მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აშშ-ს პრეზიდენტი ყველაფერს აკეთებს, რომ უკრაინაში ომის დასრულების საკითხზე შეთანხმება მოხდეს და რა თქმა უნდა, ჩვენ მხარი დავუჭირეთ ამერიკის რეზოლუციას" - კალაძე
12:39 / 24-02-2025
სამწუხაროა და ძალიან მძიმეა ის, რაც უკრაინაში მოხდა, მაგრამ ცხადია, რომ ეს ყველაფერი უნდა დამთავრდეს, - ამის შესახებ „ქართული ოცნების” გენერალურმა მდივანმა, კახა კალაძემ განაცხადა, რითაც ამერიკის შეერთებული შტატების მიერ გაეროში დაინიცირებულ რეზოლუციას გამოეხმაურა, რომელიც უკრაინაში ომის სწრაფად დასრულებას ითვალისწინებს.
მისივე თქმით, ამერიკის შეერთებული შტატების პრეზიდენტი ყველაფერს აკეთებს იმისთვის, რომ მოხდეს შეთანხმება.
"მშვიდობას არ აქვს ალტერნატივა. ძალიან კარგი იქნებოდა, რომ მომხდარიყო ამ ომის თავიდან არიდება, რაც რა თქმა უნდა, შესაძლებელი იყო. ჩვენ იმიტომ ვართ პოლიტიკაში და იმიტომ გვირჩევს ხალხი, რომ ქვეყანას საფრთხეები ავარიდოთ. სამწუხაროა და ძალიან მძიმე ის, რაც უკრაინაში მოხდა, მაგრამ ცხადია, რომ ეს ყველაფერი უნდა დამთავრდეს. ამერიკის შეერთებული შტატების პრეზიდენტი ყველაფერს აკეთებს იმისთვის, რომ მოხდეს შეთანხმება და რა თქმა უნდა, ჩვენ მხარი დავუჭირეთ აღნიშნულ რეზოლუციას”, - განაცხადა კალაძემ.
ჟურნალისტის კითხვაზე, რა შეეძლო უკრაინას გაეკეთებინა და რა არ გააკეთა, კალაძემ აღნიშნა, რომ „პოლიტიკაში პოლიტიკოსები იმიტომ არიან, რომ ყველაფერი გააკეთონ, რათა საფრთხეები ქვეყანას აარიდონ და ქვეყნის, ხალხის ინტერესებიდან გამომდინარე იმოქმედონ“.
"ჩვენ პოლიტიკოსები რატომ ვართ პოლიტიკაში? - ცხადია, არსებობს გამოწვევები. თქვენ წარმოიდგინეთ, რომ არა „ქართული ოცნება” ხელისუფლებაში და ყოფილიყო ნებისმიერი სხვა ამ აგენტურის წარმომადგენლები, საქართველოში იგივე კატასტროფული მდგომარეობა გვექნებოდა, რაც დღეს სამწუხაროდ, უკრაინაში ხდება. შესაბამისად, როდესაც შენ მოქმედებ შენი ქვეყნის და ხალხის ინტერესებით, მით უმეტესს, მაშინ როდესაც ჩვენ ეს უკვე ნანახი გვაქვს, 2008 წლის ომი გამოვლილი გვაქვს და ყველას კარგად გვახსოვს, ქვეყანამ რამხელა უბედურება მიიღო. დღესაც ეს ჭრილობები ვერ მოგვიშუშებია. შესაბამისად, პოლიტიკაში იმიტომ ვართ, რომ ყველაფერი გავაკეთოთ, რათა საფრთხეები ავარიდოთ ქვეყანას და ვიმოქმედოთ, პირველ რიგში, ქვეყნის და ხალხის ინტერესებიდან გამომდინარე. რა თქმა უნდა, არავის არ უნდა მიეცეს შესაძლებლობა, რომ მისი ინტერესები გატარებული იყოს, ჩვენი ქვეყნის მკვლელობის, გაუბედურების ხარჯზე”, - აღნიშნა კალაძემ.
ცნობისთვის, The Wall Street Journal-ის ინფორმაციით, გაერო-ს უშიშროების საბჭოზე, ორშაბათს, უკრაინის წინააღმდეგ რუსეთის ომის დაწყებიდან მესამე წლისთავზე, შესაძლოა, კენჭი უყარონ აშშ-ის რეზოლუციის პროექტს, რომელიც რუსეთ-უკრაინის კონფლიქტის სწრაფად დასრულებას ითხოვს.
გამოცემის ცნობით, აშშ-ის რეზოლუციის კანონპროექტში, რომელიც სამი პუნქტისგან შედგება, ნათქვამია, რომ ის „ითხოვს კონფლიქტის სწრაფ დასრულებას“ და გლოვობს „ადამიანთა ტრაგიკულ დაღუპვას რუსეთ-უკრაინის კონფლიქტში“. ამასთან, გამოცემის ცნობით, აშშ-ის რეზოლუციაში არ არის მითითებული, თუ ვინ დაიწყო ომი და არ მოიცავს კონკრეტულ მოთხოვნებს კრემლის მიმართ.
„მას ერთი თანასპონსორი ჰყავს - საქართველოს მთავრობა, რომლის კავშირები მოსკოვთან ბოლო დროს დათბა“, - წერს The Wall Street Journal-ი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
