მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ინციდენტი გულშემატკივრებს შორის, სტადიონზე შეჭრილი მაყურებელი და მატჩის ემოციური დასასრული - საქართველომ სომხეთი 6:1 დაამარცხა (ფოტო/ვიდეო)
19:59 / 23-03-2025
„დინამო არენაზე“ "ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა და B დივიზიონში ადგილი შეინარჩუნა.
დღევანდელ მატჩში გოლების ავტორები არიან: 1:0 აროიანი (საკუთარ კარში, მეოთხე წუთზე), 2:0 მიქაუტაძე (14-ე წუთზე), 3:0 ჩაკვეტაძე (23-ე წუთზე), 4:0 კიტეიშვილი (27-ე წუთზე), 5:0 მიქაუტაძე (35-ე წუთზე). 5:1 სევიკიანი (48-ე წუთზე). 6:1 კვარაცხელია (63 წუთზე).
მატჩი დინამოს სტადიონზე 18:00 საათზე დაიწყო.
თამაშის დაწყებიდან მეოთხე წუთზე, პირველი ავტოგოლი სომხების კარში აროიანს ჩაეთვალა. მალევე, 14-ე წუთზე, მორე გოლი შეაგდო გიორგი მიქაუტაძემ. მესამე გოლი კი 23-ე წუთზე გიორგი ჩაკვეტაძემ დაამატა. მოგვიანებით თითო - თითო გოლი კიდევ გაიტანეს კიტეიშვილმა და მიქაუტაძემ - საბოლოო ჯამში პირველ ტაიმში საქართველოს ეროვნული ნაკრები სომხეთს 5:0 ამარცხებდა.
განმეორებითი მატჩის პირველ ტაიმში საქართველოს ეროვნული ნაკრები სომხეთს ანგარიშით 5:1 ამარცხებდა. შეხვედრის მეორე ტაიმის დასაწყისში სომხეთის ნაკრების ფეხბურთელმა, სევიკიანმა ანგარიშში სხვაობის შემცირება შეძლო.
თუმცა, ხვიჩა კვარაცხელიამ 62-ე წუთზე მეექვსე გოლი გაიტანა და სხვაობა კიდევ უფრო გაზარდა.
საბოლოოდ შეხვედრა საქართველოს გამარჯვებით, 6:1 დასრულდა.
9:1 ორი მატჩის ჯამში - საქართველოს ნაკრებმა სომხეთს ისევ დამაჯერებლად მოუგო და B დივიზიონში ადგილი შეინარჩუნა
შეხვედრის დასასრულს უსიამოვნო ინციდენტს ჰქონდა ადგილი.
გულშემატკივრებს შორის დაპირისპირება მოხდა. ისინი უსაფრთხოების სამსახურმა და პოლიციამ გაარიდა ერთმანეთს.
მატჩს საქართველოს პრემიერ ირაკლი კობახიძესთან და მიხეილ ყაველაშვილთან ერთად, ესწრებოდა სომხეთის პრემიერ-მინისტრი ნიკოლ პაშინიანი.
შეგახსენებთ, პირველ მატჩში საქართველოს ნაკრებმა სომხეთი ერევანში 0:3 დაამარცხა.
ამრიგად, საქართველოს საფეხბურთო ნაკრებმა სომხეთთან ორმატჩიანი "პლეი ოფის" მოგების შემდეგ უეფა-ს "ერთა ლიგის" B დივიზიონში ადგილი შეინარჩუნა. ივნისში ამხანაგური მატჩები შედგება, სექტემბრიდან კი საქართველოს გუნდი მსოფლიო ჩემპიონატის შესარჩევ ეტაპზე ჩაერთვება.
ფოტო/ვიდეო: ვანო გორგიშვილი
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
