მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტრამპი-მაკრონის შეხვედრა და პრეზიდენტების მთავარი გზავნილები - რა მოხდა ჟურნალისტებთან შეხვედრისას და რატომ შეაწყვეტინა მაკრონმა აშშ-ის პრეზიდენტს საუბარი?
09:58 / 25-02-2025
საფრანგეთის პრეზიდენტი, ემანუელ მაკრონი ვაშინგტონში ჩავიდა, სადაც აშშ-ის პირველ პირს, დონალდ ტრამპს შეხვდა. შეხვედრის დასრულების შემდეგ მხარეებმა მედიასთან კომენტარები გააკეთეს.
ოვალურ კაბინეტში შეხვედრისას ემანუელ მაკრონმა უკრაინის ევროპული მხარდაჭერის შესახებ საუბრისას დონალდ ტრამპს სიტყვა შეაწყვეტინა.
"როგორც გესმით, ევროპა უკრაინას ფულს ასესხებს და ისინი იღებენ ფულს უკან“, - აღნიშნა ტრამპმა, რა დროსაც მაკრონმა ხელი ჩასჭიდა ტრამპს და უთხრა:
"არა, სიმართლე გითხრათ, ჩვენ გადავიხადეთ. ჩვენ გადავიხადეთ მთლიანი ძალისხმევის 60%. აშშ-ს მსგავსად: სესხები, გარანტიები, გრანტები. ჩვენ გვაქვს 230 მილიარდი დოლარის გაყინული აქტივები ევროპაში, რუსული აქტივები. მაგრამ ეს არ არის სესხის უზრუნველყოფა", რადგან მაკრონის თქმით, ეს არ არის "ჩვენი საკუთრება", ის გაყინულია.
"თუ, საბოლოოდ, მოლაპარაკების შედეგად, რუსეთი მზად იქნება გადმოსაცემად, შესანიშნავი იქნება, ეს საბოლოოდ სესხად ჩაითვლება და რუსეთი გადაიხდის".
ამის პასუხად კი ტრამპმა თქვა, "თუ გჯერა ამის, ეს კარგია ჩემთვის".
"მშვიდობის აღდგენის დროა და ვფიქრობ, ჩვენ ამას გავაკეთებთ", - განაცხადა დონალდ ტრამპმა
"ჩვენი დღევანდელი შეხვედრის მიზანი კიდევ ერთი ბრძოლის დასრულებაა, მართლაც საშინელი ბრძოლის დასრულებაა, რომლის მსგავსიც მეორე მსოფლიო ომის შემდეგ არ გვინახავს. მშვიდობის აღდგენის დროა და ვფიქრობ, ჩვენ ამას გავაკეთებთ. ჩვენ შესანიშნავი საუბრები გვქონდა, მათ შორის რუსეთთანაც“, - განაცხადა დონალდ ტრამპმა.
მისი თქმით, აშშ-მ უკრაინას გაცილებით მეტი დახმარება გაუწია, ვიდრე სხვა ქვეყნებმა და აღნიშნა, რომ ევროპისა და აშშ-ის მიერ დახარჯულ თანხებს შორის ძალიან დიდი განსხვავებაა.
"მოხარული ვარ, რომ მაკრონიც მეთანხმება იმის შესახებ, რომ მშვიდობის უზრუნველყოფის ხარჯები და ტვირთი ევროპულმა ქვეყნებმაც უნდა აიღონ და არა მხოლოდ აშშ-მა და რომ ევროპამ უკრაინის ხანგრძლივი უსაფრთხოების უზრუნველსაყოფად ცენტრალური როლი უნდა შეასრულონ, რისი გაკეთებაც მათ სურთ“, - აღნიშნა აშშ-ის პრეზიდენტმა.
საფრანგეთის პრეზიდენტის, ემანუელ მაკრონის განცხადებით, "მშვიდობა უკრაინის დანებებას ან გარანტიების გარეშე ცეცხლის შეწყვეტას არ უნდა ნიშნავდეს“.
"ამ მშვიდობამ უკრაინის სუვერენიტეტი უნდა უზრუნველყოს და უკრაინას საშუალება უნდა მისცეს სხვა დაინტერესებულ მხარეებთან იმ საკითხებზე მოლაპარაკებები შეძლოს, რომელიც მას ეხება. ასევე, ეს არის ქვეყანა, სადაც ჩვენ პასუხისმგებლობა უნდა ავიღოთ, რათა უკრაინისა და მთელი რეგიონის უსაფრთხოების უზრუნველყოფა შევძლოთ. ევროპელებისთვის ეს ეგზისტენციალური საკითხია“, - განაცხადა საფრანგეთის პრეზიდენტმა.
მაკრონის თქმით, ბუჩასა და ომის დანაშაულების შემდეგ, პრეზიდენტ პუტინთან საუბარი შეწყვიტა.
"ბუჩასა და ომის დანაშაულების შემდეგ პრეზიდენტ პუტინთან საუბარი შევწყვიტე, რადგან ჩავთვალე, რომ იმ დროისთვის მისგან ვერაფერს მივიღებდით. ახლა დიდ ცვლილებას აქვს ადგილი, რადგან აშშ-ს ახალი ადმინისტრაცია ჰყავს, ამიტომ ახალი კონტექსტია. ასე რომ, ურთიერთობის განახლებისთვის პრეზიდენტ ტრამპს კარგი მიზეზი აქვს“, - განაცხადა ემანუელ მაკრონმა.
მისი თქმით, ერთადერთი გზა, რათა დარწმუნდე, რომ რუსეთის პრეზიდენტის მიერ შეთანხმების პატივისცემა მოხდება "სიძლიერე და შეკავების შესაძლებლობებია“.
"მჯერა, რომ აშშ-ს ამის შესაძლებლობა აქვს. პირველ რიგში უნდა მივიღოთ რაღაც, რისი შეფასება, შემოწმება და დამოწმება შეიძლება მოხდეს. მოდით, მოკლევადიან პერსპექტივაში საკმარისი გარანტიების შექმნა უზრუნველვყოთ“, - აღნიშნა საფრანგეთის პრეზიდენტმა.
- აღსანიშნავია, რომ დონალდ ტრამპის თქმით, შეიძლება პრეზიდენტ ზელენსკის მიმდინარე ან მომავალ კვირაში შეხვდეს.
"პრეზიდენტ ზელენსკის შევხვდები. შეიძლება მიმდინარე კვირაში ან მომავალ კვირაში ჩამოვიდეს, რათა შეთანხმებას ხელი მოაწეროს“, - განაცხადა აშშ-ის პრეზიდენტმა.
ამასთან, მისი თქმით, არ იცის, თუ როდის შეხვდება რუსეთის პრეზიდენტს, ვლადიმერ პუტინს.
"არ ვიცი როდის ვისაუბრებთ. რაღაც ეტაპზე პრეზიდენტ პუტინს შევხვდები“, - აღნიშნა დონალდ ტრამპმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
