდევ რამდენიმე ადამიანი დააკავეს, ჩხრეკა ჩატარდა "რუსაგროს“ ოფისებში სხვადასხვა ქალაქში.
სააგენტო "ინტერფაქსი“ და "რია ნოვოსტი“ აცხადებენ, რომ მოშკოვიჩს ასევე წაუყენეს ბრალი თაღლითობასა და უფლებამოსილების გადამეტებაში.
ამავე წყაროების ცნობით, იგივე ბრალი წაუყენეს სასოფლო-სამეურნეო ჰოლდინგის ყოფილ გენერალურ დირექტორს მაქსიმ ბასოვს.
ამ ინფორმაციას სამართალდამცავი ორგანოები ჯერ არ ადასტურებენ.
"ინტერფაქსის“ წყაროს ცნობით, სისხლის სამართლის საქმე რუსეთის შინაგან საქმეთა სამინისტროს საგამოძიებო დეპარტამენტმა აღძრა "იმ კომპანიებში გაფლანგვის ფაქტებზე, რომლებთანაც "რუსაგროს“ საქმიანი ურთიერთობა ჰქონდა. სააგენტოს ცნობით, გაფლანგული თანხის ოდენობა სულ დაახლოებით ერთი მილიარდი რუბლია.
"რუსაგრომ" დაადასტურა, რომ 26 მარტს ჩხრეკა ჩატარდა ჰოლდინგის რამდენიმე ოფისში, მაგრამ არაფერი უთქვამს მოშკოვიჩისა და ბასოვის დაკავების შესახებ.
"გვესმის, რომ ამ ვითარებამ შეიძლება გაუჩინოს კითხვები ჩვენს კლიენტებს, პარტნიორებსა და თანამშრომლებს, ამიტომ ვიჩქარებთ დაგარწმუნოთ, რომ კომპანიის საქმიანობა სრულად შეესაბამება კანონს და მზად არის გაუწიოს ყველა საჭირო დახმარება სამართალდამცავ ორგანოებს. ეს მოვლენები არანაირად არ არის დაკავშირებული კომპანიის მიმდინარე საქმიანობასთან", - ნათქვამია ჰოლდინგის ვებსაიტზე გავრცელებულ განცხადებაში.
"რუსაგრო“ ერთ-ერთი უდიდესი რუსული სასოფლო-სამეურნეო ჰოლდინგია. კომპანია მოშკოვიჩმა 1995 წელს დააარსა. ჟურნალ Forbes-ის მიხედვით, უმდიდრესი რუსების სიაში 57 წლის მოშკოვიჩი ამჟამად 55-ე ადგილს იკავებს, მისი ქონება 2,7 მილიარდ დოლარად არის შეფასებული.
2022 წელს, დასავლეთის მიერ სანქციების შემოღების შემდეგ, მოშკოვიჩმა დატოვა Rusagro-ს გამგეობის თავმჯდომარის თანამდებობა და კომპანიაში თავისი წილი 50--მდე შეამცირა", - აღნიშნავს Reuters -ი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
