მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მანიაკური სიშმაგით, უმიზეზოდ დამესხა თავს" - ნიკოლას ქეიჯის ყოფილი პარტნიორი მსახიობსა და მათ საერთო შვილს უჩივის
11:57 / 21-02-2025
ჰოლივუდის ვარსკვლავის, ნიკოლას ქეიჯის ყოფილი პარტნიორი ნიკოლასს და მათ საერთო შვილს, უესტონს თავდასხმის გამო უჩივის, რა დროსაც ქალის მტკიცებით, "სიცოცხლისთვის საშიში დაზიანებები მიიღო. კრისტინა ფულტონის თქმით, შემთხვევა გასულ წელს მოხდა, როდესაც მამა-შვილი მას თავს დაესხა.
კრისტინა ფულტონი უესტონ ქეიჯს "136-კილოგრამიან პროფესიონალ მებრძოლს" უწოდებს და ამბობს, რომ ის მას თავს მოულოდნელად, უმიზეზოდ დაესხა.
სარჩელის თანახმად, 57 წლის ფულტონი შვილს თავდასხმისა და ცემისთვის უჩივის, ხოლო 61 წლის ქეიჯს, დაუდევრობისთვის. ქალის მტკიცებით, მსახიობმა მათი შვილის ძალადობრივი ქცევა ვერ აღკვეთა.
ქალი ანაზღაურებას ითხოვს "კატასტროფული ფიზიკური, ემოციური და ეკონომიკური ზიანისთვის, რომელიც მან განიცადა უესტონის მხრიდან უმიზეზო თავდასხმის გამო". ნიკოლას ქეიჯთან დაკავშირებული სარჩელი ადვოკატებმა "უსაფუძვლოდ" მიიჩნიეს.
ფულტონი აცხადებს, რომ ის თავის შვილს 2024 წლის 28 აპრილს ესტუმრა, რადგან მისი მეგობრებისგან "გადაუდებელი შეტყობინებები" მიიღო.
მისი თქმით, დანახვისთანავე შვილი მას "მანიაკური სიშმაგით" დაესხა თავს და ავტოსადგომზე, ლიფტში და საცხოვრებლის ფოიეში აყენებდა ფიზიკურ შეურაცხყოფას. სარჩელში ნათქვამია, რომ ქალს თავის ტვინის შერყევა, მრავლობითი დაჟეჟილობები, კისრისა და ყელის დაზიანებები, კბილების ტრავმა, ტინიტუსი, მუცლის ტრავმა და პოსტ-ტრავმული სტრესული აშლილობა დარჩა.
- ფულტონის მტკიცებით, ნიკოლას ქეიჯმა იცოდა მათი შვილის "მენტალური და ფსიქოლოგიური აშლილობის ხანგრძლივი ისტორიისა" და "ძალადობრივი თავდასხმისა და ცემის" წინა სავარაუდო შემთხვევების შესახებ, მაგრამ ფინანსური დახმარების გაწევით, ასეთი ქცევის ხელშეწყობას განაგრძობდა.
სარჩელში ასევე ნათქვამია, რომ ქეიჯმა შვილისთვის ბინა საკუთარი საცხოვრებლის გვერდით იყიდა, რამდენჯერმე გამოიხსნა იგი ციხიდან და მასთან ერთად სვამდა ალკოჰოლს, მიუხედავად იმისა, რომ იცოდა, რომ შვილი სავარაუდოდ, სხვადასხვა ნივთიერებებზე დამოკიდებულებას ებრძოდა.
BBC-სთან, ნიკოლას ქეიჯის ადვოკატმა, ბრაიან ვოლფმა თქვა, რომ სარჩელი "აბსურდულია".
"ბატონი ქეიჯი არანაირად არ აკონტროლებს უესტონის ქცევას და არ არის პასუხისმგებელი უესტონის სავარაუდო თავდასხმის გამო დედამისზე", - ამბობს ადვოკატი.
BBC-სთან ინტერვიუში, ჯოზეფ ფარზამი, ადვოკატი, რომელიც ფულტონს წარმოადგენს, დაეთანხმა აზრს, რომ ადამიანების უმეტესობა არ არის პასუხისმგებელნი მათი ზრდასრული შვილების ქმედებებზე.
მაგრამ მისივე თქმით, კანონი ძალიან მკაფიოდ აცხადებს, რომ მშობელი შეიძლება, პასუხისმგებელი იყოს ზრდასრულ შვილზე ამა თუ იმ მენტალური შეზღუდვით, თუ შვილს საკუთარი თავის რჩენა არ შეუძლია.
- "ეს უნიკალური სიტუაციაა," - განუცხადა მან BBC-ს, - "უესტონს აქვს ძალადობის ისტორია და მამამისმა ის კი არ შეაჩერა, არამედ ხელს უწყობდა. გირაოთი გამოჰყავდა ციხიდან და სიტუაცია ამით კიდევ უფრო გააუარესა მდგომარეობა", - განმართავს ადვოკატი.
ფულტონმა, რომელსაც ნიკოლას ქეიჯთან 1988-91 წლებში ჰქონდა ურთიერთობა, მსახიობს 2009 წელს ფინანსური დავის გამო უჩივლა. მაშინ ქალმა განაცხადა, რომ ქეიჯს მისი $13 მილიონი მართებდა და უარი თქვა დაპირებაზე, რომ მისთვის ჰენკოკ პარკში, ლოს ანჯელესის მდიდრულ უბანში იყიდდა სახლს. ეს საქმე 2011 წელს, გაუმჟღავნებელი პირობებით მოგვარდა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
