მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირამიდების ქვეშ დაფლული მორიგი საიდუმლო - ნაპოვნია მიწისქვეშა ქალაქი, ურთულესი სტრუქტურით: ფარაონები არმაგედონისგან გადარჩენას ცდილობდნენ?
13:58 / 25-03-2025
ეგვიპტის პირამიდები დღემდე შეუცნობელი და კვლევის საგანია. ამჯერად, მეცნიერთა განცხადებით, მათ პირამიდების ქვეშ გვირაბები, სვეტები, ბილიკები და გიგანტური დარბაზები აღმოაჩინეს, რომელიც სავარაუდოდ, სამივე პირამიდის ქვეშ ვრცელდება.
პირამიდების მორიგი საიდუმლო გლაზგოს უნივერსიტეტისა და პიზის უნივერსიტეტის მკვლევრებმა სატელიტური რადარის ტექნოლოგიის გამოყენებით აღმოაჩინეს.
"როდესაც გამოსახულებებს ვზრდით, ჩანს, რომ მის ქვეშ არის ის, რაც შეიძლება, ნამდვილ მიწისქვეშა ქალაქად აღიწეროს", - ამბობს ერთ-ერთი მკვლევარი, კორადო მალანგა.
მისი განმარტებით, ეს გიგანტური ქსელი ქვიშის სიღრმეში 2.1 კმ-მდე ეშვება და ის პირამიდებამდე საუკუნეებით ადრე უნდა აეგოთ. მკვლევრები წერენ, რომ ამ ადგილს შესაძლოა, რელიგიური დანიშნულება ჰქონოდა.
- შეიძლება თუ არა, ამ სისტემას ათასობით წლით ადრე ეარსება? და თუ ასეა, ვინ და როგორ ააშენა ის?
უკვე დიდი ხანია, არქეოლოგები "ქვიშის საიდუმლოს" ამოხსნაზე საუბრობენ. მაგრამ სინამდვილე ახლა კიდევ უფრო გასაოცრად გამოიყურება, ვიდრე ჩვენი ყველაზე გაბედული ვარაუდი.
რადარმა პირამიდების ქვეშ ხუთი სტრუქტურა გამოავლინა. ამ სტრუქტურების დანიშნულება უცნობია, მაგრამ მათ ერთმანეთთან გეომეტრიული გასასვლელები აკავშირებთ.
გაცილებით შთამბეჭდავია რვა ვერტიკალური სვეტი, რომელთა სიგრძე თითქმის ხუთჯერ აღემატება ხეფრენის პირამიდის სიმაღლეს.
ქვის ცილინდრები ორ რიგადაა განლაგებული.
თითოეული სვეტის გარშემო კიბის მაგვარი ბილიკიც ადის. შეუძლებელია იმის გააზრება, თუ როგორ შეიძლებოდა, ეს უძველეს დროში შექმნილიყო.
103 წლის წინ, ფარაონ ტუტანხამონის საფლავის აღმოჩენის შემდეგ, სპეკულაციებმა ძველ ეგვიპტეზე პიკს მიაღწია. 1990-იან წლებში, არქეოლოგმა რობერტ ბოვალმა განაცხადა, რომ დიდი პირამიდების ასტროლოგიური მნიშვნელობა გაშიფრა.
- პროფესორმა ჩანდრა ვიქრამასინგემ გამოთქვა ვარაუდი, რომ პირამიდები ასტეროიდების ცვენისგან დამცავი თავშესაფრები იყო. მან იშვიათ ძვირფას ქვებზე მიუთითა, რომლებიც ჩრდილოეთ აფრიკის უდაბნოებში იყო გაბნეული - ქანის ფრაგმენტები შეიძლება, ასტეროიდის დაჯახების ნარჩენები ყოფილიყო.
მისი მსჯელობით, თუ ადრეული ეგვიპტური ცივილიზაცია მეტეორების წვიმამ გაანადგურა, დამაჯერებელია, რომ ფარაონებმა წინასწარი ზომები მიიღეს და თავშესაფრები აიშენეს.
შეიძლება თუ არა, მიწისქვეშა ქალაქი ფარაონებისთვის თავშესაფარი ყოფილიყო, რომ არმაგედონს გადარჩენოდნენ?
მეცნიერები არაფერს გამორიცხავენ, თუმცა ამის შესწავლას და საბოლოო პასუხის მიღებას წლები დასჭირდება.
აღსანიშნავია, რომ მეცნიერთა ნაწილი სკეპტიკურად უყურებს ამ კვლევას და გადაჭარბებულად მიაჩნიათ ის, რაზეც კორადო მელანგა საუბრობს, მით უფრო იმის გათვალისწინებით, რომ კვლევის ერთ-ერთი ავტორი, მელანგა გამოირჩევა შეთქმულების თეორიების სიყვარულით. ეგვიპტოლოგებს აღმოჩენასთან დაკავშირებით არაერთი კითხვა აქვთ და ეს ის თემაა, რაზეც დიდი ხანი იმსჯელებენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
