მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ევროკავშირი მხარს უჭერს საქართველოს ტერიტორიულ მთლიანობას; ბადრა გუნბა “პრეზიდენტის“ პოსტზე, პრაქტიკულად, რუსებმა დანიშნეს“ - გამოხმაურებები ოკუპირებულ აფხაზეთში გამართულ ე.წ. საპრეზიდენტო არჩევნებზე
12:52 / 03-03-2025
“ევროკავშირი არ ცნობს იმ კონსტიტუციურ და სამართლებრივ ჩარჩოს, რომელშიც [ აფხაზეთის ე.წ საპრეზიდენტო არჩევნები] ჩატარდა“, - ამის შესახებ ბრიუსელში “ინტერპრესნიუსის“ სპეციალურ კორესპონდენტს ევროკავშირის პრესსამსახურის ოფისში განუცხადეს.
“ევროკავშირი მხარს უჭერს საქართველოს ტერიტორიულ მთლიანობასა და სუვერენიტეტს, როგორც ეს აღიარებულია საერთაშორისო სამართლის მიერ. რაც შეეხება ე.წ საპრეზიდენტო არჩევნებს, რომელიც გაიმართა საქართველოს ოკუპირებულ, სეპარატისტულ რეგიონ აფხაზეთში, ევროკავშირი არ ცნობს იმ კონსტიტუციურ და სამართლებრივ ჩარჩოს, რომელშიც ის ჩატარდა. ევროკავშირი გააგრძელებს არაღიარებისა და ჩართულობის პოლიტიკას”, - აცხადებენ ევროკავშირის პრესსამსახურის ოფისში.
აფხაზეთის უმაღლესი საბჭოს დეპუტატის, გია გვაზავას განცხადებით, ბადრა გუნბა “პრეზიდენტის“ პოსტზე, პრაქტიკულად, რუსებმა დანიშნეს.
“რა თქმა უნდა, დაპირისპირება გაგრძელდება. ორი აზრი არ არსებობს, იმიტომ, რომ პრაქტიკულად, აფხაზეთში არის “კლანობრივი“ მმართველობა. კლანები მართავენ “ქვეყანას“. არის კიდევ ორი მიმართულება - თურქული და რუსული. არძინბა თურქეთის მიმართულებთ არის უფრო შემჩნეული, ვიდრე რუსეთის, ამიტომაც პრაქტიკულად, ჩაეხსნა რუსული მხარდაჭერისგან. რაც შეეხება გუნბას - პრაქტიკულად, რუსების დანიშნულია. რა თქმა უნდა, რუსეთი გააგრძელებს ამას,“ - განაცხადა გვაზავამ.
ოკუპირებულ აფხაზეთში გამართულ ე.წ. საპრეზიდენტო არჩევნებს აფასებს აფხაზეთის უმაღლესი საბჭოს თავმჯდომარე, ჯემალ გამახარია.
“აფხაზეთში ჩატარებული ე.წ. არჩევნები სრულიად უკანონოა - აფხაზეთის უმაღლეს საბჭოში ოფიციალურად მივიღებთ დადგენილებას და ბათილად გამოვაცხადებთ ამ ე.წ. არჩევნებს“, - ამის შესახებ აფხაზეთის უმაღლესი საბჭოს თავმჯდომარემ, ჯემალ გამახარიამ პრესკონფერენციაზე განაცხადა.
მისივე თქმით, აღნიშნულ საკითხზე საუბარი გაიმართება ჟენევაშიც.
“ჩვენ აფხაზეთის უმაღლეს საბჭოში ოფიციალურად მივიღებთ დადგენილებას და ბათილად გამოვაცხადებთ ამ ე.წ. არჩევნებს. დღეს იქნება მსჯელობა ჟენევაშიც. ჟენევის დისკუსიების 63-ე რაუნდი იწყება. იქაც იქნება ამაზე საუბარი და შესაბამისი განცხადებები გაკეთდება. ეს არჩევნები კი არის დე ფაქტო, მაგრამ არის სრულიად უკანონო და ჩვენ ამას არა მხოლოდ განცხადებებით, არამედ იურიდიული დოკუმენტის გამოქვეყნებით ვადასტურებთ,“ - აღნიშნა მან.
ამასთან, გამახარია აცხადებს, რომ არძინბას მიმართ რეპრესიები მოსალოდნელია და რუსეთი ყველაფერს გააკეთებს, რომ ის პოლიტიკას ჩამოაშოროს.
“არძინბას მიმართ რეპრესიები მოსალოდნელია და არ არის გამორიცხული, რომ მას მოქალაქეობა ჩამოართვან. ეს ადამიანი აფხაზთა დიდი მხარდაჭერით სარგებლობს და რუსეთი ყველაფერს გააკეთებს, რომ ის პოლიტიკას ჩამოაშოროს. არძინბა ამ წუთამდე დუმს, რაც მიუთითებს იმაზე, რომ ის არის მკაცრად გაფრთხილებული. ის ემზადებოდა, არ ეღიარებინათ ეს ე.წ. არჩევნები და დაეწყოთ ქუჩის აქციები და ხელმეორედ გადატრიალება, მაგრამ, როგორც ჩანს, ისინი მკაცრად გაფრთხილებულები არიან და ეს ვერ გაბედეს. ასე რომ ეს ადამიანი ძალიან უცნაურად დუმს,“ - განაცხადა გამახარიამ.
- ამასთან, აფხაზეთის უმაღლესი საბჭოს თავმჯდომარე აღნიშნავს, რომ ოკუპირებულ აფხაზეთის ე.წ. საპრეზიდენტო არჩევნებში რუსეთის ჩარევა უპრეცედენტო იყო.
“რუსეთი ყოველთვის ყველა არჩევნებში ერეოდა, არა მარტო მის მიერ ოკუპირებულ ტერიტორიებზე, არამედ ამერიკის შეერთებულ შტატებშიც, მაგრამ ადრე რუსეთის “ფავორიტი“ კანდიდატი ყოველთვის აგებდა, ახლა, როგორც პირველ ტურში, ისე მეორე ტურში, ძალიან დიდი სხვაობით იმარჯვებს პრორუსული კანდიდატი. ეს არის უპრეცედენტო ჩარევის შედეგი, რომლის მსგავსი ჩვენ მთელი ამ წლების განმავლობაში არ გვახსოვს.
არჩევნების ერთ-ერთი მთავარი შედეგი გახლავთ საზოგადოების უკიდურესი პოლარიზაცია. იყო სროლები როგორც აფხაზებს შორის, ასევე იყო თავდასხმა სომხურ უბნებზე. წლებია მოდის, მაგრამ ახლა უკვე პიკს უახლოვდება დაპირისპირება სომხებსა და აფხაზებს შორის. ესეც ამ არჩევნების ერთ-ერთი შედეგი გახლავთ. ე.ი. სახეზეა განხეთქილება თვით აფხაზებს შორის და დაპირისპირება აფხაზებსა და სომხებს შორის.
აფხაზებს ოდითგანვე არათუ არ უყვარდათ, არამედ სძულდათ რუსები, უბრალოდ, რუსეთი აფხაზებს ქართველების წინააღმდეგ იყენებდნენ. თუ ეს სიძულვილი ადრე არ ჩანდა, ახლა ეს უკვე სააშკარაოზე გამოვიდა და ამ არჩევნებმა ეს ურთიერთობები თავიდან ბოლომდე გააშიშვლა,“ - განაცხადა გამახარიამ მედიაჰოლდინგ “კვირას“ პრესკლუბში.
შეგახსენებთ, ოკუპირებულ აფხაზეთში ე.წ. “საპრეზიდენტო არჩევნების“ მეორე ტური 1-ელ მარტს გაიმართა, რომელშიც, ე.წ. “ცესკოს“ მონაცემებით, ბადრა გუნბამ “გაიმარჯვა“. კერძოდ, ე.წ. “ცესკოს“ ინფორმაციით, კენჭისყრის წინასწარი შედეგებით, ადგურ არძინბამ ხმების 41.54% მიიღო, ბადრა გუნბამ კი 54.73%.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
