მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს აპოკალიფსს ჰგავდა" - ქვეყნის ისტორიაში ყველაზე მასშტაბური ხანძარი, გადამწვარი სოფლები, დაღუპულები და ევაკუირებულები: ფოტოები სამხრეთ კორეიდან
20:32 / 26-03-2025
სულ მცირე 24 ადამიანი დაიღუპა, 26 დაშავდა და 23 000-ზე მეტმა ადამიანმა იძულებით დატოვა საკუთარი სახლი სამხრეთ კორეაში ტყის ხანძრების გამო.
- კორეის რესპუბლიკის მოვალეობის შემსრულებელმა პრეზიდენტმა, პრემიერ-მინისტრმა ჰან დოკ სუმ ეს ხანძრები ქვეყნის ისტორიაში ყველაზე საშინელ ფაქტად მოიხსენია.
პოლიციის ინფორმაციით, დაღუპულთა უმრავლესობა 60-70 წლის ადამიანები არიან. დაშავებულთაგან 12 მძიმე მდგომარეობაშია.
გარდა ამისა, სტიქიის ლიკვიდაციის პროცესში ჩამოვარდა სახანძრო ვერტმფრენი, რის შედეგადაც დაიღუპა მისი პილოტი. მედიის ცნობით, ის 73 წლის იყო.
ხანძარმა გაანადგურა მთელი დასახლებები, დაიხურა სკოლები და ხელისუფლება იძულებული გახდა 2000-ზე მეტი პატიმრის ევაკუაცია მოეხდინათ ციხეებიდან.
- ხანძრის შედეგად განადგურდა 1300 წლის წინ დაარსებული ბუდისტური ტაძარი კუნსა, რომელიც მდებარეობდა ისონის პროვინციაში. ადგილობრივი მედიის ცნობით, კულტურული სიწმინდეები, მათ შორის ბუდას ქვის ქანდაკება, დროულად გამოიტანეს ტაძრიდან.
განსაკუთრებული საფრთხე შეექმნა კორეის ტრადიციულ სოფელ ჰაჰვეს, რომელიც ჩოსონის დინასტიის დროინდელია და იუნესკოს მსოფლიო მემკვიდრეობის სიაშია შეყვანილი. ტყის ხანძარი მას მხოლოდ 5 კილომეტრის მანძილზე მიუახლოვდა.
ხანძრები, რომლებიც ძლიერმა და მშრალმა ქარმა გამოიწვია, გასული პარასკევს გაჩნდა სამხრეთ-აღმოსავლეთ სამხრეთ კორეაში, სანგჩონის ოლქში, რომელიც სეულიდან 250 კილომეტრში მდებარეობს. მოგვიანებით ცეცხლი გავრცელდა მეზობელ ოლქებზე, მათ შორის ისონზე, ჩონსონზე, იონიანზე და იონდოკზე, ასევე ანდონის ქალაქზე.
მოვალეობის შემსრულებელმა პრეზიდენტმა ჰან დოკ სუმ განაცხადა, რომ ძლიერი ქარი ხელს უშლის მეხანძრეებსა და მაშველებს: "ჩვენ სასოწარკვეთით ვიმედოვნებდით, რომ დღეს ან ხვალ წვიმა მოვიდოდა და ცეცხლის ჩაქრობაში დაგვეხმარებოდა,“ - თქვა მან.
ნაციონალური სატყეო ინსტიტუტის ექსპერტმა ლი ბიონ დუმ Reuters-ს განუცხადა, რომ ხანძარი ისონში "წარმოუდგენელი სისწრაფითა და მასშტაბებით" ვრცელდება.
ხანძრის ჩაქრობის პროცესში ჩართულია ათასობით მეხანძრე და 5,000-მდე სამხედრო, ასევე აშშ-ის არმიის ვერტმფრენები, რომლებიც სამხრეთ კორეაში იმყოფებიან.
ეს აპოკალიფსს ჰგავდა
სამხრეთ კორეაში ტყის ხანძრები იშვიათია, თუმცა, ამჯერად ხანძარი უკვე იქცა ყველაზე მომაკვდინებლად ქვეყნის ისტორიაში.
- ცეცხლმა 17,000 ჰექტარზე მეტი ტყე გაანადგურა. ანდონში სატვირთო მანქანის მძღოლმა ლი სუნ ჯუმ AFP-ს უთხრა, რომ საკუთარი თვალით ნახა, როგორ იწვოდა მთები: "ეს აპოკალიფსს ჰგავდა" — განაცხადა მამაკაცმა.
ანდონის სხვა რაიონში ევაკუირებულ ადამიანებს, რომლებიც დაწყებით სკოლაში იყვნენ შეფარებულნი, სასწრაფოდ უბრძანეს შენობის დატოვება, რადგან ქარის გამო ხანძარი სწრაფად ვრცელდებოდა.
79 წლის კვონ სო ჰანმა AFP-ს განუცხადა: "ქარი ძალიან ძლიერად ქროდა. ცეცხლი მთიდან წამოვიდა და ჩემს სახლს მოედო".
კორეის მეტეოროლოგიური სამსახურის მონაცემებით, ოთხშაბათს რეგიონში ნალექი მოსალოდნელი არ არის, ხოლო ხუთშაბათს მხოლოდ მცირე წვიმა შეიძლება წამოვიდეს.
ჰან დოკ სუმ განაცხადა, რომ ხელისუფლება დეტალურად გააანალიზებს ხანძრის წინააღმდეგ ბრძოლისას გამოვლენილ ყველა ხარვეზს, როგორც კი კრიზისი კონტროლქვეშ იქნება, და მომავალში გაფრთხილების სისტემის გაუმჯობესებას შეეცდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
