საფ­რან­გე­თის პრე­ზი­დენ­ტი ემა­ნუ­ელ მაკ­რო­ნი რამ­დე­ნი­მე დღის წინ კი­დევ ერთხელ გა­მო­ვი­და წი­ნა­და­დე­ბით, ევ­რო­პის ბირ­თვუ­ლი ფა­რის შე­საქ­მნე­ლად ფრან­გუ­ლი ბირ­თვუ­ლი არ­სე­ნა­ლი იქ­ნას გა­მო­ყე­ნე­ბუ­ლი. მაკ­რონ­მა გა­ნა­ცხა­და, რომ რუ­სე­თი საფრ­თხე გახ­და საფ­რან­გე­თის­თვი­სა და ევ­რო­პის­თვის, ამი­ტომ მო­ლა­პა­რა­კე­ბებს და­ი­წყებს, რათა საფ­რან­გე­თის ბირ­თვუ­ლი შე­საძ­ლებ­ლო­ბე­ბი ევ­რო­პე­ლი მო­კავ­ში­რე­ე­ბის და­სა­ცა­ვად გა­მო­ი­ყე­ნონ.

"ჩვე­ნი ბირ­თვუ­ლი შე­კა­ვე­ბა ჩვენ გვი­ცავს. მე გა­დავ­წყვი­ტე, სტრა­ტე­გი­უ­ლი დე­ბა­ტე­ბი და­ვი­წყო ჩვე­ნი შე­კა­ვე­ბის სა­შუ­ა­ლე­ბით ევ­რო­პის კონ­ტი­ნენტზე ჩვე­ნი მო­კავ­ში­რე­ე­ბის დაც­ვას­თან და­კავ­ში­რე­ბით", - თქვა მაკ­რონ­მა სა­ტე­ლე­ვი­ზიო მი­მარ­თვი­სას. მან ასე­ვე აღ­ნიშ­ნა, რომ "ევ­რო­პის მო­მა­ვა­ლი ვერ გა­და­წყდე­ბა ვერც რუ­სეთ­ში და ვერც ვა­შინგტონ­ში".

მა­ნამ­დე, 25 თე­ბერ­ვალს, ბრი­ტა­ნუ­ლი გა­მო­ცე­მა Telegraph წერ­და, რომ საფ­რან­გე­თი მზა­დაა, ევ­რო­პის დაც­ვის მიზ­ნით სა­კუ­თა­რი ბირ­თვუ­ლი შე­ი­ა­რა­ღე­ბა შე­მა­კა­ვე­ბელ ზო­მად გა­მო­ი­ყე­ნოს.

გა­მო­ცე­მის ცნო­ბით, ვი­ნა­ი­დან აშშ იმუქ­რე­ბა, რომ შე­საძ­ლოა, ევ­რო­პის კონ­ტი­ნენ­ტი­დან სა­კუ­თა­რი თავ­დაც­ვის ძა­ლე­ბი გა­იყ­ვა­ნოს, საფ­რან­გე­თი მზა­დაა, გერ­მა­ნი­ა­ში ბირ­თვუ­ლი ია­რა­ღით დატ­ვირ­თუ­ლი ავი­ა­გა­მა­ნად­გუ­რებ­ლე­ბი გა­ნა­ლა­გოს.

გერ­მა­ნი­ის ვა­დამ­დელ ფე­დე­რა­ლურ არ­ჩევ­ნებ­ში ახ­ლად გა­მარ­ჯვე­ბუ­ლი ქრის­ტი­ან-დე­მოკ­რა­ტე­ბის ლი­დერ­მა, ფრიდ­რიხ მერცმა, რო­მე­ლიც გერ­მა­ნი­ის შემ­დე­გი კან­ცლე­რი იქ­ნე­ბა, ბრი­ტა­ნეთ­სა და საფ­რან­გეთს ბირ­თვუ­ლი თავ­დაც­ვის გა­ფარ­თო­ე­ბის­კენ მო­უ­წო­და, ვი­ნა­ი­დან მას სურს, ევ­რო­პა აშშ-ს პრე­ზი­დენტ დო­ნალდ ტრამ­პის ამე­რი­კის­გან და­მო­უ­კი­დე­ბე­ლი იყოს.

მერცმა 21 თე­ბერ­ვალს გა­ნა­ცხა­და, რომ პა­რიზ­მა და ლონ­დონ­მა უნდა გა­ნი­ხი­ლონ, "გავ­რცელ­დე­ბა თუ არა ბირ­თვუ­ლი თავ­დაც­ვა ჩვენ­ზეც, ჩვენ ბირ­თვუ­ლი შე­კა­ვე­ბის თვალ­საზ­რი­სით ერ­თად უნდა გავძლი­ერ­დეთ” და და­ა­მა­ტა, რომ ტრამ­პის ამე­რი­კა უკვე "ინ­დი­ფე­რენ­ტუ­ლია ევ­რო­პის ბე­დის მი­მართ". მი­სი­ვე თქმით, უნდა შე­ნარ­ჩუნ­დეს "ასე­ვე ამე­რი­კუ­ლი ბირ­თვუ­ლი ფარი“.

• ცნო­ბის­თვის:

გერ­მა­ნია, მე­ო­რე მსოფ­ლიო ომის წარ­სუ­ლი­დან გა­მომ­დი­ნა­რე, რიგი სა­ერ­თა­შო­რი­სო ხელ­შეკ­რუ­ლე­ბით, არა­ბირ­თვულ თავ­დაც­ვა­ზეა მიბ­მუ­ლი, შე­სა­ბა­მი­სად, ბირ­თვულ ია­რაღს არ აწარ­მო­ებს, თუმ­ცა ნატო-სთან თა­ნამ­შრომ­ლო­ბის ფარ­გლებ­ში მის ტე­რი­ტო­რი­ა­ზე ამე­რი­კის ბირ­თვუ­ლი ქო­ბი­ნე­ბია გან­თავ­სე­ბუ­ლი.

გავ­რცე­ლე­ბუ­ლი ცნო­ბე­ბით, საფ­რან­გე­თის არ­სე­ნა­ლი და­ახ­ლო­ე­ბით 300 ბირ­თვულ ია­რაღს მო­ი­ცავს, ხოლო ბრი­ტა­ნე­თის Trident ბირ­თვუ­ლი შე­მა­კა­ვე­ბე­ლი ძა­ლე­ბი Vanguard-ის ტი­პის 4 წყალ­ქვე­შა ნავს, რო­მელ­საც ერ­თდრო­უ­ლად 16 ბირ­თვუ­ლი ქო­ბი­ნის გა­და­ტა­ნა შე­უძ­ლია.

შე­გახ­სე­ნებთ, ამ ცოტა ხნის წინ, ბრი­უ­სელ­ში გა­მარ­თულ სა­მიტ­ზე, ევ­რო­კავ­ში­რის ლი­დე­რებ­მა მხა­რი და­უ­ჭი­რეს თავ­დაც­ვა­ზე მეტი ხარ­ჯე­ბის (800 მი­ლი­არ­დი ევრო) გა­წე­ვის გეგ­მას.

• ბირ­თვუ­ლი სა­ხელ­მწი­ფო­ე­ბი

ბირ­თვულ ია­რაღს ფლობს ცხრა ქვე­ყა­ნა: შე­ერ­თე­ბუ­ლი შტა­ტე­ბი, რუ­სე­თი, ბრი­ტა­ნე­თი, საფ­რან­გე­თი, ჩი­ნე­თი, ინ­დო­ე­თი, პა­კის­ტა­ნი, ის­რა­ე­ლი და ჩრდი­ლო­ეთ კო­რეა.

რუ­სე­თი, რო­მელ­მაც საბ­ჭო­თა კავ­ში­რის ბირ­თვუ­ლი ია­რა­ღი გა­და­ი­ბა­რა, ბირ­თვუ­ლი სა­ო­მა­რი ქო­ბი­ნე­ბის ყვე­ლა­ზე დიდ მა­რაგს გა­ნა­გებს. 2022 წლის მო­ნა­ცე­მე­ბით, რუ­სე­თი 5 977 ქო­ბინს აკონ­ტრო­ლებს, აშშ კი - 5,428 ქო­ბინს. Bulletin of the Atomic Scientists -ის მო­ნა­ცე­მე­ბით, რუ­სე­თის ქო­ბი­ნე­ბი­დან 1500-ს ექ­სპლუ­ა­ტა­ცი­ის ვადა უკვე გა­უ­ვი­და (თუმ­ცა, ისი­ნი ალ­ბათ ისევ წეს­რიგ­შია), 2 889 - რე­ზერვშია. 812 ქო­ბი­ნი გან­თავ­სე­ბუ­ლია სახ­მე­ლე­თო ბა­ლის­ტი­კურ რა­კე­ტებ­ზე, და­ახ­ლო­ე­ბით 576 - წყალ­ქვე­შა­ზე ნა­ვებ­ზე და და­ახ­ლო­ე­ბით 200 - ბომბდამ­შე­ნებ­ზე.

აშშ-ს 1 644 ქო­ბი­ნი აქვს გა­და­ნა­წი­ლე­ბუ­ლი. ჩი­ნე­თი სულ 350 ქო­ბინს ფლობს, საფ­რან­გე­თი 290-ს, ხოლო გა­ერ­თი­ა­ნე­ბუ­ლი სა­მე­ფო - 225-ს.

ამ სა­კი­თხებ­ზე ambebi.ge-ს სამ­ხედ­რო ანა­ლი­ტი­კო­სი გიორ­გი თავ­დგი­რი­ძე ესა­უბ­რა:

- ბირ­თვუ­ლი ფარი ცალ­კე აღე­ბუ­ლი არ არ­სე­ბობს, შედ­გე­ბა ორი კომ­პო­ნენ­ტის­გან: თა­ვად ია­რა­ღი­სა და ან­ტი­სა­რა­კე­ტო სის­ტე­მე­ბის­გან. ევ­რო­პის ის ქვეყ­ნე­ბი, რომ­ლე­ბიც გა­ერ­თი­ან­დე­ბა იმ ახალ უსაფრ­თხო­ე­ბის სის­ტე­მა­ში (ალი­ან­სი იქ­ნე­ბა, თუ სხვა ახა­ლი სამ­ხედ­რო გა­ერ­თი­ა­ნე­ბა), ბირ­თვუ­ლი ია­რაღს ექ­ნე­ბა თა­ვი­სი გან­თავ­სე­ბის ად­გი­ლი ისე, რომ ყვე­ლა ქვე­ყა­ნა იყოს ამ ბირ­თვუ­ლი ია­რა­ღის ფლო­ბის თა­ნა­მო­ნა­წი­ლე - ბირ­თვუ­ლი ია­რა­ღი სხვებს არ აქვთ, მისი მე­სა­კუთ­რეა საფ­რან­გე­თი და ამ გა­ერ­თი­ა­ნე­ბის შემ­თხვე­ვა­ში, მისი ია­რა­ღის კო­ლექ­ტი­უ­რი მფლო­ბე­ლი იქ­ნე­ბა ყვე­ლა ის სა­ხელ­მწი­ფო, რო­მე­ლიც ამ ევ­რო­პულ ალი­ან­სში მო­ი­აზ­რებს თავს. პლუს ამას, ან­ტი­სა­რა­კე­ტო სის­ტე­მა ან ცალ­კე­უ­ლი სის­ტე­მე­ბის ერ­თობ­ლი­ო­ბა, რომ­ლის ფორ­მი­რე­ბა ხე­ლახ­ლა მოხ­დე­ბა, რაკი სამ­ხედ­რო დოქ­ტრი­ნე­ბის ცვლი­ლე­ბა მოხ­დე­ბა. მა­გა­ლი­თად, გერ­მა­ნია თვი­თონ კი არ და­ი­წყებს ბირ­თვუ­ლი ია­რა­ღის წარ­მო­ე­ბას, არა­მედ მას ექ­ნე­ბა სამ­ხედ­რო გა­და­წყვე­ტი­ლე­ბა­ში მო­ნა­წი­ლე­ო­ბის უფ­ლე­ბა და შე­ეძ­ლე­ბა იმის ინი­ცი­ი­რე­ბაც, რომ გა­მო­ყე­ნე­ბულ იქ­ნას ბირ­თვუ­ლი ია­რა­ღი. ასე­თი სის­ტე­მა ჯერ არ არ­სე­ბობს ბუ­ნე­ბა­ში, ბირ­თვუ­ლი ია­რა­ღის კო­ლექ­ტი­უ­რი ფლო­ბა სი­ახ­ლეა სამ­ხედ­რო საქ­მე­ში. ბირ­თვულ ფარ­ში შე­იძ­ლე­ბა მო­ვი­აზ­როთ ასე­ვე მო­წი­ნა­აღ­მდე­გის მხრი­დან ბირ­თვუ­ლი ია­რა­ღის გაშ­ვე­ბის ად­რე­უ­ლი აღ­მო­ჩე­ნის სა­შუ­ა­ლე­ბე­ბი, ფი­ზი­კუ­რი და ტექ­ნი­კუ­რი დაზ­ვერ­ვის სა­შუ­ა­ლე­ბე­ბი... ეს მთე­ლი კომ­პლექ­სია.

- ამას და­ახ­ლო­ე­ბით რა დრო დას­ჭირ­დე­ბა?

- ამას სჭირ­დე­ბა მხო­ლოდ ფი­ნან­სე­ბი და სტრუქ­ტუ­რუ­ლი ცვლი­ლე­ბე­ბი, იმი­ტომ, რომ ბირ­თვუ­ლი ია­რა­ღი თუ აქვს ერთ სა­ხელ­მწი­ფოს, ე.ი. არ­სე­ბობს გა­მოც­დი­ლე­ბა. ბირ­თვუ­ლი ია­რა­ღი უკვე არ­სე­ბობს ამ სივ­რცე­ში, ახლა ლა­პა­რა­კია იმა­ზე, რომ გა­მო­ყე­ნე­ბის ალ­გო­რით­მი შე­იც­ვლე­ბა, ამას კი სჭირ­დე­ბა პო­ლი­ტი­კუ­რი ნება. პრო­ცესს თუ შევ­ხე­დავთ, ისი­ნი დე­მოკ­რა­ტი­უ­ლი ქვეყ­ნე­ბია და სპონ­ტა­ნუ­რი გა­და­წყვე­ტი­ლე­ბა არ იქ­ნე­ბა მი­ღე­ბუ­ლი. ისიც შე­იძ­ლე­ბა, კი­დევ ცალ­კე შე­იქ­მნას ბირ­თვუ­ლი კო­ა­ლი­ცია და ცალ­კე - სახ­მე­ლე­თო, შე­იძ­ლე­ბა ერ­თში იყოს უკ­რა­ი­ნა და პო­ლო­ნე­თი, მე­ო­რე­ში შე­იძ­ლე­ბა არ იყოს და ა.შ... ბირ­თვუ­ლი ფა­რის მთა­ვა­რი ხიბ­ლი და ღი­რე­ბუ­ლე­ბა არის ე.წ. ბირ­თვუ­ლი პა­რა­დოქ­სი - მისი შე­დე­გი ის არის, რომ ბირ­თვუ­ლი ია­რა­ღის ფლო­ბა თვი­თონ იქცა ომე­ბის შე­მა­კა­ვე­ბელ ფაქ­ტო­რად. ფარი - ტერ­მი­ნი იმი­ტომ გა­მო­ი­ყე­ნე­ბა, რომ ატო­მუ­რი ია­რა­ღი თა­ვი­სი არ­სე­ბო­ბით დამ­ცა­ვი მე­ქა­ნიზ­მია, თო­რემ ბირ­თვუ­ლი ომი თუ გა­ჩაღ­და და თუ არ იქ­ნე­ბა ეს დრო­უ­ლად შე­ზღუ­დუ­ლი, ამას გა­მარ­ჯვე­ბუ­ლი ვერ ეყო­ლე­ბა.

ამე­რი­კუ­ლი ბირ­თვუ­ლი ფარი ამე­რი­კის ძლი­ე­რე­ბა­ზე დგას. მე-5 პუნ­ქტი იმას ნიშ­ნავს, რომ ნე­ბის­მი­ერ სა­ხელ­მწი­ფო­ზე გან­ხორ­ცი­ე­ლე­ბუ­ლი რა­ი­მე ტი­პის სამ­ხედ­რო თავ­დას­ხმა იწ­ვევს ამე­რი­კის ჩარ­თვა­საც, შე­სა­ბა­მი­სად, პრო­პორ­ცი­უ­ლი პა­სუ­ხი ნიშ­ნავს ვინ­მეს თავ­ში აზ­რად არ მო­უ­ვი­დეს ბირ­თვუ­ლი ია­რა­ღის გა­მო­ყე­ნე­ბა, თო­რემ ამე­რი­კი­და­ნაც იქ­ნე­ბა პრო­პორ­ცი­უ­ლი პა­სუ­ხი - ბირ­თვუ­ლი ია­რა­ღის გა­მო­ყე­ნე­ბა, შე­სა­ბა­მი­სად, ეს ფაქ­ტო­რი ასე­ვე პრე­ვენ­ცი­ის და შე­კა­ვე­ბის ელე­მენ­ტის მა­ტა­რე­ბე­ლია, ასე მუ­შა­ობს ეს სის­ტე­მა.

- ისიც ით­ქვა, რომ ევ­რო­პის სხვა ქვეყ­ნებ­მაც შე­იძ­ლე­ბა და­ი­წყონ ბირ­თვუ­ლი ია­რა­ღის შექ­მნა­ზე მუ­შა­ო­ბა...

- ევ­რო­პულ პო­ლი­ტი­კა­ში საკ­მა­ოდ ძლი­ე­რი იყო მწვა­ნე­ე­ბის და ეკო­ლო­გე­ბის მო­ზღვა­ვე­ბა რა­ღაც მე­მარ­ცხე­ნე გა­დახ­რე­ბით და თა­ვი­სი უც­ნა­უ­რი აზ­როვ­ნე­ბის სტი­ლით. მერე რა­ტომ­ღაც ყვე­ლა­ზე სუფ­თა ენერ­გო­წყა­რო - ატო­მუ­რი ელექტრო­სად­გუ­რე­ბი გა­ა­ჩე­რეს. რე­ა­ლო­ბა­ში, ეს ყვე­ლა­ზე პერ­სპექ­ტი­უ­ლი მი­მარ­თუ­ლე­ბაა იმი­ტომ, რომ რაც უნდა მდი­ნა­რე­ე­ბი გა­დავ­კე­ტოთ და ქვა­ნახ­ში­რი დავ­წვათ თბო­ე­ლექტრო­სად­გუ­რებ­ში, იმის მე­ა­თასედ ეფექ­ტუ­რო­ბას ვერ მი­ვაღ­წევთ, ვიდ­რე ბირ­თვულ ელექტრო­სად­გუ­რებს აქვთ. შე­სა­ბა­მი­სად, როცა ამ მი­მარ­თუ­ლე­ბით მუ­შა­ობ, ეს არის ორი პა­რა­ლე­ლუ­რად მიმ­დი­ნა­რე პრო­ცე­სი - თუ გაქვს სა­კუ­თა­რი ბირ­თვუ­ლი ენერ­გე­ტი­კა, შე­სა­ბა­მი­სად, გა­გაჩ­ნია პო­ტენ­ცი­ა­ლი იმუ­შაო ბირ­თვულ ია­რაღ­ზე, პა­რა­ლე­ლუ­რად გაქვს იაფი ელექტრო­ე­ნერ­გი­ის ფლო­ბის პო­ტენ­ცი­ა­ლი. არ არის გა­მო­რი­ცხუ­ლი, ევ­რო­პის სხვა ქვეყ­ნებ­მაც და­ი­წყონ ბირ­თვულ ია­რაღ­ზე მუ­შა­ო­ბა იმი­ტომ, რომ კა­ცობ­რი­ო­ბამ უნდა და­ას­რუ­ლოს უც­ნა­უ­რი ადა­მი­ა­ნე­ბის პო­ლი­ტი­კა­ში მო­ზღვა­ვე­ბა და უფრო პრაგ­მა­ტულ ადა­მი­ა­ნებ­ზე დად­გეს, რაც ნიშ­ნავს იმას, რომ ბირ­თვუ­ლი ია­რა­ღის ფლო­ბა გან­სა­კუთ­რე­ბით ისეთ სა­ხელ­მწი­ფო­ებ­ში, სა­დაც პო­ლი­ტი­კუ­რი სტა­ბი­ლუ­რო­ბაა და ქვეყ­ნის შიდა პო­ლი­ტი­კას არ ემუქ­რე­ბა ბი­ძი­ნას, პუ­ტი­ნის ან კო­ბა­ხი­ძის მსგავ­სი ადა­მი­ა­ნე­ბის და­წი­ნა­უ­რე­ბა...

- ბრი­ტა­ნეთ­საც აქვს ბირ­თვუ­ლი ია­რა­ღი და მერცმა გა­ნა­ცხა­და, პა­რიზ­მა და ლონ­დონ­მა უნდა გა­ნი­ხი­ლონ, გავ­რცელ­დე­ბა თუ არა ეს თავ­დაც­ვა ჩვენ­ზე­ცო. ბრი­ტა­ნე­თი დიდი ძა­ლაა და მისი ინ­ტე­რე­სე­ბი ყო­ველ­თვის იყო და ალ­ბათ დარ­ჩე­ბა ევ­რო­კავ­ში­რის ქვეყ­ნე­ბის ინ­ტე­რე­სე­ბის თან­ხვედ­რა­ში...

- თა­ვი­ან­თი პო­ტენ­ცი­ა­ლით ცალ­კე აღე­ბუ­ლი საფ­რან­გე­თი, ბრი­ტა­ნე­თი, გერ­მა­ნი­აც არის ტოლ-სწო­რი რუ­სე­თის საფრ­თხის მი­მართ, უბ­რა­ლოდ, ამ სა­ხელ­მწი­ფო­ებს ერთი პრობ­ლე­მა აქვთ, რომ ისი­ნი არი­ან კომ­ფორ­ტის ზო­ნა­ში მყოფ­ნი - მათ მი­აღ­წი­ეს თა­ვი­სი მო­სახ­ლე­ო­ბის­თვის საკ­მა­ოდ კომ­ფორ­ტუ­ლი ცხოვ­რე­ბის პი­რო­ბებს და რა თქმა უნდა, ამ სა­ხელ­მწი­ფო­ებს უჭირთ კვლავ იმ რე­ა­ლო­ბა­ში დაბ­რუნ­დნენ, როცა უსაფრ­თხო­ე­ბა­ზე და თავ­დაც­ვა­ზე იხარ­ჯე­ბო­და დიდი თან­ხა. ისი­ნი ით­ვლე­ბოდ­ნენ მა­ღა­ლი სამ­ხედ­რო პო­ტენ­ცი­ა­ლის ქვეყ­ნე­ბად და ცალ­კე აღე­ბუ­ლი, ასე­ვე იყ­ვნენ სამ­ხედ­რო სიმ­ძი­მის ცენ­ტრე­ბი. ამა­შია საქ­მე, თო­რემ ბირ­თვუ­ლი ია­რა­ღი, რო­გორც ასე­თი, ერთი გექ­ნე­ბა თუ ათი, არ აქვს მნიშ­ვნე­ლო­ბა, მთა­ვა­რი ისაა, რომ ათი ბირ­თვუ­ლი ქო­ბი­ნი თუ გაქვს, არ ნიშ­ნავს, რომ ის ათას ქვე­მეხს ჩა­ა­ნაც­ვლებს. აქე­დან გა­მომ­დი­ნა­რე, ბრი­ტა­ნე­თი, რა თქმა უნდა, მნიშ­ვნე­ლო­ვა­ნი პო­ტენ­ცი­უ­რი ძა­ლაა ევ­რო­პუ­ლი უსაფრ­თხო­ე­ბის­თვის, მაგ­რამ არა იმი­ტომ, რომ ბირ­თვუ­ლი ია­რა­ღი აქვს და კარ­გად გაწ­ვრთნი­ლი ჯარი ჰყავს, ეს არის სა­ხელ­მწი­ფო, რომ­ლის პო­ლი­ტი­კა არ შე­მო­ი­ფარ­გლე­ბა ევ­რო­პის კონ­ტი­ნენ­ტით... ის მსოფ­ლიო პო­ლი­ტი­კა­ში აქ­ტი­უ­რა­დაა ჩარ­თუ­ლი და მუდ­მი­ვად ფლობს სი­ტუ­ა­ცი­ას მსოფ­ლი­ო­ში.

ბირ­თვუ­ლი ია­რა­ღი იმ­დე­ნად პრობ­ლე­მა არ არის, რამ­დე­ნა­დაც დოქ­ტრი­ნის შე­მუ­შა­ვე­ბა და დეკ­ლა­რი­რე­ბა იმი­სა, რომ ეს სა­ხელ­მწი­ფო­ე­ბი ქმნი­ან ერ­თი­ან ფარს, ისი­ნი კო­ლექ­ტი­უ­რად მი­ი­ღე­ბენ გა­და­წყვე­ტი­ლე­ბას ბირ­თვუ­ლი ია­რა­ღის გა­მო­ყე­ნე­ბის შე­სა­ხებ და ეს ვრცელ­დე­ბა ყვე­ლა მო­ნა­წი­ლე სა­ხელ­მწი­ფო­ზე. მაგ. თუ ლიხ­ტენშტე­ი­ნი, მო­ნა­კო ან სხვა ქვე­ყა­ნა, რო­მელ­საც ჯა­რიც კი არ ჰყავს, ამ სამ­ხედ­რო ბლო­კის მო­ნა­წი­ლე გახ­დე­ბა, ისიც გახ­დე­ბა ბირ­თვუ­ლი სა­ხელ­მწი­ფო. ეს არის ისე­თი თემა, რო­გორც მაგ. თქვენ კომ­ფორ­ტულ სახ­ლში ცხოვ­რობთ და არ გინ­დათ გახ­ვი­დეთ ტყე­ში და მო­ი­ნა­დი­როთ, არ გინ­დათ ამ კომ­ფორ­ტის ზო­ნი­დან გას­ვლა, თო­რემ თქვენ ისე­თი­ვე წარ­მა­ტე­ბუ­ლი მო­ნა­დი­რე აღ­მოჩ­ნდე­ბით, რო­გო­რიც სხვა და­ნარ­ჩე­ნი მით უფრო, თუ თქვენ გაქვთ თოფი, იცით სრო­ლა და ერთ დროს ამ ნა­დი­რო­ბით იყა­ვით და­კა­ვე­ბუ­ლი. უბ­რა­ლოდ, თქვე­ნი პრობ­ლე­მაა ამ კომ­ფორ­ტის ზო­ნი­დან გა­მოხ­ვი­დეთ და თუ გა­მო­დი­ხართ, ჩვე­უ­ლებ­რი­ვი მო­ნა­დი­რე ხართ და მგლის­თვის ისე­თი­ვე სა­ში­ში ხდე­ბით, რო­გორც ის მო­ნა­დი­რე, რო­მე­ლიც დღე და ღამ ტყე­შია. ამა­ზეა ლა­პა­რა­კი, არა იმა­ზე, რომ პო­ტენ­ცი­უ­რად რუ­სე­თი რა­ი­მე ფორ­მით ევ­რო­პის სა­პირ­წო­ნეა.

მთა­ვა­რი გა­და­წყვე­ტი­ლე­ბის მი­ღე­ბის პრო­ცე­სია. ეს ნიშ­ნავს ევ­რო­პის ცოტა ხნით კომ­ფორ­ტის ზო­ნი­დან გას­ვლას და მო­უ­ლოდ­ნე­ლად წარ­მო­შო­ბილ და­მა­ტე­ბით ხარ­ჯებს. რაც მთა­ვა­რია, ეს არის უსაფრ­თხო­ე­ბის ელე­მენ­ტი და რო­გორც კი გან­ცხა­დე­ბა გა­კეთ­და, ეს ფაქ­ტო­რი უკვე იწყებს მუ­შა­ო­ბას, რო­გორც ასე­თი. რაკი გა­ცხად­და, რომ აქეთ მივ­დი­ვართ და ბირ­თვუ­ლი ფარი გვექ­ნე­ბა, მნიშ­ვნე­ლო­ბა არ აქვს, ეს ერთ კვი­რა­ში იქ­ნე­ბა, თუ ერთ წე­ლი­წად­ში, ეს ფაქ­ტო­რი უკვე მუ­შა­ობს და არი­ან სა­ხელ­მწი­ფო­ე­ბი, რომ­ლე­ბიც ბირ­თვუ­ლი ია­რა­ღის არ­სე­ბო­ბას გა­ნავ­რცო­ბენ სხვა ყვე­ლა­ზე, ვინც ამ კავ­ში­რის მო­ნა­წი­ლე­ნი იქ­ნე­ბი­ან.