მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლევან ვარშალომიძე, რომელიც ყაზახეთში დააკავეს, გათავისუფლებულია - "მან ყაზახეთი უკვე დატოვა"
15:09 / 20-03-2025
აჭარის მთავრობის ყოფილმა თავმჯდომარემ, "ნაციონალური მოძრაობის" წევრმა, ლევან ვარშალომიძემ ყაზახეთში იზოლატორი გუშინ, 19 მარტს დატოვა. ამის შესახებ ინფორმაციას "ნაციონალურ მოძრაობაში“ ადასტურებენ.
როგორც ცნობილი ხდება, ის ყაზახეთში ყაზახური მხარის მიწვევით იმყოფებოდა, - ამის შესახებ "ერთიანი ნაციონალური მოძრაობის“ აჭარის ორგანიზაციის ლიდერმა ელგუჯა ბაგრატიონმა ბრიფინგზე განაცხადა. მისი ინფორმაციით, ლევან ვარშალომიძის ყაზახეთში შეყოვნება რუსეთის მხრიდან პოლიტიკურ დევნას უკავშირებს.
ელგუჯა ბაგრატიონის თქმით, ლევან ვარშალომიძემ ყაზახეთი დღეს დილით დატოვა და ამსტერდამში იმყოფება.
"მაღალი საზოგადოებრივი ინტერესებიდან გამომდინარე, მინდა განვმარტო ლევან ვარშალომიძის ყაზახეთში 18-19 მარტის ვიზიტთან დაკავშირებით, იმ გაუგებრობასთან დაკავშირებით, რაც მის მიმართ განხორციელდა. ლევან ვარშალომიძე ყაზახეთში ყაზახეთის მხარის მიწვევით იმყოფებოდა, ბათუმის სასწაულის შექმნასთან დაკავშირებით, ქალაქ ატირაუს განვითარებაში დახმარება და კონსულტაციები რომ გაეწია. ამიტომ ის 18 მარტს ქალაქ ატირაუში ჩაფრინდა, 14:20 წუთზე, სადაც მესაზღვრეების მიერ იქნა გაჩერებული. მას განუმარტეს, რომ საერთაშორისო ძებნაში იმყოფებოდა, რუსეთის მიერ. გადაიყვანეს ქალაქ ატირაუს პოლიციის განყოფილებაში, სადაც მთელი ღამის განმავლობაში მიმდინარეობდა გასაუბრება, გამოკითხვა. ერთადერთი საფუძველი მისი შეჩერებისა იყო, რუსეთის მიერ საერთაშორისო ძებნაში გამოცხადება“, - განაცხადა ბაგრატიონმა.
მისივე თქმით, 19 მარტს უკვე ყაზახეთის მხრიდან იქნა გარკვეული, რომ დაკავების არანაირი არგუმენტები არ არსებობდა.
"იგი დაუყოვნებლივ გათავისუფლდა განყოფილებიდან. დღეს დილით ლევან ვარშალომიძემ ყაზახეთი დატოვა. იგი ამსტერდამში იმყოფება. მადლობას ვუხდით ყველა იმ ადამიანს, ვინც ჩართული იყო, ვინც სოლიდარობა გამოუცხადა ლევან ვარშალომიძეს”,- აცხადებს ელგუჯა ბაგრატიონი.
ინფორმაციისთვის, ყაზახეთში ლევან ვარშალომიძის დაკავების თაობაზე ინფორმაცია 18 მარტს გავრცელდა. "ნაციონალური მოძრაობის“ ცნობით, ის მაშინ დააკავეს, როდესაც აეროპორტით საზღვარს კვეთდა.
როგორც პარტიაში აცხადებდნენ, წინასწარი ინფორმაციით, საქმე ეხება რუსეთის ფედერაციიდან გაგზავნილ ინფორმაციას სისხლის სამართლის საქმესთან დაკავშირებით, რომელიც უკრაინის ხელისუფლებასთან ლევან ვარშალომიძის პოლიტიკურ საკონსულტაციო საქმიანობას უკავშირდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
