მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უეცარი წყალდიდობები, 2 მილიარდი ადამიანის საკვებისა და წყლის გარეშე დარჩენა... - რა შეიძლება მოჰყვეს მყივარების სწრაფ დნობას
16:56 / 21-03-2025
გაეროს ცნობით, მყინვარების დნობა მთელ მსოფლიოში 2 მილიარდი ადამიანისთვის საკვებისა და წყლის მომარაგებას უქმნის საფრთხეს, რადგან დნობის ამჟამინდელ "უპრეცედენტო" ტემპს არაპროგნოზირებადი შედეგები ექნება.
- იუნესკოს ანგარიშის თანახმად, მყინვარების დნობა და მთიან რეგიონებში თოვლის შემცირება, რასაც კლიმატის კრიზისი იწვევს, სავარაუდოდ, მსოფლიოში ირიგაციული სოფლის მეურნეობის ორ მესამედზე მოახდენს გავლენას.
მთიან რეგიონებში 1 მილიარდზე მეტი ადამიანი ცხოვრობს და განვითარებად ქვეყნებში მცხოვრებთა ნახევარი უკვე განიცდის საკვების ნაკლებობას. ეს მდგომარეობა, სავარაუდოდ, გაუარესდება, რადგან ასეთ რეგიონებში საკვების წარმოება მთის წყლებზე, დნობად თოვლსა და მყინვარებზეა დამოკიდებული.
განვითარებული ქვეყნებიც რისკის ქვეშ არიან: მაგალითად, აშშ-ში კოლორადოს მდინარის აუზი 2000 წლიდან გვალვის პირობებშია, მომატებული ტემპერატურის გამო კი ნალექის დიდი ნაწილი წვიმის სახით მოდის, რომელიც უფრო სწრაფად ჩამოედინება, ვიდრე მთის თოვლი, რაც გვალვის პირობებს ამძიმებს.
იუნესკოს გენერალურმა დირექტორმა, ოდრი აზულემ განაცხადა: "იმის მიუხედავად, თუ სად ვცხოვრობთ, მთებსა და მყინვარებზე ყველანი რაღაც ფორმით ვართ დამოკიდებულები. მაგრამ ეს ბუნებრივი წყლის კოშკები საფრთხის წინაშე დგანან. ეს ანგარიში მოქმედების გადაუდებელ საჭიროებას აჩვენებს."
მსოფლიო მეტეოროლოგიური ორგანიზაციის სხვა კვლევის, “კლიმატის მდგომარეობის” ყოველწლიური ანგარიშის თანახმად, მყინვარების ცვლილების ტემპი საგანგაშოა. კვლევამ აჩვენა, რომ მყინვარის მასის უდიდესი ნაწილის დაკარგვა სწორედ ბოლო სამი წლის განმავლობაში მოხდა, ყველაზე მეტად დაზარალებული რეგიონები კი ნორვეგია, შვედეთი, სვალბარდი და ტროპიკული ანდები აღმოჩნდნენ.
იუნესკოს წყლის მეცნიერებების დირექტორმა, აბუ ამანიმ დაამატა, რომ მყინვარების შემცირებას დამატებითი გავლენა აქვს კიდევ იმის გამო, რომ ყინულის დაკარგვა ამრეკლ ზედაპირს მუქი ნიადაგით ანაცვლებს, რომელიც სითბოს შთანთქავს.
- "მყინვარების დნობას გავლენა აქვს მზის რადიაციის არეკვლაზე და ეს გავლენას მოახდენს მთელ კლიმატურ სისტემაზე," - ხაზი გაუსვა მან.
ასევე გაიზრდება ზვავები, რადგან თოვლზე მოსული წვიმა ზვავის წარმოქმნის მთავარი ფაქტორია. დნობადი მყინვარებიდან დაგროვებული წყალი შეიძლება გამოთავისუფლდეს, რაც გამოიწვევს უეცარ წყალდიდობებს ხეობებში ან ფერდობებზე უფრო ქვემოთ მცხოვრები ადამიანებისთვის.
წინა კვლევამ, რომელიც გასულ თვეს გამოქვეყნდა ჟურნალში Nature, აჩვენა, რომ თუ გლობალურ დათბობას არ შეაჩერებენ, საუკუნის ბოლომდე გლობალური მყინვარის მასის ნახევარი დაიკარგება.
საერთაშორისო სოფლის მეურნეობის განვითარების ფონდის (IFAD) პრეზიდენტმა და UN-Water-ის თავმჯდომარემ, ალვარო ლარიომ აღნიშნა, რომ იმ ადამიანებისთვის, რომლებიც დაზარალებულ მთიან რეგიონებში ცხოვრობენ, მეტი მხარდაჭერაა საჭირო.
"მთები ჩვენი მტკნარი წყლის 60%-ს გვაწვდის, მაგრამ თემები, რომლებიც ამ სასიცოცხლო რესურსებს იცავენ, საკვების ნაკლებობას ყველაზე მეტად განიცდიან," - განაცხადა მან.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
