მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"2006 წელს შეიარაღებული კონფლიქტის ზღვარზე ვიყავით, რისი შეჩერებაც პრეზიდენტთან ჩხუბით, ძლივს მოვახერხეთ - სიგიჟესთან გვქონდა საქმე" - ზურაბ ნოღაიდელი
16:44 / 26-03-2025
2008 წლის ომის დაწყება არანაირ ლოგიკას არ ექვემდებარება - ბევრი კრიზისი იყო, მაგრამ ყოველთვის ვახერხებდით საბრძოლო მოქმედებების თავიდან აცილებას, რაც 2008 წელსაც, სრულიად დარწმუნებული ვარ, უნდა მომხდარიყო,- ამის შესახებ ყოფილმა პრემიერ-მინისტრმა ზურაბ ნოღაიდელმა პარლამენტის დროებით საგამოძიებო კომისიაზე განაცხადა, სადაც განსახილველი საკითხია 2004-2008 წლებში საქართველოს ოკუპირებულ ტერიტორიებზე შექმნილი ვითარება და 2008 წლის აგვისტოს ომი.
მისივე თქმით, მინისტრების მხრიდან ბევრი განცხადება კეთდებოდა, მათ შორის მკვეთრიც, თუმცა ფიქრობს, რომ 2008 წლის ომის წინაპირობა არცერთი ეს განცხადება არ ყოფილა.
"ერგნეთის ბაზრობის ხელახლა შექმნა ან მის ადგილზე რაღაც გაუმჯობესებული სქემების ამოქმედება - ორგანიზებულად ამის გაკეთება არ შეგვეძლო, მაგრამ ქალბატონ თეას ვეთანხმები, რომ [ერგნეთის ბაზრობის] ალტერნატიული ურთიერთობის მექანიზმები უნდა ჩამოყალიბებულიყო. მინისტრები სხვადასხვანაირი იყვნენ, ისეთებიც იყვნენ, რომლებიც მკვეთრ განცხადებებს აკეთებდნენ, მაგრამ ისეთებიც იყვნენ, რომლებიც მუშაობდნენ იმაზე, რომ ეს პროცესი ყოფილიყო, მაგრამ ფაქტია, რომ ეს არ გამოვიდა. 2008 წლის ომის წინაპირობა არცერთი ეს განცხადება, ჩემი აზრით, არ ყოფილა. 2008 წლის ომის დაწყება, თვითონ ომი არანაირ ლოგიკას ჩემთვის არ ექვემდებარება“,- განაცხადა თეა წულუკიანმა.
ამასთან, წულუკიანმა გაიხსენა ნოღაიდელის პრემიერ-მინისტრობის დროს, იმ პერიოდის თავდაცვის მინისტრის ირაკლი ოქრუაშვილის განცხადება, რომ "ახალ წელს ცხინვალში შეხვდებოდნენ“ და ყოფილ პრემიერს ჰკითხა, იყო თუ არა ეს განცხადება მასთან შეთანხმებული. ნოღაიდელმა თქვა, რომ კონსტიტუციურად თავდაცვის მინისტრი არა მას, არამედ პრეზიდენტს ემორჩილებოდა. მისი შეფასებით ოქრუაშვილის ეს განცხადება "უსარგებლო და არასაჭირო“ იყო.
"მოცემული მინისტრი კონსტიტუციურადაც არ უნდა დამმორჩილებოდა, იმიტომ, რომ მაშინ სხვანაირი სახელმწიფო მოწყობის სისტემა იყო. შესაბამისად, ჩემი, როგორც კაბინეტის ხელმძღვანელის უფლებამოსილება იყო ეკონომიკა და მასთან დაკავშირებული სოციალური საკითხები. თავდაცვა, უსაფრთხოება, საგარეო პოლიტიკა იყო პრეზიდენტის განსაკუთრებული უფლებამოსილება და შესაბამისად, თავდაცვის მინისტრის მარტო ეს კი არა, არცერთი განცხადება ჩემთან შეთანხმება არათუ არ იყო, არამედ არც უნდა ყოფილიყო.
ეს იყო ძალიან უსარგებლო, სრულიად არასაჭირო განცხადება, ყველამ კარგად ვიცოდით, რომ არანაირ ახალ წელს არ შეხვდებოდა ცხინვალში ირაკლი ოქრუაშვილი. კრიზისი რეალურად ამ საკითხების ირგვლივ მუდმივად იყო საქართველოში იმ პერიოდის განმავლობაში და ასეთი არასაჭირო განცხადება ერთი არ იყო, მრავალი იქნებოდა.
ამის გარდა სხვა ბევრად უფრო რთული და კრიზისული საკითხები იყო. ვიყავით კიდეც ერთხელ ბრძოლის ზღვარზე, რისი შეჩერებაც ძალისხმევის შედეგად ძლივს მოვახერხეთ - 2006 წელს ვგულისხმობ. მივყვები თქვენს პირველ კითხვას, ეს [განცხადებები] ხომ არ აღმოჩნდა 2008 წლის მოვლენების საფუძველი. სწორედ ამის ახსნა მინდოდა, რომ ასეთი კრიზისები, არასაჭირო, არა სასარგებლო, კონტრპროდუქტიული განცხადებები ერთი არ ყოფილა. ბევრი კრიზისი იყო, მაგრამ ყოველთვის ვახერხებდით საბრძოლო მოქმედებების თავიდან აცილებას, რაც 2008 წელსაც, სრულიად დარწმუნებული ვარ, უნდა მომხდარიყო“,- განაცხადა ზურაბ ნოღაიდელმა.
გარდა ამისა, თეა წულუკიანმა ნოღაიდელს ჰკითხა, თუ ჰქონდა მაშინდელ პრეზიდენტთან მიხეილ სააკაშვილთან აზრთა სხვადასხვაობა, რაზეც ყოფილმა პრემიერმა თქვა, რომ ხშირად ჩხუბობდნენ.
ასევე, ნოღაიდელის განცხადებაზე, რომ 2006 წელს შეიარაღებული კონფლიქტი თავიდან აცილება მოხერხდა, წულუკიანმა მას ჰკითხა, როგორ მოხერხდა ეს, ნოღაიდელმა უპასუხა:
"ჩხუბით, პრეზიდენტთან. ხელჩართულ ბრძოლაში კი არ გადავსულვართ, მაგრამ მისი დარწმუნებით მოხდა“, - აღნიშნა ნოღაიდელმა.
კიდევ ერთ კითხვაზე, ხომ არ ჩაერივნენ ამ საკითხში პარტნიორებიც, ნოღაიდელი ამბობს, რომ ეს ზუსტად არ ახსოვს: "ვერ იქნებოდა მხოლოდ და მხოლოდ ჩემი დამსახურება, სრულიად დარწმუნებული ვარ, რომ კომპლექსური საუბრების შედეგი იყო“.
"კონფლიქტი და ჩხუბი გვქონდა ბევრი, ბევრჯერ და ხშირად. უშუალოდ მაგ საკითხებზე [თავდაცვის] არა მხოლოდ, ძირითადად ფინანსებზე, მაგრამ პარალელურად მაგ საკითხებზე. შეიძლება უშუალოდ ცხინვალის რეგიონს არ შეეხება, მაგრამ ასეთი საკითხი ბევრი იყო. მათ შორის, ცხადია კამათი გვქონდა ამ საკითხზე [ოქრუაშვილის განცხადება], რაც ცოტა ხნის წინ მოიყვანეთ, რაც კონტრპროდუქტიული და არასაჭირო იყო, მაგრამ სხვა ბევრად უფრო ღრმა საკითხები იყო, რომელი ერთი მაგალითი მოგიყვანოთ, არ ვიცი. 2006 წელს, ზუსტად ოქრუაშვილის გადადგომას მოჰყვა კონფლიქტი ცხინვალის რეგიონში, როდესაც ვიყავით შეიარაღებული კონფლიქტის ზღვარზე, რომლის მოგვარებაც მოხერხდა“,- განაცხადა ნოღაიდელმა.
ამასთან, კომისიის თავმჯდომარემ თეა წულუკიანმა აგვისტოს ომთან დაკავშირებით ნოღაიდელს შეკითხვა დაუსვა, შესაძლოა თუ არა, რომ პროცესები გარედან ყოფილიყო მართული.
"თქვენ როგორ თვლით, შესაძლოა თუ არა ეს გარედან ყოფილიყო მართული და რეალურად, ჩვენ მარიონეტი გვყავდა ხელისუფლებად, პრეზიდენტად, რომელიც ქვეყნისთვის მავნებლურ გეგმას ახორციელებდა. სხვადასხვა პოზიციებზე, მე სტრასბურგიდან ძალიან პატარა კენჭებით, თქვენ პრემიერ-მინისტრის პოზიციიდან, აქ მყოფი ადამიანები სახალხო დამცველის, პოლიციელის, ჯარისკაცის, იურისტის, სხვადასხვა პოზიციებიდან ვცდილობდით, რომ ქვეყანა რაღაცნაირად დიდი უბედურებაში არ გახეულიყო. რასთან გვქონდა საქმე?“- მიმართა კითხვით წულუკიანმა ნოღაიდელს.
ნოღაიდელის თქმით, უცხოურ შეხვედრებზე მასთან არასდროს ყოფილა დასმულა საკითხი იმდაგვარად, რომ "ჩვენ გინდა არ გინდა, ან სადმე სხვაგან უნდა გვეომა“.
"სიგიჟესთან რომ გვქონდა საქმე, მე მგონი, ამას დამატებითი განმარტებები აღარ სჭირდება, მაგრამ ჰქონდა თუ არა უცხოურ ზემოქმედებას ადგილი? - ნებისმიერ უცხოურ შეხვედრებზე ჩემთან ძალიან ბევრ თემაზე იყო საუბარი. ისეთი საკითხებიც იყო, როცა კატეგორიულ მოთხოვნას დაგვიყენებდნენ რაღაც საკითხზე და ა.შ. მაგრამ ამ თემაზე ჩემთან საუბარი არასდროს ყოფილა, რომ ჩვენ გინდა არ გინდა, ან სადმე სხვაგან უნდა გვეომა. იყო თუ არა მასთან საუბარი? არ ვარ ამის შესახებ საქმის კურსში. მაქვს ჩემი აზრი, მაგრამ ჩემს აზრად დავიტოვებ, რომ არ გავაკეთებ ამ პროგნოზს. იმ სამი წლის განმავლობაში, რომ "თქვენ წადით ამ კონფლიქტზე“, ასეთი საუბარი ჩემთან არასდროს ყოფილა“, - აღნიშნა ნოღაიდელმა.
ნოღაიდელის აღნიშნულ განცხადებაზე წულუკიანის რეპლიკა ასეთი იყო: "შესაბამისად, ხუმრობანარევი ტონით რომ ვთქვა, საქართველოს პრემიერ-მინისტრი ამბობთ, იმაში, რომ გარკვეული შლეგთა ჯგუფი ქვეყნის საზიანოდ მართავდა პროცესებს, ეჭვი არ შეგპარვიათ ანუ სიგიჟესთან რომ გვქონდა საქმე, მაგრამ ეს, პლუს გარედან მართულიც იყო თუ არა, ამაზე თქვენთან საუბარი არავის ჰქონია და არც ეჭვი შეგპარვიათ?“ - მიმართა შეკითხვით წულუკიანმა ნოღაიდელს, რაზეც ნოღაიდელმა უპასუხა,რომ "არა“.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
