მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“რამდენჯერმე ძლიერად დავარტყი სახის არეში, დაეცა“ - გორში შვილიშვილმა ბაბუა ცემით მოკლა: ბრალდებულის ჩვენება, სადაც ის დეტალებს აღწერს (ვიდეო)
23:21 / 16-03-2025
11 მარტს ცნობილი გახდა გორში მომხდარი საზარელი ამბავი. პროკურატურის ინფორმაციით, შვილიშვილმა უმწეო მდგომარეობაში მყოფი მოკლა. "კურიერი P.S"-ი მომხდარის დეტალებს ასაჯაროებს.
74 წლის ბაბუის მკვლელობისთვის შვილიშვილი დააკავეს. გამოძიების ინფორმაციით, 74 წლის ტარიელ ქუტიშვილი 28 წლის ნიკა საათაშვილმა - საკუთარმა შვილიშვილმა ცემით მოკლა. "კურიერი P.S"-მა იმ ბინიდან, სადაც მოხუცის სიცოცხლე დასრულდა, შემზარავი კადრები მოიპოვა. ფოტოებში გარდაცვლილის სხეულზე მრავლობითი დაზიანება ჩანს, მის საძინებელ ოთახში კი, ჭერზე და იატაკზე, დიდი ოდენობით სისხლი.
ირკვევა, რომ 74 წლის მოხუცს, რომელიც სახლში მარტო იყო, ეღვიძა. ნასვამი შვილიშვილი ბინაში დაბრუნდა. გამოძიების ინფორმაციით, მოხუცმა, რომელსაც ჯანმრთელობის პრობლემები ჰქონდა, შვილიშვილს უსაყვედურა, რის შემდეგაც ახალგაზრდამ ბაბუას სასტიკად სცემა.
პროკურორის ინფორმაციით, 28 წლის მამაკაცი შემთხვევის ადგილიდან არ მიმალულა, თუმცა მომხდარის ინსცენირება სცადა. მოხუცის მკვლელობისთვის დაკავებულმა დილით ყველას უთხრა, რომ ბაბუა გარდაიცვალა. გამთენიისას სამეზობლოში გავრცელდა ვერსია, რომ მოხუცი კაცი საწოლიდან გადავარდა და გარდაიცვალა. მეზობლების ნაწილს ამ ვერსიის ახლაც სჯერა. გარდაცვლილის ნათესავებმა კომენტარზე უარი განაცხადეს.
როდესაც ექიმებმა მოხუცის გარდაცვალება დაადასტურეს, შვილიშვილი საგამოძიებო უწყებაში გამოკითხვაზე გადაიყვანეს. ნიკა საათაშვილს გამოკითხვის შემდეგ, პოლიციის განყოფილებაში ხელბორკილი დაადეს. ბრალად ბაბუის განსაკუთრებული სისასტიკით მკვლელობა წარუდგინეს. ამის მოტივი მისი პირველი გამოკითხვა გახდა. "კურიერი P.S."-მა ის ოქმი მოიპოვა, სადაც დაკავებული მომხდარის დეტალებს აღწერს და მკვლელობას აღიარებს.
“მეგობრებთან ერთად ვსვამდი არაყს და ლუდს. ქეიფი გავაგრძელე დილის 04:00 საათამდე. სახლში მისვლისას პაპაჩემს, ტარიელ ქუტაშვილს ეღვიძა. მისვლისთანავე დამიწყო ლანძღვა და გინება - რატომ არ მომიტანე საჭმელიო. პაპაჩემი თავად ვერ გადიოდა გარეთ მისი ჯანმრთელობის მდგომარეობიდან გამომდინარე. ვცადე მისი დამშვიდება და ვუთხარი, რომ გათენდებოდა და მოვუტანდი საჭმელს.
ტარიელ ქუტაშვილმა კვლავ შემაგინა. გავბრაზდი, გამახსენდა, რომ ის ბებიაჩემს, რომელიც გარდაცვლილია, წარსულში ექცეოდა ცუდად და უეცრად გადავწყვიტე მისი მოკვლა. რამდენჯერმე ძლიერად დავარტყი ხელი, შეკრული მუშტი სახის არეში. დაეცა. წაქცეულზე მარჯვენა ფეხი დავარტყი ძლიერად რამდენჯერმე. დავინახე, რომ დაკარგა გონება. ავაღებინე პირი და წყალი ჩავასხი, მაგრამ არანაირი რეაქცია არ ჰქონდა,“ - ამბობს შვილიშვილი.
გამომძიებლებს ნიკა საათაშვილმა ისიც უთხრა, რომ უსიცოცხლოდ იატაკზე დაცემული მოხუცი მიატოვა და გვერდით ოთახში გავიდა.
ახლა ეს ჩვენება ძალადაკარგულად ითვლება. მას შემდეგ, რაც გორის სასამართლომ დაკავებულის აღკვეთის ღონისძიებაზე იმსჯელა, ნიკა საათაშვილმა პოზიცია შეცვალა და დუმილი აირჩია. მისი ადვოკატი სხდომაზე ბრალდებულის გათავისუფლებას ითხოვდა, თუმცა სასამართლომ პატიმრობაში დატოვა.
მიანდობს თუ არა ბაბუის მკვლელობაში ბრალდებული კაცი საკუთარ ბედს ნაფიც მსაჯულებს, ეს უახლოეს 2 თვეში გახდება ცნობილი. საქმის პროკურორი კი გამამტყუნებელ განაჩენს ელოდება.
ნიკა საათაშვილის საქმეზე არსებით განხილვას გორის სასამართლო 5 მაისს დაიწყებს. დაარღვევს თუ არა დუმილს უმძიმეს ფაქტზე დაკავებული კაცი, არსებითი განხილვისას გაირკვევა. ბრალის დამტკიცების შემთხვევაში, ბაბუის მკვლელობაში ბრალდებულს 16-20 წლამდე ან უვადო პატიმრობა ელის.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
